Éxodo 3:14 - Bible in Tzotzil de Chamula

¹⁴ Ti Diose xi laj staq'ue: —VU'UN TI BUCH'U ONO'OXE., Ja' jech xtoc xi xavalbe ya'iic ti israeletique: VU'UNUN ti xie, ja' laj stacun talel ta atojolic.

Bible in Tzotzil de Chenalhó with Deuterocanon

¹⁴ Itac'ov li Diose: —VU'UN TI TE ONO'OX OYUN OE. Jech xavalbe li achi'iltaque: ‘VU'UN la stacun tal ta atojolic’, uto —xi.

Éxodo 3:14 Iomraidhean Croise

Job 11:7

¿Mi yu'un xu' avu'un avaloj ta ya'yiel ti c'usi mu na'bajuc snopoj ti Dios ti oy ta yutil yo'ntone?

Salmos 68:4

Q'uejintaic Dios ti vo'oxuc une, q'uejintaic q'uejimoletic ta sventa; albeic yutsilal ti Buch'u xcajet ta ba toc ta xanave. Muyubajanic yu'un ti Dios une. Muyubajanic ta stojol un.

Salmos 90:2

Ta sliquebal c'alal ch'abal to ox ti vitsetique, ti mu'yuc to ox ti banomile, xchi'uc ti ch'abal to ox ti c'usitic oye, vo'ot ono'ox Diosot ti oy c'usi laj ech'uque, ti yacal li'e, xchi'uc ti ta to xvul ta loq'uele.

Éxodo 15:3

Ti Diose, stuc no'ox xu' yu'un letovajel. Ja' Ajvalil, ja' jech ti sc'oplal albile.

Éxodo 23:21

Mu xach'ac aba ta stojol. Ch'uno ti bu ta xic'ot batele. Mu xatoy aba ta stojol, yu'un ti ánjel taje yich'oj yabtel cu'un, mi ja'uc xataic ti ch'an no'ox xayutic yu'un ti amulique.

Éxodo 3:13

Ja'uc le' une, ti Moisese xi laj staq'ue: —Ti c'usi toj vocol ta xca'i ti mi ta xibate, ja' ti mi xichi ta xcalbe ti israeletique: ‘Ti Dios yu'un ti amolmuc'totique, ja' laj stacun talel, jech ti stuquique, xu' xi ta xisjac'beicune: ‘¿C'usi sbi taj une?’ Va'i un, ¿c'usi xu' ta xcalbeic ec un?

Éxodo 6:2

Ti Moisese xi albat yu'un ti Dios yan veltae: —VU'UN TI AJVALILUNE.

Éxodo 6:3

Ti jbiinoj Dios ti scotol xu' cu'une, laj cac' jba iluc ta stojol ti Abrahame, ti Isaaque, ti Jacobe. Ja' no'ox un, mu'yuc laj jvinajes AJVALIL xi ti jbats'i bi ta stojolique:

Isaías 42:8

Vu'un Diosun, jech ti jtalele. Mu xcac' que jti' ti ta xjel yajval ti buch'u ta xcac'be ti cutsilal jlequilale. Mu smeloluc ti nijil chimil yich'el ta muc' ti loc'obbailetic ti c'alal jtuc no'ox oy sc'oplal quich'el ta muq'ue.

Isaías 44:6

Ti Dios ti ja' Ajvalil jpojvanej yu'un ti Israele, ti ja' Dios ti scotol xu' yu'une, xi ta xale: “Vu'un oy ta jventa ti sliquebale, ti stsutsebale. Jtuc no'ox Diosun, mu'yuc yan.

San Mateo 18:20

Ti bu tsoboloxuc ta jventae, manchuc mi chib oxiboxuc, tey oyun ta atojolic.”

San Mateo 28:20

Chanubtasic ta spasel scotol ti c'u s'elan laj xa calboxuc ava'iique. Jech ti vu'un ec une, jchi'inojoxuc scotol c'ac'al c'alal to ta slajebal c'ac'ale. Jechuc.

San Juan 8:24

Jech o xal laj calboxuc ava'iic ti acuchoj amul xacham xalajique, yu'un mi mu xc'ot ta avo'ntonic ti Buch'uun ta melele, acuchoj amul xacham xalajic, xacutoxuc.

San Juan 8:28

Xi laj yal ti Jesuse: —C'alal ti vo'oxuc ta xajipanic ta curus ti vu'un co'ol j'elantique, ja' to ta xlic avojtiquinicun Buch'uun ta melel. Scotol ti c'usi ta xcale, ma'uc ta jol jtuc, yu'un ja' ta xcal c'u s'elan lichanubtasat yu'un ti Jtote.

San Juan 8:58

Xi laj stac' ti Jesuse: —Ta xcalboxuc ava'iic ta melel, c'alal mu'yuc to ox voq'uem ti Abrahame, oyun xa ono'ox.

2 Corintios 1:20

Scotol c'usi yaloj ti Dios ta xiyac'botique, sventainoj c'ot ti Jesuse. Jech o xal un, ta sventa Cristo, “jechuc”, xijchi ta stojol Dios c'alal ta jc'opontique, jech ich'bil ta muc' ta xc'ot ti Diose.

Hebreos 13:8

Yu'un ti Jesucristoe staoj yav yo'nton ti c'u s'elan ti voljee, avi tana li'e, ti sbatel osile.

Apocalipsis 1:17

C'alal jech laj quile, co'ol s'elan chamem liyal ta lum ta sts'el yoc. Ja'uc ti stuque laj scajan talel sbats'i c'ob ta jtojol ti xi laj yalbune: —Mu xaxi', yu'un vu'unun ti sliqueb spajebe.

Apocalipsis 1:4

Vu'un Juan ta jts'iba batel ti jvun ta stojol ti vuc-chop tsobobbail ti oy ta Asia banomile. Ich'beic slequilal yutsilal xchi'uc slamajemal yo'nton ti Diose, ti ja' ono'ox Dios avi tana li'e, ti ta vo'ne talele, ti oy sc'oplal ta xtale, xchi'uc ta sventa ti Ch'ul Espíritu ti oy vuctos ti stalel ti bu oy ta spas mantal ti Diose,

Apocalipsis 1:8

Ti Cajvaltic Dios ti scotol xu' yu'une, ti ja' ono'ox Dios avi tana li'e, ti ta vo'nee, ti oy sc'oplal ta xtale, xi ta xale: —Vu'un ti sliqueb spajebe.

Apocalipsis 4:8

Ta jujun ti c'usi chanib cuxajtique, yich'oj vaquib xic' ti jujune, noj ta bec' satil ta yolon ta sba ti xiq'ue. C'ac'al ac'ubal mu xicta sbaic ta yalel ti xi ta xalique: “Ch'ul Dios, Ch'ul Dios, lequil Ch'ul Dios ma' ti Diose. Scotol xu' yu'un ma' ti Diose, ti jech no'ox stalel ta vo'nee, avi tana li'e, xchi'uc ti ta to xtale.”