Éxodo 28:9 - Bible in Tzotzil de Chamula

⁹ “Va'i un, sa'o chibuc baxton ti ic'-ic'tic sba stsajale. Lucho ta ts'ibtabel tey sbiic ti xnich'nabtac ti Israele.

Bible in Tzotzil de Chenalhó with Deuterocanon

⁹ “Tsaco cha'bejuc ónice ton. Ja' te xats'ibabe sbiic li xnich'nab Israele.

Éxodo 28:9 Iomraidhean Croise

Génesis 2:12

Ti bu taje, toj lec ti oroe. Ja' jech xtoc oy x'ayan lequil xuch'al muil te' xchi'uc baxton.

1 Crónicas 29:2

Pisile, xi s'elan ma' ti laj cac'be yipal ta xchapanel scotol ti c'usitic tsots sc'oplal ta xtun ta sventa xch'ulna ti Dios cu'une: ti oroe, ti platae, ti c'anal taq'uine, ti tsatsal taq'uine, xchi'uc ti te' ta xtun ta jujutose. Oy xtoc ti ic'-ic' losantic sba stsajal baxtone, ti c'upiquil sba tonetic ta xich' paq'uele, ti spac'obiltaque, ti pechajtic ton ta spaq'uic ta yut nae, xchi'uc scotol ti ep ta tos c'upil sba tonetique, xchi'uc busul no'ox ta j'ech'el ti saquil baxtone.

2 Crónicas 2:7

Tacbun talel un cha'e, junuc buch'u xojtiquin lec ta yabtelanel ti oroe, ti platae, ti c'anal taq'uine, ti tsatsal taq'uine, ti xojtiquin ta yabtelanel ti yax'elan xela poq'ue, ti tsajal poq'ue, ti yax'elantic stsajale, ti sna' lec sloc'tael xluchel xnichimal ti c'usitic ta xtun jmoj xchi'uc ti cajchanubtasvanej ta xtunic cu'un ta Judae, xchi'uc ta Jerusalén jech c'u cha'al scaj-c'anoj ono'ox comel ti jtot Davide.

Job 28:16

Mu stac' tojel o ta c'upil sba oro ta j'ech'el, mi ja'uc ta c'upil sba baxtonetic ti yax'elan no'ox yutsile, ti sts'ayts'un xojobal yutsile.

Éxodo 25:7

ti baxton ti tsoj-tsojtic xojobal ta q'uelele, ti yan c'upil sba baxtonetic ti ta xich' noch'anel ta loin c'u'ile xchi'uc yuil ti banquilal palee.

Éxodo 28:10

Lec xcholet xatsac ti bu ba'yel laj voq'uicuque. Vaquib biiletic xavac' ta jujun ti tonetique.

Éxodo 28:20

Ti xchancholale, ja' noch'anbo baxton ti sac-sac vilantic sc'anal ta xac' xojobale, baxton ti ic'-ic'tic sba stsajal ta xac' xojobale, xchi'uc baxton ti ic'-ic'tic yic'al yaxts'ijanil xojobale. Ti baxtonetic taje, tsots sc'oplal ti joybil lec ta oro ti jujucoj stsaclebtaque.

Éxodo 28:36

“Meltsano junuc uni pech-pech bats'i oro. Ts'ibao tey ti co'ol s'elan seyo ta xc'ote: ‘C'otem ta yajtunel Dios li'e’ ti xiuc ti c'ope.

Éxodo 28:8

Ti chuquil ti ta xc'ot ta sba ti jayal saquil c'u'il yo' jech ta stsin leque, syomoj lec ta xc'ot scotol. Yu'un ti chuquile, sc'an ti luchbil xtoc ta oroe, ta poc' ti ic'-ic' losantic sba stsajale, ta poc' ti yax'elan xyaxale, ta tsajal poc', xchi'uc ta saquil poc' ti polajtic sts'otbenale.

Éxodo 31:5

Ma'uc no'ox taje, xu' yu'un ta stuq'uibtasel ti c'usi sc'an toe, ta xnoch'ananel ti c'upil sba baxtonetique, ta stuq'uibtasel ti c'usi meltsanbil ta te'e, ti c'usiuc no'ox abtelal ti luchbil ta xich'e.

Éxodo 39:13

Ti xchancholale, ta xich' jbej topacio ton, jbej cornalina, xchi'uc jbej jaspe. Ti tonetic taje, lec nabal ta stsacleb ti ja' oroe.

Éxodo 39:6

Ti baxtonetic ti ic'-ic'tic stsajal xojobale, ta xich' noch'anel ti bu x'ech' xluchbenal ti oroe. Ta xich' tsacanbel sbi xnich'nab ti Israele, co'ol s'elan seyo pac'al ta xcom.

Cantares 8:6

Na'un ta avo'nton un, sbelucun avoc ac'ob. Ti mu tuch'baj ta o'ntonal ta xca'i jbatique, mu xtub ta be jech c'u cha'al ta xch'acvan ti chamel lajele. Ti vocolal yu'un ti sc'upijele, ta x'ic'van ta j'ech'el jech c'u cha'al ti muquinale. Yip ti mu tuch'baj ta o'ntonal xca'i jbatique, ja' jun ch'ul c'oc' ti natic no'ox sleb ta j'ech'ele.

Isaías 49:16

Yu'un comem yavtac ta coc jc'ob. Bejel ta jol co'nton ti amoctaque.

Ezequiel 28:13

Oyot to ox ta ts'unubaletic yu'un Dios ti sbiinoj Edene, ti xi a'elan ch'albilot ep ta tos c'upil sba bax-tonetique: ti tsoj-tsojtic sba xojobale, ti c'on-c'ontic sba xyaxale, ti ic'-ic'tic sba xyaxale, ti xlablun sba sc'anele, ti ic'-ic'tic sba stsajale, ti yox-yoxtic sba stsajale, ti yax'elantic sba stsajale, ti ep ta tos xojobale, ti c'on-c'ontic sba xyaxal xlablun ta q'uelele, ti c'usitic x'ayan avu'une, ti taq'uinal chiquinale, naca ta oro, chapanbil xa ono'ox c'alal laj avich' ac'bel ach'ulele.

Zacarías 9:16

Ti jech c'ac'al taje, ti Ajvalil ti ja' Dios yu'unique, ta spoj loq'uel ti steclumale jech c'u cha'al ti jq'uel-chij ta spoj ti xchijtaque, yu'un xlaplun no'ox xojobaltac ti yu'untac ta steclumal stuquique, co'ol jech c'u cha'al c'upil sba tonetic ti yich'oj ti jun ronae.