Éxodo 3:12 - Bible in Tzotzil de Chamula

¹² Ti Diose xi laj staq'ue: —Ta jchi'inot, yu'un xi s'elan svinajeb ti vu'un ta jtacot batele: Ja' yu'un un, acotolic ta xtal avich'icun ta muc' li' ta ch'ul vits c'alal mi laj xa aloq'ues talel ta Egipto ti calab jnich'nabe.

Bible in Tzotzil de Chenalhó with Deuterocanon

¹² Itac'ov li Diose: —Vu'un chajchi'inot. Li' chacalbot c'usi senyail ti vu'un chajtacot batele: c'alal loq'uem xa tal avu'un li jteclumale, acotolic li' chvul avich'icun ta muc' li' ta vitse —xi.

Éxodo 3:12 Iomraidhean Croise

Génesis 15:1

C'alal laj ti va'i s'elan taj une, ti Abrame ta jech to yepal jam sba sat, ja' o xi albat yu'un ti Diose: —Mu xaxi', Abram, yu'un vu'un avajpojobbailun. Yu'un ti matanal ti oy sc'oplal ta xc'ot ta atojole, mu xa ono'ox albajuc yepal ta xbat.

Génesis 15:8

—Ja' no'ox un, Cajval, Ch'ul Dios ¿c'usi xcut ta jna' mi jbel sc'oplal ta xcosilin ti banomil li'e? —xi laj stac' ti Abrame.

Génesis 26:3

Avi tana li'e, naclan ta jteclum. Ta jchi'inot. Ta jva'an jba ta atojol. Yu'un ti banomil li'e, chapal sc'oplal ta xcac'bot avich' xchi'uc ti anitilultaque. Ti jech taje, ja' ta xc'ot ta pasel cu'un ti jtrate calojbe ti atot Abrahame.

Génesis 31:3

Ja' yu'un un, ti Jacobe xi albat yu'un ti Diose: “Sutan batel bu oy ti yosil ti atot ame'e, bu oy xtoc ti avuts' avalaltaque. Vu'un ta jchi'inot batel.”

2 Reyes 19:29

Ti Isaiase xi laj yalbe ech'el ya'i ti Ezequiase: “Xi s'elan ma' ti svinajebtac ta xc'ot ta pasele: ti jabil li'e, xchi'uc ta xtale, ta xatun ta xalajesic ti trigo ti ta xvoc' stuque. Ta yoxibal xa jabil une, ta xats'unubajic liquel, ta xatsobbe ti sate, ta xlic ats'unic ti a'uvaique, ti ta xalo'beic ti sate.

1 Crónicas 9:20

C'alal mu'yuc to ox c'otemic ta pasel ti va'i s'elan taje, ja' to ox c'otem ta banquilal yu'unic ti Finees xnich'on ti Eleazare. ¡Sva'anojuc o sba ti Dios ta stojol le'e!

Salmos 86:17

Vinajesbun ti oy yutsil slequil avo'ntone; mi vinaj une, nijil ta xc'otic ta q'uexlal ti buch'u xti'et sjolic ta jtojole. Ti vo'ot une, Cajval, coltaun un, patbun co'nton.

Éxodo 18:5

C'alal oy xa ox ta sbajtical banomil ti Moisés ta nopol vits yu'un ti Diose, bat ec ti Jetroe, xchi'ucbe batel ti yajnile, xchi'uc xnich'nab ti Moisese.

Éxodo 3:1

Ti Moisese och ta sq'uelbel xchij ti Jetro ti smuni'e, ja' pale yu'un ti Madiane. Oy jun c'ac'al, bat xchi'uc xchij ta sbajtical banomil. C'ot c'alal to ti bu oy ch'ul vits yu'un ti Dios ti Horeb sbie.

Éxodo 3:13

Ja'uc le' une, ti Moisese xi laj staq'ue: —Ti c'usi toj vocol ta xca'i ti mi ta xibate, ja' ti mi xichi ta xcalbe ti israeletique: ‘Ti Dios yu'un ti amolmuc'totique, ja' laj stacun talel, jech ti stuquique, xu' xi ta xisjac'beicune: ‘¿C'usi sbi taj une?’ Va'i un, ¿c'usi xu' ta xcalbeic ec un?

Éxodo 33:14

Xi laj yal ti Diose: —Vu'un ta jchi'inot batel. Ta xacux avo'nton cu'un.

Éxodo 4:12

Jech o xal un, batan. Ta jchi'inot ti c'alal ta xac'opoje. Ta jchanubtasot ti c'usi ta xavale.

Éxodo 4:15

Lo'ilajanic lec xchi'uc. Chapbo ya'i lec scotol ti c'usi xu' ta xale. Jech ti vu'un eque ta jva'an jba ti oyun ta stojol c'alal ta xac'opojique. Ta xajbijubtasoxuc lec ti c'usi sc'an ta xapasique.

Éxodo 8:27

Jech o xal tsots sc'oplal ta xibatcutic c'alal to sbajtical banomil ti ja' yich'oj oxib c'ac'al sbelele. Yu'un tey to c'alal chbat cac'becutic smoton ti Dios cu'uncutique co'ol jech c'u cha'al laj yalbuncutique.

Isaías 37:30

Va'i un ti Isaiase xi laj yalbe ti Ezequiase: “Ti c'usi ta xc'ot ta pasele, xi s'elan ta xac' iluc ti senyaile: Ti jabil li'e xchi'uc ti ta xtale, ta xave'ic ti bajlebal trigoe. Ja'uc ti ta yoxibal jabil ta xtale, xu' ta xlic ts'unubajanic xchi'uc ta xatsobic, xchi'uc ta xats'unic ti uvae yo' jech ta xalo'beic ti sate.

Isaías 41:10

Mu xaxi', yu'un li' jchi'inojote, mi ja'uc xatsiq'ues avo'nton, yu'un Diosun avu'un. Ta xcac'bot avip, ta jcoltaot. Ta sventa ti jelavem xu' cu'une, icbil japbilot cu'un.

Isaías 43:2

C'alal ta x'ech' atuch' ti nabe, chi'inbilot cu'un. C'alal ta x'ech' atuch' ti uc'umetique, mu xa squilot ech'el. Mi oy bu ta x'ech' atuch' ti c'alal yacal ta tilel ti c'oq'ue, mu xac'ac', mu stsacot ti slebe.

Isaías 7:14

Avi tana li'e, xi s'elan ta xlic yac'boxuc avilic senyail stuc ti Diose: Xchi'inoj xa yol ti jun tsebe, ti ta xilbe sat ti yol ti Emanuel ta xac'be ti sbie.

Jeremías 1:8

Lajuc to sc'oplal ti oy buch'u oy xi'elal ta xava'ie, yu'un ta jtic' jba ta apojel, oyun ta atojol. Ti vu'un Diosune jbel mu stselbuj ti jc'ope.”

Números 16:28

Va'i un, ti Moises xi lic yalolane: —Ti jech le'e, ta xcac' avilic ti ja' tacbilun talel yu'un ti Dios ta yaq'uel avilic ti c'usi ta xc'ot ta pasele, ti mu ja'uc jutebuc loq'uem ayanem ta co'nton jtuque.

Números 23:21

Yu'un mu'yuc ta xvinaj ti oy c'usi chopol ta snope, mi ja'uc ta xlo'lavanic ti israeletic ti ja' steclumal ti Jacobe. Yu'un chi'inbilic yu'un ti Ajvalile, ti ja' sDiosique, yu'un ta xalbeic sc'oplal ti ja' c'otem ta Ajvalil yu'unique.

San Mateo 28:20

Chanubtasic ta spasel scotol ti c'u s'elan laj xa calboxuc ava'iique. Jech ti vu'un ec une, jchi'inojoxuc scotol c'ac'al c'alal to ta slajebal c'ac'ale. Jechuc.

Marcos 16:20

Jech ti stuquique loq'uic batel ta yalel ta scotol banomil ti lequil ach' c'op ti ja' sventa colele. Ti jchanc'opetique chi'inbilic yu'un Jesús yo' ta xvinaj ti oy c'usi ta spasic ti ch'ayal ta xc'ot o'ntonal yu'unique. Jechuc.

Hechos 11:21

Ti jch'unolajeletic taje, oy ta stojolic smuc'ul stsatsal ti Diose. C'ot ta pasel un, yepal no'ox jyanlumetic laj yictaic comel ti c'u s'elan liquem to ox yu'unic ta xch'unele. Ja' c'ot ta yo'ntonic ta xch'unel ti Cajvaltique.

Hechos 7:7

Ja'uc le' xtoque, xi albat yu'un ti Diose: ‘Vu'un ta jtsits ti muc' ta lum ti buch'u ta smosovinvane. Ts'acal to un, ta xloq'uic talel ti bu oyic taje yo' jech xtal yich'icun ta muc' li' ta banomile.’

Romanos 8:31

¿C'usi xu' ta xcaltic un cha'e? Mi jech sva'anoj stec'anoj sba ti Dios ta jtojoltique, mu'yuc buch'u xu' ta xismacotic ta be.

Deuteronomio 31:23

Ti Josuee, xnich'on ti Nune, xi xcholet albat mantal yu'un ti Diose: “Tsotsan, ac'bo yipal, yu'un vo'ot ta xabain ta stiq'uel ochel ti israeletic ta muc' ta lum ti laj jva'an jba ta yalel ti ta xcac'beique. Yu'un nabalun ta axocon.”

Hebreos 13:5

Junuc avo'ntonic xchi'uc ti c'usi x'ayan avu'unique. Ma'ucuc bic'tajem avo'ntonic yu'un ti taq'uine. Yu'un xi ta xal ti Diose: “J'ech'el mi ja'uc ta jipot ta jtenot comel.”

Josué 1:5

Ti c'u sjalil ti ach'iel ac'opojele, mu'yuc buch'u ta xastsalot. Yu'un j'ech'el jva'anoj jba ta atojol jech c'u cha'al laj jva'an jba ta stojol ti Moisese. Mi ja'uc ta xaquictaot comel. Mi ja'uc ta xajtenot comel.

Jueces 6:12

Ti yaj'ánjel Diose xi laj yal ti laj yac' sba iluc ta stojole: —¡Ti tsatsal vinicot xava'i abae, ti mu xana' xaxi'e, li' xchi'inojot ti Diose!

Jueces 6:16

Xi tac'bat yu'un ti yaj'ánjel Diose: —Xu' avu'un, yu'un ta jchi'inot. Co'ol no'ox s'elan jun vinic ta xava'i ta stsutsesel scotol ti madianitaetique.

Jueces 6:17

Va'i un, xi laj stac' ti Gedeone: —Ti mi jech ta xc'ot ta jtojol avu'un ti va'i s'elan taj une, ac'bun quil senyail ti ta melel vo'ot laj ac'oponune.

Jueces 6:21

jech ti yaj'ánjel Diose laj sye' batel ti xvaxtone. Tijil c'ot yo' bu oy ti beq'uete xchi'uc ti pan ti ch'abal yich'oj ti spajubtasobile. Til talel c'oc' ta ton. Laj xchic' scotol ti beq'uete, ti pane. Ta jech yepal, ti yaj'ánjel Diose sac ch'ay batel ta sat.

Jueces 7:11

A'yio ava'i lec ti c'usi ta xalique. Ts'acal to un, ta xava'i lec ta avo'nton ti mu'yuc xa xi'el ta xbat atsac ta letoe.” Jech ti Gedeone yal batel xchi'uc ti Fura ti yajtunele. C'otic c'alal to sts'el ti bu lamalic ti scontrae.

1 Samuel 14:10

Yan ti mi ta xijyalbotic ti muycutic ech'ele, muycutic unbi. Ti jech taje, ja' xa svinajeb ti jtsalvanej ta xijc'ot yu'un ti Diose.