Éxodo 3:15 - Bible in Tzotzil de Chamula

¹⁵ Ma'uc no'ox taje, yu'un ti Diose xi laj yalbe ti Moisese: —Xi xavalbe ya'iic ti israeletique: “Ti Ajvalil Dios yu'un ti amolmuc'totique, ja' ti Dios yu'un ti Abrahame, ti Isaaque, ti Jacobe, ja' laj stacun talel ta atojolic.” Ja' jech ojtiquinbilun ta xic'ot sbatel osil. Ja' jech albil o ti jc'oplale.

Bible in Tzotzil de Chenalhó with Deuterocanon

¹⁵ Li Diose jech laj yalbe noxtoc li Moisese: —Jech xavalbe noxtoc li achi'iltac ta israelale: ‘Li Muc'ul Diose, ja' li Dios yu'un jmoltotactic ta vo'onee, ja' li Dios yu'un Abraham, Isaac, xchi'uc Jacobe, ja' la stacun tal li' ta atojolique’, uto. Ja' Muc'ul Dios li jbie; mu xlaj sc'oplal o sbatel osil.

Éxodo 3:15 Iomraidhean Croise

Génesis 24:12

Xi laj yal ti lic c'opoj ti'inuque: “Cajval, Diosot yu'un ti cajval Abrahame, coltaun yo' lec ta xbat ti jech li' talemune. Ac'o ta ilel ti xc'uxul avo'nton ta stojol ti cajvale.

1 Crónicas 16:16

ti trate laj yal ta stojol ti Abrahame, ti c'u s'elan laj sva'an sba ta yalel ta stojol ti Isaaque,

1 Crónicas 29:18

Cajval, Dios yu'un ti Abrahame, yu'un ti Isaaque, yu'un ti Israele, ja' ti jtot jme'cutic laj ech'icuc ta vo'nee. Oyuc ta stojolic avu'un yip yo'ntonic ti ateclumale. Ac'bo ya'i ta yo'ntonic yo' jech mu xch'ac sbaic ta atojol.

2 Crónicas 28:9

Ti bu taje, oy jun yaj'alc'op Dios, Obed ti sbie, ti xi laj yal c'alal loc' batel ta snupel ta be ti soldadoetic c'alal ta x'ochic ech'el ta Samariae: —Ti Ajvalile, Dios yu'un ti amolmuc'totic ta vo'nee, soc sjol yu'un ti Judae. Jech o xal laj yac'boxuc ta avoc ta ac'obic une. Ja'uc ti vo'oxuc une laj amilic ti c'ot c'alal to vinajel ta j'ech'el ti sti'emal ajolic yu'un ti sc'ac'al avo'ntonique.

Salmos 102:12

Ti vo'ot une, Cajval, sbatel osil ta xaventainvan; sbatel osil ta ono'ox xich' alilanel ti ac'oplale.

Salmos 102:13

Va'lan tec'lan un cha'e, c'uxubajan yu'un ti jteclum Sione; sta xa sc'ac'alil un, yorail xa ta xach'aybe ti smul scolo'e.

Salmos 135:13

Cajval, sbatel osil mu xtub ta alel ti ac'oplale, ti vulesbilot ta o'ntonal sbatel osile.

Salmos 30:4

Ti vo'oxuc jun ajolic xchi'uc ti Diose, q'uejintaic q'uejimoletic ta stojol, lequil c'opojanic ta sventa.

Salmos 30:5

Jliquel no'ox ti sc'ac'al yo'ntone; sbatel osil mu xlaj ti yutsil slequil yo'ntone. Mi xij'oc'olet ta ac'ubaltique, xijmuyubaj ta sacubel ti osile.

Salmos 68:5

Ti Dios nacal ta xch'ulnae, c'otem ta totil yu'unic ti buch'utic mu'yuc buch'u oy yu'unique; jpojvanej c'otem yu'unic ti me'un antsetique.

Salmos 72:17

J'ech'eluc oyuc ta eil ti'il sc'oplal ti ajvalile; jechuc s'elan c'ac'al jalijuc ta xvinaj ti cuchem yu'une. Ja'uc ta sventa staicuc ti mu'yucuc c'usi sna'ic scotol ti muc'tiquil lumetic ta banomile. Stuc xa no'ox jech ta j'ech'el xiicuc yu'un ti muc'tiquil lumetique.

Salmos 72:19

Ti sbateluc osil lequil c'optabiluc ta sventa ti yutsilale; nojuc ta scotol banomil ti xojobin no'ox ti yutsilale. Jech c'otuc ta pasel un.

Éxodo 15:2

Ti jq'uejimole, ja' sq'uejintael ti Diose, yu'un ja' yip co'nton, ja' jpojobbail. Ta xcalbe slequilal, yu'un ja' Dios cu'un; ja' Dios yu'un ti jtote, jech ta sc'an ta xcac' ta toyesel ti sc'oplale.

Éxodo 15:3

Ti Diose, stuc no'ox xu' yu'un letovajel. Ja' Ajvalil, ja' jech ti sc'oplal albile.

Éxodo 3:13

Ja'uc le' une, ti Moisese xi laj staq'ue: —Ti c'usi toj vocol ta xca'i ti mi ta xibate, ja' ti mi xichi ta xcalbe ti israeletique: ‘Ti Dios yu'un ti amolmuc'totique, ja' laj stacun talel, jech ti stuquique, xu' xi ta xisjac'beicune: ‘¿C'usi sbi taj une?’ Va'i un, ¿c'usi xu' ta xcalbeic ec un?

Éxodo 3:6

Xi to laj yal xtoque: —Diosun yu'un ti amolmuc'totaque. Diosun yu'un ti Abrahame, ti Isaaque, ti Jacobe. Ti Moisese laj smac sat, yu'un xi' ti ta sq'uelbe sba satic xchi'uc ti Diose.

Éxodo 4:1

Xi laj stac' ti Moisese: —Ti stuquique mu xisch'unbeicun. Mi ja'uc ta xiyaq'uic ta venta xtoc. Xu' nan ti c'ajomal no'ox xi ta xiyalbeique: ‘Mu jch'uncutic ti laj yac' sba iluc ti Dios ta atojolale.’

Éxodo 4:5

Laj xtoc un, xi albat yu'un ti Diose: —Le'e, ja' to jech ta xch'unic ti laj yac' sba iluc ti Dios ta atojolale, ja' ti Dios yu'un ti amolmuc'totaque, Dios yu'un ti Abrahame, ti Isaaque, ti Jacobe.

Éxodo 6:2

Ti Moisese xi albat yu'un ti Dios yan veltae: —VU'UN TI AJVALILUNE.

Proverbios 18:10

Ti buch'u oy slequilique ta sa' spojelic ta jun tsatsal toyol luchlebal ti ja' stuc ti Diose.

Isaías 26:8

Ta jbel sc'oplal oy yip co'ntoncutic ti jtamojcutic batel ti c'u s'elan ta xac' ta na'el ti oy c'usi jbel albil avu'une, Cajval, ti juteb ta co'ntoncutic ti oyucot ta na'el cu'uncutique.

Isaías 42:8

Vu'un Diosun, jech ti jtalele. Mu xcac' que jti' ti ta xjel yajval ti buch'u ta xcac'be ti cutsilal jlequilale. Mu smeloluc ti nijil chimil yich'el ta muc' ti loc'obbailetic ti c'alal jtuc no'ox oy sc'oplal quich'el ta muq'ue.

Isaías 63:12

¿Bu oy ti Buch'u laj yac'be ta sba Moisés ti yutsilale, ti smuc'ul stsatsale? ¿Bu oy ti Buch'u laj xch'ac ta o'lol ti muc' ta nab ta sba ta sat ti steclumale yo' ta xc'ot ta pasel sbatel osil ta xpuc ti sc'oplalique?

Isaías 9:6

Yu'un c'ot xa ta pasel ti voc' xa jun querem ta jtojoltique. Laj xa yac'botic talel jun xnich'on ti Diose, c'ot ta pasel ti ac'bat yich' yabtel ta ventainvaneje. Xi s'elan sc'oplal ta x'albate: Ch'ayal ta xc'ot o'ntonal yu'un ti c'u s'elan ta snope, Dios ti mu tsalbaje, Totil sbatel osil, Banquilal jlamajesej-c'op.

Jeremías 33:2

“Ti vu'un Ajvalilun ti laj jmeltsan ti banomile, ti laj cac'be lec yip ta yavil ti bu ta xcome, xi ta xcalbot ava'ie:

Daniel 2:23

Ti vo'ote, Diosot yu'un ti jtot jme'e, colaval, xacutot. Ta jlequil-c'optaot, yu'un laj avac'bun jbijil, laj avac'bun jtsatsal, yu'un laj avac' ta na'el ti c'usi laj jc'ancutique; laj avac' ta ilel ti c'usi oy ta vul o'nton xchi'uc ti ajvalile.”

Oseas 12:5

Ti Ajvalil Dios scotol xu' yu'un ti xi sc'oplale, mu'yuc xa yan ta tael ma' ti Ajvalil une.

Oseas 12:6

Ja' yu'un un cha'e, Israel, cha'ac'o aba ta ventainel yu'un ti Dios avu'une. Ja' nopo ta spasel ti slequil o'ntonale, ti stuq'uil o'ntonale. J'ech'el ja'uc pato o avo'nton ta stojol ti Dios avu'une.

Levítico 24:11

Ti squerem ol ti me' israel antse laj soquesbe yo'nton ti Diose. Laj sbis ta cotol chaval. Va'i un, laj yiq'uic batel ta stojol ti Moisese. Sbi ti sme' taje, ja' Selomit, yantsil nich'on ti Dibrí ti ayan talel sts'unubal ta stojol snitilultac ti Dane.

Miqueas 4:5

Ti yan jteclumetique nijil chimilic ta stojol ti sdiosique, ja'uc ti vo'otique ta jch'untic ta spasel ti c'u s'elan ta sc'an ti Ajvalil Dios cu'untique.

Malaquías 3:6

“Ti vu'un Diosune, mi jutebuc jyanijesoj jba. Ti vo'oxuc snitiluloxuc ti Jacobe, mu'yuc to laj avich'ic tsutsesel.

San Mateo 22:32

‘Diosun yu'un ti Abrahame, ti Isaaque, xchi'uc ti Jacobe.’ Ta stojol ti Diose, mu'yuc buch'u chamem, scotolic cuxulic ta sventa.

Hechos 3:13

Ti Dios yu'un ti Abrahame, yu'un ti Isaaque, yu'un ti Jacobe, yu'un ti jmolmuc'totique, ja' laj scoles. Yu'un laj yac' ta ich'el ta muc' ti Jesús ti ja' yajtunele, ti Buch'u laj avaq'uic ta yoc ta sc'ob ti jchapanvanejetique, ti mu'yuc xavich'ic ta muc' ti ta ox scolta batel ti Pilatoe.

Hechos 7:32

‘Vu'un Dios yu'un ti amolmuc'totaque. Diosun yu'un ti Abrahame, yu'un ti Isaaque, yu'un ti Jacobe.’ C'alal jech laj ya'i ti Moisese, lic nicuc ta xi'el. Mi ja'uc xa sc'an sq'uel batel ti c'oq'ue.

Deuteronomio 1:11

Ti Ajvalil Dios yu'un ti amolmuc'totic ti laj ech'icuc ta vo'nee, ta smilal no'ox, ac'o epajanic ech'el yu'un, ti ja' ta xcom ta be ti vi avepalic tana li'e, xchi'uc xtoc, ac'o sva'an sba ta atojolic jech c'u cha'al yaloj ono'ox ta spase.

Deuteronomio 1:35

‘Ti chopol lum li'e, mi junuc xu' ta x'ochic batel ta lequil banomil ti laj calbe ya'i ti smolmuc'totic ti laj ech'icuc ta vo'ne ti ta xcac'beique.

Deuteronomio 4:1

“Avi tana li'e, israeletic, a'yio ava'iic, ts'etano ani' achiquinic yu'un ti oy c'usitic jbel tsots albile, xchi'uc ti c'usitic nopbil ti laj xa jchanubtasoxuque. C'otuc ta spasel avu'unic yo' jech ta xach'i xac'opojic ta yu'ninel ti lum ta xac'boxuc ti Ajvalil Dios yu'unic ti amolmuc'totic ti laj ech'icuc ta vo'nee.

Hebreos 11:16

Ja'uc ti stuquique ta sc'an ta sta ya'iic ti slequil-lumalique, ja' sc'oplal ti vinajele. Jech o xal ti Diose mu q'uexlaluc ta xa'i ti jech bisbil ta Dios yu'unique, ja' ti meltsanbat xa ti steclumalique.

Hebreos 13:8

Yu'un ti Jesucristoe staoj yav yo'nton ti c'u s'elan ti voljee, avi tana li'e, ti sbatel osile.