Éxodo 3:18 - Bible in Tzotzil de Chamula

¹⁸ Ti moletique ta xich'ic ta muc' ti ac'ope. Ja' yu'un un, ti vo'ote xchi'uc ti stuquique xi xavalbeic ya'i ti ajvalil yu'un Egipto c'alal chbat aq'uelique: “Ti Ajvalil Dios yu'unic ti hebreoetique, tal sa'uncutic. Ja' yu'un un, ac'o ave ati' ti ta xibatcutic ta sbajtical banomil ti oy oxibuc c'ac'al ti sbelele yo' chbat cac'becutic smoton ti Ajvalil ti ja' Dios cu'uncutique.”

Bible in Tzotzil de Chenalhó with Deuterocanon

¹⁸ Li banquilaletique ta xich'ot ta muc'. Jech te chaxchi'inicot batel c'alal chabat ta stojol li ajvalil ta Egiptoe. Jech xc'ot avalbeic: ‘Li Muc'ul Dios cu'uncutic, vu'uncutic li hebreouncutique, talem snupuncutic ta be. Ja' yu'un coltauncutic to batel yu'un chibatcutic ta xocol banamil, yu'un te chbat cac'becutic smoton li Muc'ul Dios cu'uncutique; ja' oxib c'ac'al li sbelale’, utic c'otel.

Éxodo 3:18 Iomraidhean Croise

Génesis 12:1

Oy jun c'ac'al, xi albat yu'un Dios ti Abrame: “Ictao comel ti avosil abanomile, ti avuts' avalaltaque, xchi'uc sna ti atote yo' jech ta xabat ta banomil ti bu ta xcac'bot avile.

Génesis 14:13

Ja' no'ox un, oy jun vinic ti col batele, ja' bat yalbe ya'i scotol ti Abram ti jun hebreo vinic nacal ta muc'tic tulantic ti oy ta yosil ti Mamre ti ja' amorreoe. Yu'un ti Mamre, ja' xchi'il ta voq'uel ti Escole, ti Anere. Jech ti stuquic taje, jmoj sjolic xchi'uc ti Abrame.

Génesis 15:1

C'alal laj ti va'i s'elan taj une, ti Abrame ta jech to yepal jam sba sat, ja' o xi albat yu'un ti Diose: —Mu xaxi', Abram, yu'un vu'un avajpojobbailun. Yu'un ti matanal ti oy sc'oplal ta xc'ot ta atojole, mu xa ono'ox albajuc yepal ta xbat.

Génesis 17:1

C'alal yich'oj xa balunlajuneb yo'vinic (99) jabil ti Abrame, laj yac' sba iluc ti Dios ta stojolal ti xi albate: —Vu'un Diosun ti scotol xu' cu'une. Tamo ta spasel ti c'usi lec tuc' ta xquil ta jba ta jsate.

Génesis 48:3

Xi laj yalbe ti Josee: —Ti Dios scotol xu' yu'une laj sva'an sba ta jtojol. Laj yac' sba iluc ta jteclum Luz ti oy ta Canaán banomil

2 Crónicas 30:12

Ti Dios eque laj stijbe yo'nton ti jnaclejetic ta Judae, ti ta xch'unbe smantal ti ajvalile, xchi'uc ti yaj'opisialtac ti albilic yu'un ti Dios ti jech laj yalique.

Salmos 110:3

Ti ateclumale ta xac' sba ta atojol c'alal yorail ti tsalbil ta xc'ot avu'un scotole. Xqueremaj no'ox ti viniquetic avu'une jech c'u cha'al ti ch'ul vits ti sts'ujulin no'ox job ac'ubal ta stojol ta jujun sacubel osile.

Éxodo 10:3

Jech ti Moisese xchi'uc ti Aarone batic ta stojol ti faraone, ti xi laj yalbeic ya'ie: —Xi ta xalbot ava'i ti Ajvalil ti ja' Dios yu'unic ti hebreoetique: “¿C'u to sjalil ti toyobbaot ta jtojole? Ac'o ave ati' ti xu' ta xloq'uic batel ti calab jnich'nabe yo' chbat xiyich'icun ta muc'.

Éxodo 17:5

Xi tac'bat yu'un ti Diose: —Jelavan batel ta jba'be yu'un ti jteclume. Chi'ino batel jun chibuc moletic yu'un ti Israele. Tamo batel ti avaxton ti laj amaj o xchi'uc ti uc'ume, xan me ach'a un.

Éxodo 19:1

Ti israeletique c'otic ta sbajtical banomil yu'un Sinaí c'alal yoxibal (3) xa ox yual sloq'uelic talel ta Egiptoe.

Éxodo 25:22

Va'i un, ta toyol ti oy ta stuq'uil sba xcaxail ti trate ti bu va'ajtic ti chib ti c'usi oy xiq'uique, tey ta jvinajes jba ta atojol, ti ta xcac'bot ana' scotol ti jmantal ti ta xavalbe ya'i ti israeletique.

Éxodo 3:12

Ti Diose xi laj staq'ue: —Ta jchi'inot, yu'un xi s'elan svinajeb ti vu'un ta jtacot batele: Ja' yu'un un, acotolic ta xtal avich'icun ta muc' li' ta ch'ul vits c'alal mi laj xa aloq'ues talel ta Egipto ti calab jnich'nabe.

Éxodo 3:16

Batan, ba tsobo ti banquilaletic yu'un ti israeletique. Xi xavalbe ya'iique: “Ti Ajvalil Dios yu'unic ti amolmuc'totique, Dios yu'un ti Abrahame, ti Isaaque, ti Jacobe, laj yac' sba iluc ta jtojol ti laj yalbun laj xa sts'etan sni' xchiquin ta atojolique. Laj xa yil ti c'u s'elan ta xapasbatic yu'un ti egipcioetique.

Éxodo 30:36

Lec nin xajuch' jch'acuc. Va'i un, ba ac'o ta xcaxail trate tey ta Axibalna ti bu nupel ta bee. Ti lec xcaltique, ja' tey ti bu albil sc'oplal ti ta jnup jbatic ta bee. Ti pom taje, stuc no'ox ti ja'uc c'otuc ta jtunel pom avu'unique.

Éxodo 30:6

Ts'acal to un, ti altare, ba ac'o ta yeloval ti bu lich'il ti muc' ta poc' ta sts'el xcaxail ti tratee, ti bu ta jta jbatic ta c'oponele.

Éxodo 4:1

Xi laj stac' ti Moisese: —Ti stuquique mu xisch'unbeicun. Mi ja'uc ta xiyaq'uic ta venta xtoc. Xu' nan ti c'ajomal no'ox xi ta xiyalbeique: ‘Mu jch'uncutic ti laj yac' sba iluc ti Dios ta atojolale.’

Éxodo 4:23

Laj xa calbot ava'i, coltao loq'uel ti jnich'one yo' jech ta xbat yich'icun ta muc'. Ja' no'ox un, ti jech mu xac'an xavac' loc'uc batele, ta jmil ti abanquilal nich'one.’ ”

Éxodo 4:24

C'alal c'otic ti bu xa ox vayel ta xc'otic ti Moisés xchi'uc yalab xnich'nab c'alal yorail ti yalel muyelic ta xanobale, ti Diose tal snup ta be ti Moisese, yu'un ta smil xa ox ya'i.

Éxodo 4:31

Jech ti jteclume c'ot ta yo'ntonic, yu'un laj ya'iic ti mu'yuc tenbilic yu'un ti Diose, ti ilbilic mu x'ech' ti svocolique. Jech o xal un, ta sjunul yo'ntonic laj snijan sbaic ta yich'el ta muc'.

Éxodo 5:1

Ts'acal to taj une, ti Moisese xchi'uc ti Aarone xi bat yalbeic ya'i ti faraone: —Xi laj yal ti Ajvalil Dios yu'un ti Israele: “Ac'o ave ati' ti xu' ta xloq'uic batel ta sbajtical banomil ti calab jnich'nabe yo' jech xba spasic q'uin sventa quich'el ta muc'.”

Éxodo 5:3

Jech ti stuquique xi laj yalique: —Ti Dios yu'un ti hebreoetique tal sa'uncutic. Jech o xal un, ta xibatcutic ta sbajtical banomil ti ja' oxibuc c'ac'al ti sbelele yo' jech ta xcac'becutic smoton ti Ajvalil Dios cu'uncutique. Yu'un mi mo'oje, xu' ta xichamcutic ta chamel, mi ta milel ta espada.

Éxodo 7:16

Ti bu taje, xi xavalbee: “Ti Ajvalil ti ja' Dios yu'unic ti hebreoetique, laj stacun talel ti xi ta xcalbote: ‘Ac'o ave ati' ti xu' ta xacolta batel ti calab jnich'nabtaque yo' jech chba yich'icun ta muc' ta sbajtical banomil. Avi tanae, jech o staoj yav ti mu xava'ibe xchiquinale.

Éxodo 8:1

va'i un, ti Diose xi laj yalbe ya'i ti Moisese: —Batan, ba q'uelo ti faraone, xi xavalbe ya'ie: “Xi ta xal ti Diose: ‘Ac'o ave ati' ti xu' ta xloq'uic batel ti calab jnich'nabe yo' jech chbat yich'icun ta muc'.

Éxodo 8:20

Ti Diose xi laj yalbe ya'i ti Moisese: —Ti faraone sob ta xbat oc'om ta uc'um. Ja' yu'un un, sob xalic. Batan, ba q'uelo ti xi xavalbe ya'ie: “Xi ta xal ti Diose: ‘Ac'o ave ati' ti xu' ta xloq'uic batel ti calab jnich'nabe yo' jech ta xbat yich'icun ta muc'.

Éxodo 8:23

Ta xcac' ta ilel ti mu xco'olaj ta jpas ta stojol ti avinquileltaque xchi'uc ti calab jnich'nabe. Taje, oc'om ta xc'ot ta pasel.’ ”

Éxodo 9:1

Ti Diose xi laj yalbe ya'i ti Moisese: —Ba q'uelo ti faraone, ti xi xavalbe ya'ie: “Xi ta xalbot ava'i ti Ajvalil ti ja' Dios yu'un ti hebreoetique: ‘Ac'o ave ati' ti xu' ta xloc' batel ti calab jnich'nabe yo' jech chbat yich'icun ta muc'.

Éxodo 9:13

Ja' yu'un un, ti Diose xi laj yalbe ti Moisese: —Sob xalic oc'om, ba q'uelo ti faraón ti xi xavalbe ya'ie: “Ti Ajvalil ti ja' Dios yu'unic ti hebreoetique, xi ta xalbote: ‘Ac'o ave ati' ti xu' ta xloc' batel ti calab jnich'nabe yo' jech chbat yich'icun ta muc'.

Isaías 64:5

Ti vo'ote, ich'bil ta muc' ta xc'ot avu'un ti buch'u xmuyubaj xa ta spas ti c'usi leque, ti ta svules ta yo'nton ta spasel ti c'usi ta xac'ane. Soquem ti ajole, yu'un laj xa jsa' jmulcutic. Vo'ne xa laj jyanijescutic avo'nton.

Jeremías 2:2

“Bat c'opojan ta stojol ti lum Jerusalene, xi tsots xaval yo' ta xa'iic lec: ‘Bejel ta jol ta xca'i ti mu jipbajun laj ava'i c'alal yach'il to ox laj jnabanot ta jpat jxocone. Jun avo'nton laj atsacliun ta sbajtical banomil ti bu mu'yuc c'usi xloc' x'ayane’, xi ma' ti Dios une.

Jeremías 2:6

Mi ja'uc tsots sc'oplal laj ya'iic ta sa'elicun, manchuc mi laj yilic ti chi'inbilic cu'un ti c'alal laj jloq'uesic talel ta jteclum Egiptoe, ti ech'ic cu'un ta sbajtical banomile, ti bu taq'uin ta j'ech'ele, ti bu ch'abal ti vo'e, ti naca lican ch'entique, ti bu lajel xal oe, ti mu'yuc buch'u nacal teye, ti bu mu junuc jxanvil ta x'ech'e.

Jeremías 26:5

mi mu xaq'uic ta venta ti c'u s'elan cajbijubtasvanic ti cajtunel j'alc'opetique, ti mu'yuc stu laj yilic ti laj ono'ox jtaquilan talel ta stojolique,

Números 17:4

Ta xatic' ochel ta Axibalna ti bu nupel ta be ta yeloval xcaxail ti tratee, ja' ti bu ta xcac' jba iluc ta atojolique.

Josué 1:17

Yu'un j'ech'el ta xajch'unbecutic ti c'usi ta xavale jech c'u cha'al laj jch'unbecutic smantal ti Moisese. Ti juteb ta co'ntoncutic ta jc'ancutique, ti sva'anojuc o sba ta atojolal ti Ajvalil Dios avu'une jech c'u cha'al laj sva'an sba ta stojol ti Moisese.