Éxodo 28:3 - Bible in Tzotzil de Chamula

³ Va'ano aba, c'opojan ta stojol scotolic ti buch'utic xjoybij sjolilal yu'unic ti vu'un laj cac'beic ti jun yutsiquil c'usitic xloc'taj yu'unic ta meltsanele, yo' jech ta smeltsanbeic sc'u'tac ti Aarone, yo' jech t'ujbil ta xc'ot ta cajpale.

Bible in Tzotzil de Chenalhó with Deuterocanon

³ Ja' xac'opan li boch'otic lec sna'ic spasele, ja' li boch'otic cac'ojbe xa lec sbijilique. Ja' ac'o spasbeic sc'u' li Aarone, jech voc'bil chcom o ta paleal cu'un.

Éxodo 28:3 Iomraidhean Croise

1 Reyes 7:14

Ti Hiram taje, ja' squerem ol jun me'unal ants ti liquel talel ta stojol snitilultac ti Neftalie, ti ja' jun bats'i jnaclej ta Tiro ti stote, ti xtojob lec ta yabtelanel ti c'anal taq'uine. Ti Hirame, baxbol xchi'uc oy lec sbijil ti xtojob lec ta yabtelanel ti c'anal taq'uine. Bat ta stojol ti Salomone, lic sliquesbe ti yabtel ti c'u s'elan sc'an pasele.

Éxodo 35:10

“Yu'un xi s'elan laj yal mantal ti Diose: Scotolic ti buch'utic xac' sjolilal yu'unic ta xluchel xnichimal ti c'usiticuque, tsots sc'oplal, ac'o talicuc ta yabtelanel:

Éxodo 35:25

Ti antsetic ti buch'utic xac' sjolic ta jolob xluchel ta c'abal ti c'usitic ta xtune, ta xich'ic talel ti c'usitic ic'-ic' losantic sba stsajale, ti yax'elan yaxal noe, ti tsajal noe, ti saquil no ti jalbil xa yu'unique.

Éxodo 35:30

Ti Moisese xi laj yalbe ti israeletique: “A'yio ava'iic, ti Diose ja' laj st'uj loq'uel ta stojol ti jvoc' nitiluletic yu'un ti Judae, ja' ti Bezaleele, xnich'on ti Urie, smom xtoc ti Hure.

Éxodo 35:31

Yu'un j'ech'el ac'bil ti xcuxlejal Dios ta stojol ti jech oy sbijile, ti snopbenale, ti yojtiquinele, xchi'uc ti sc'abalil ta sloc'taele,

Éxodo 35:35

yich'ojic ta j'ech'el sbijilic sc'abalinel ta sloc'tael ti c'usiuc no'ox abtelal ta xluchel ta ic'-ic' losantic sba tsajal poq'ue, ti ta yax'elan yaxal poq'ue, ti ta tsajal poq'ue, ti ta c'upil sba saquil poq'ue, xchi'uc ta sjalel ti c'usitic luchbil ta xich'e.

Éxodo 36:1

Jech o xal un, ti Bezaleele, ti Oholiabe, xchi'uc scotol ti buch'utic xac' sc'abalil yu'unic ta sloc'tael ta xluchel ti abtel sc'an pasele, ti ac'bat sbijilic snopbenal yu'un ti Dios ti lec ta smeltsanic scotol ti c'usitic ta xtun ta Axibalna sventa yich'el ta muc' ti Diose, ja' ta sliquesic ti abtel jech c'u cha'al laj yal mantal ti Diose.”

Éxodo 36:2

Jech ti Moisés une laj sta ta iq'uel ti Bezaleele, ti Oholiabe, xchi'uc scotol ti buch'utic xac' sc'abalil yu'un ta sloc'tael ta xluchel ti abtele, ti ja' ac'bil sbijilic yu'un ti Diose, ti laj yal sbaic ti loq'uem ayanem ta yo'ntonic ta scolta sbaic yu'un ti abtel taje.

Proverbios 2:6

Ti bijilile, ja' ta xac' ti Diose; ta ye ta sti' ta xlic ayanuc talel ti lec snopbenale, ti jamal ba satil ta yojtiquinele.

Isaías 11:2

Mu xch'ac sba ti xcuxlejal Dios ta stojole. Ta x'ac'bat sbijil, snopbenal, spajesel sba, yipal yu'un, ta yojtiquinel ti c'usi leque, ta xi'tael ti Diose.

Efesios 1:17

Ta aventaic chcalbe vocol Dios yu'un ti Cajvaltic Jesucristoe, ti Jch'ul Totic ti mu albajuc ti yutsilal slequilal ta j'ech'ele. Ta jc'anbe ti ac'o xayac'boxuc abijilic ta yojtiquinel yo' ta xava'iic lec ta avo'ntonic stalel ti Diose.

Deuteronomio 34:9

Jech ti Josué xnich'on ti Nune laj sta sbijil ta sventa ti Moisese. Yu'un ti Moisese laj scajan sc'ob ta sjol ti Josuee. Jech o xal laj xch'unic ti israeletic ti c'u s'elan ta x'albatic yu'une. Jech laj spasic ti c'u s'elan albatem yu'un Dios ti Moisese.

Santiago 1:17

Scotol ti c'usitic oy slequil yutsile, ti c'usi oy stuq'uil ta xij'ac'bate, ta xlic talel ta vinajel bu oy ti Diose, ti Buch'u laj smeltsan ti c'usitic ta xac' xojobal ti oy ta vinajele. Yu'un ti Diose staoj o yav ti c'u s'elane, mu syanijes sba, yu'un mu'yuc ta stojolal ti c'usi chopole.