Éxodo 3:19 - Bible in Tzotzil de Chamula

¹⁹ Ac'o mi jech ta xavalbeic ya'i ti ajvalil yu'un ti Egiptoe, ja' no'ox un, jna' lec ti mu xac' loc'anic batel ti mi mu'yuc c'usi tsots ta xc'ot ta stojole.

Bible in Tzotzil de Chenalhó with Deuterocanon

¹⁹ Pero jna'oj lec ti mu ono'ox xayac'oxuc loq'uel tal li ajvalil ta Egipto ti me mu xich' tsots sujele.

Éxodo 3:19 Iomraidhean Croise

Éxodo 10:20

Ja' no'ox un, ti Diose laj yac' pucujibuc yo'nton ti faraone. Mu'yuc laj yac' loc'uc batel ti israeletique.

Éxodo 11:10

Jech ti Moisese xchi'uc ti Aarone lic yaq'uic iluc ti c'usi ch'ayal ta xc'ot o'ntonal yu'un ta sba ta sat ti faraone. Ti jech pucujibtasbat xa yo'nton faraón yu'un ti Diose, mu'yuc laj yac' loc'uc batel ti israeletic ta Egiptoe.

Éxodo 11:9

Ts'acal to un, ti Diose xi laj yalbe ya'i ti Moisese: —Ti faraone mu xayac'oxuc ta venta. Ja' yu'un un, ta x'epaj ti c'usitic ch'ayal ta xc'ot o'ntonal ta xcac' iluc ti li' ta Egiptoe.

Éxodo 13:15

C'alal pucujib yo'nton ti faraón ti c'alal mu xiyac' loc'uncutic talele, jech o xal ti Diose laj smilbe sba xnich'onic ti jujuchop jnaclej egipcioetique, xchi'uc scotol sba yoltac ti xchon sbolomique. Jech o xal ta xcac'becutic ta smoton Dios scotol sba yoltac ti chon bolometic ti stot chlaj voc'uque. Ja' yu'un un, ta xcac'cutic jcot matanal sventa xq'uexol ti sba nich'onil querem ta xvoq'uique.

Éxodo 4:21

Ts'acal to un, xi albat Moisés yu'un ti Diose: —C'alal ta xac'ot ta Egiptoe, xavac' me avo'nton ta spasel ta stojol faraón ti ep ta tos laj cac'bot amuc'ul atsatsal ta spasel ti c'usi ch'ayal ta xc'ot o'ntonal yu'une. Ja' no'ox un, mu xac' loc'uc batel ti israeletique. Yu'un vu'un ta jpucujibtasbe yo'nton ti faraone.

Éxodo 5:2

C'u stu un, ti faraone xi laj staq'ue: —¿Buch'u ti Ajvalil taje yo' jech ta jch'unbe smantal ti xu' xcac' que ti xu' ta xloq'uic batel ti israeletique? Mu xcojtiquin ma' ti Ajvalil taje. Ja' jech xtoc mi ja'uc ta xcac' loc'uc batel ti israeletique.

Éxodo 6:1

Ti Diose xi laj staq'ue: —Avi tanae, ta xavil ti c'usi ta jpas ta stojol ti faraone, yu'un ja' to ta xac' loc'uc batel ta steclumal ti mi tsots ta sta ti ilbajinele. Va'i unbi, xu' xa ta xal stuc ti ac'o loq'uicuc batele.

Éxodo 8:28

Ja' yu'un un, ti faraone xi laj yale: —Lec oy, batanic ta sbajtical banomil ta yac'bel smoton ti Ajvalil Dios avu'unique. Ta xcalboxuc ava'iic ti mu me toj nomuc xabatic une. Ja' jech xtoc, c'anbeic vocol ti Dios ta jtojole.

Éxodo 9:35

Ti jech pucujib yo'nton ti faraone, ja' yu'un un, mu'yuc laj yac' loc'uc batel ti israeletique. C'ot ta pasel jech c'u cha'al albil ono'ox yu'un Dios ti Moisese.

Éxodo 9:7

Jech ti faraone laj yal mantal ti ac'o ba yich' q'uelbel ti chon bolometic yu'unic ti israeletique. Vinaj ti mu'yuc xcham jcotuc ti chon bolometic yu'unique. Ac'o mi jech laj ya'i un, pucujib ti yo'ntone. Mu'yuc laj yac' loc'uc batel ti israeletique.