Éxodo 3:10 - Bible in Tzotzil de Chamula

¹⁰ Jech o xal, tamo batel abe, yu'un ta jtacot batel ta stojol ti faraone yo' jech ta xaloq'ues talel ta Egipto ti calab jnich'nab israeletique.

Bible in Tzotzil de Chenalhó with Deuterocanon

¹⁰ Ja' yu'un li' ta orae tamo batel abe. Vu'un ta jtacot batel ta stojol li faraone, yu'un chbat aloq'ues tal ta Egipto li jteclum cu'une, ja' li israeletique —x'utatic.

Éxodo 3:10 Iomraidhean Croise

Génesis 15:13

Va'i un, xi albat yu'un ti Diose: —Sc'an xana', ti anitilultaque ta xbat nacliicuc ta yan muc' ta lum. Ta xich'ic mosovinel xtoc. Ta xich'ic svocolic ta ilbajinel chanib ciento (400) jabil.

Génesis 15:14

Jech ti vu'un eque ta xcac'be stojic ti muc' ta lum ta xmosovinvanique. Ts'acal to un, ti anitilultaque ta xcolic loq'uel talel. Ta xc'otic ta c'ulej ta j'ech'el.

Salmos 105:26

Va'i un, ti Diose laj stac batel ti Moisés ti c'otem ta yajtunele, xchi'uc ti Aarón ti t'ujbilic yu'une.

Salmos 77:20

Co'ol s'elan lametel chij, laj atojobtas ta beinel ti ateclumal ta sventa ti Moisese, xchi'uc ti Aarone.

Éxodo 12:40

Ti israeletique joc'tsajic ta naclej ta Egipto chanib ciento xchi'uc lajuneb xcha'vinic (430) jabil.

Éxodo 12:41

C'alal ts'aqui sc'ac'alil ti chanib ciento xchi'uc lajuneb xcha'vinic (430) jabile, xvoletic no'ox loq'uel ta j'ech'el ta Egipto ti yu'untac ti Diose.

Éxodo 33:12

Ti Moisese xi laj yalbe ti Diose: —A'yio ava'i, ta xac'an ti vu'un ta xquic' batel ti israeletique. Ja' no'ox un, q'uel avil un, mu'yuc avalojbun ti buch'u ta xavac'bun batel jchi'ine. Ja' jech xtoc ta xaval ti jun avo'nton ta jtojole, ti lec xavilune.

Éxodo 33:13

Ti mi jech ta melel taje, ac'bun jna' ti c'usi anopoje yo' jech xu' ta jpat co'nton ta atojolal, yo' jech staoj yav ta xca'i ti lec xavilune. Mu xach'ay ta avo'nton ti israeletic li'e, ja' anich'nab.

Éxodo 6:26

Ti Aarone xchi'uc ti Moisés taje, ja'ic ti buch'utic albatic yu'un Dios ti ac'o sloq'uesic batel ti israeletic ta Egipto banomil jech c'u cha'al junuc soldado ta svol loq'uele.

Oseas 12:13

Ta sventa ti jun j'alc'ope, ti Diose laj sloq'ues talel ta Egipto ti jteclum Israele. Ta sventa ti jun j'alc'ope, chabiatic yu'un ti Diose.

Miqueas 6:4

Laj jloq'uesot talel ta jteclum Egipto; laj jpojot ti jech ochemot ta mosovile. Laj jtac talel ta atojolal ti Moisese, ti Aarone, ti Mariae yo' jech ta xastojobtasoxuc batel.

Hechos 7:34

Yu'un laj xa quil ti oyic ta vocol ti calab jnich'nab ta Egiptoe. Laj xa ca'i ti x'ajlajetic yu'un ti svocolique. Liyal talel yo' tal jcolta loq'uel ta mosovil. La' me un cha'e, yu'un ta jtacot batel ta Egipto.’

Hechos 7:36

Ja' ti Moisés ti laj sloq'ues talel ti jmolmuc'totic ti oyic to ox ta mosovil ta Egiptoe, ti laj yac' iluc ti c'usitic ch'ayal ta xc'ot o'ntonal yu'une, ti c'usitic muc'tic no'ox laj yac' iluc ta Tsajal Nabe xchi'uc ti cha'vinic (40) jabil oyic ta xocol banomile.

Hechos 7:6

Ma'uc no'ox taje, albat yu'un Dios ti co'ol s'elan jyanlum ta xanavic ta yan banomil ti snitilultaque, ti chanib ciento (400) jabil sjalil ta x'ochic ta mosovil ti ilbajinatique.

Hechos 7:7

Ja'uc le' xtoque, xi albat yu'un ti Diose: ‘Vu'un ta jtsits ti muc' ta lum ti buch'u ta smosovinvane. Ts'acal to un, ta xloq'uic talel ti bu oyic taje yo' jech xtal yich'icun ta muc' li' ta banomile.’

Jueces 6:14

Q'uelat batel yu'un ti yaj'ánjel Diose, ti xi albate: —Tuneso ti yipal ti oy avu'une yo' jech ta xapoj ti israeletic ti oy ta yoc ta sc'ob ti madianitaetique. Yu'un vu'un ta jtacot batel.

1 Samuel 12:6

Ma'uc no'ox taje, ti Samuele xi laj yalbe ti jteclume: —Ti Diose laj sliques yabtel ta sventa ti Moisese xchi'uc ti Aarone ti laj sloq'ues talel ta Egipto ti amolmuc'totic ta vo'nee.

1 Samuel 12:8

C'alal batic ta Egipto ti Jacob xchi'uc ti snitilultaque, laj yich'ic tsots ilbajinel yu'un ti egipcioetique. Lic sc'anic parte ta stojol Dios ti amolmuc'totic ta vo'nee. Laj stac batel ti Moisese xchi'uc ti Aarone. Laj sloq'uesic talel ta Egipto ti amolmuc'totic ta vo'nee, ti vulic ta naclej yu'unic ta banomil li'e.