Éxodo 3:13 - Bible in Tzotzil de Chamula

¹³ Ja'uc le' une, ti Moisese xi laj staq'ue: —Ti c'usi toj vocol ta xca'i ti mi ta xibate, ja' ti mi xichi ta xcalbe ti israeletique: ‘Ti Dios yu'un ti amolmuc'totique, ja' laj stacun talel, jech ti stuquique, xu' xi ta xisjac'beicune: ‘¿C'usi sbi taj une?’ Va'i un, ¿c'usi xu' ta xcalbeic ec un?

Bible in Tzotzil de Chenalhó with Deuterocanon

¹³ Pero li Moisese jech laj yal: —Li c'usi vocol chca'ye ja' ti c'alal jech chc'ot calbe li jchi'iltaque: ‘Li Dios yu'un jmoltotic ta vo'onee, ja' la stacun tal li' ta atojolique’, me xcute, me jech chisjac'bicune: ‘¿C'usi sbi?’, me xiyuticune. ¿C'uxi ta jtac'be? —xi.

Éxodo 3:13 Iomraidhean Croise

Génesis 32:29

Xi laj sjac' ti Jacobe: —Albun ca'i, ¿c'usi abi ec un? Ti vinic une xi laj staq'ue: —¿C'u cha'al ta xajac'bun c'usi ti jbie? Va'i un, ti vinique laj yac'be comel yich' slequilal Dios ti bu oy taje.

Éxodo 15:3

Ti Diose, stuc no'ox xu' yu'un letovajel. Ja' Ajvalil, ja' jech ti sc'oplal albile.

Éxodo 3:12

Ti Diose xi laj staq'ue: —Ta jchi'inot, yu'un xi s'elan svinajeb ti vu'un ta jtacot batele: Ja' yu'un un, acotolic ta xtal avich'icun ta muc' li' ta ch'ul vits c'alal mi laj xa aloq'ues talel ta Egipto ti calab jnich'nabe.

Éxodo 3:14

Ti Diose xi laj staq'ue: —VU'UN TI BUCH'U ONO'OXE., Ja' jech xtoc xi xavalbe ya'iic ti israeletique: VU'UNUN ti xie, ja' laj stacun talel ta atojolic.

Éxodo 3:15

Ma'uc no'ox taje, yu'un ti Diose xi laj yalbe ti Moisese: —Xi xavalbe ya'iic ti israeletique: “Ti Ajvalil Dios yu'un ti amolmuc'totique, ja' ti Dios yu'un ti Abrahame, ti Isaaque, ti Jacobe, ja' laj stacun talel ta atojolic.” Ja' jech ojtiquinbilun ta xic'ot sbatel osil. Ja' jech albil o ti jc'oplale.

Éxodo 7:16

Ti bu taje, xi xavalbee: “Ti Ajvalil ti ja' Dios yu'unic ti hebreoetique, laj stacun talel ti xi ta xcalbote: ‘Ac'o ave ati' ti xu' ta xacolta batel ti calab jnich'nabtaque yo' jech chba yich'icun ta muc' ta sbajtical banomil. Avi tanae, jech o staoj yav ti mu xava'ibe xchiquinale.

Proverbios 30:4

¿Mi yu'un la oy buch'u muy batel ta vinajel, ts'acal to yal talel? ¿Mi yu'un la oy buch'u ta sc'ob no'ox xu' ta spajes ti iq'ue? ¿Mi yu'un la oy buch'u ta smochib c'u' no'ox xu' ta svol ti nabe? ¿Buch'u laj yac' bu c'alal ta xpaj talel spajeb ti banomile? Mu xalo'laun ma' ti xana'be sbie, ti xana'be sbi ec ti xnich'one.

Isaías 52:6

Ja'uc le' une, ta sta sc'ac'alil ta xlic yojtiquinicun. Ta xlic sna'ic ti jteclumal ti vu'un Diosun ti lic'opoje.”

Isaías 7:14

Avi tana li'e, xi s'elan ta xlic yac'boxuc avilic senyail stuc ti Diose: Xchi'inoj xa yol ti jun tsebe, ti ta xilbe sat ti yol ti Emanuel ta xac'be ti sbie.

Isaías 9:6

Yu'un c'ot xa ta pasel ti voc' xa jun querem ta jtojoltique. Laj xa yac'botic talel jun xnich'on ti Diose, c'ot ta pasel ti ac'bat yich' yabtel ta ventainvaneje. Xi s'elan sc'oplal ta x'albate: Ch'ayal ta xc'ot o'ntonal yu'un ti c'u s'elan ta snope, Dios ti mu tsalbaje, Totil sbatel osil, Banquilal jlamajesej-c'op.

Jeremías 23:6

Ti c'u sjalil ta xventainvane, pojbil chabibil ma' ti jteclum Judae, jun yo'ntonic ta xcuxiic ti Israele. Yorail xa un ti xi ta sbiiltasique: ‘Jpojvanej c'ot cu'untic ti Dios une.’ ”

San Mateo 1:21

Ti Mariae ta xil jun squerem, Jesús ta xavac'be sbi. Jech ta xavac'be sbi, yu'un ta spoj ta scolta ti steclumal yu'un ti smulique.

San Mateo 1:23

‘Ta xchi'in yol ti jun tojol tsebe. Ta x'ayan jun squerem, Emanuel ta xac'be sbiin.’ (“Dios ta sva'an stec'an sba ta jtojoltic”, ti xi ta xac'be sbiine.)

Hechos 3:13

Ti Dios yu'un ti Abrahame, yu'un ti Isaaque, yu'un ti Jacobe, yu'un ti jmolmuc'totique, ja' laj scoles. Yu'un laj yac' ta ich'el ta muc' ti Jesús ti ja' yajtunele, ti Buch'u laj avaq'uic ta yoc ta sc'ob ti jchapanvanejetique, ti mu'yuc xavich'ic ta muc' ti ta ox scolta batel ti Pilatoe.

Jueces 13:17

Va'i un, ti Manoae xi laj yalbe ti ánjele: —Ja'uc le' un cha'e, albun ca'icutic, ¿c'usi abi? yo' jech ta xajtojbecutic ta vocol c'alal mi c'ot ta pasel ti va'i s'elan laj avalbuncutique.

Jueces 13:6

Ti antse xi laj yal ti c'alal bat chapbe ya'i ti smalale: “Ti bu oyune, tal jun svinic Dios, ti ch'ayal c'ot co'nton yu'un ta j'ech'ele. Yu'un co'ol s'elan yaj'ánjel ti Dios stuque. Mu ja'uc laj jac'be ti buch'ue, mi ja'uc ti stuc laj yalbune.