Éxodo 28:2 - Bible in Tzotzil de Chamula

² Chapanbo jchopuc c'u'iletic ta sventa tunel yo' jech lec xa jun yutsil xtixet ta xc'ot o xchi'uc ti achi'il ta voq'uel Aarone.

Bible in Tzotzil de Chenalhó with Deuterocanon

² Ac'bo ta pasbel ch'ul c'u'iletic sventa li abanquil Aarone; lec c'upilic sba, xchi'uc lec t'ujumic ac'o yich' pasel.

Éxodo 28:2 Iomraidhean Croise

Job 40:10

Ch'alo aba unbi ta avabtel ta amuc'ul atsatsal, ti tixetan xa yu'un ti alequil avutsile.

Salmos 132:16

Ti coltaele, xtixet no'ox c'otel cu'un ta stojol ti paleetic yu'unique, x'avanic no'ox liquel ta muyubajel cu'un ti buch'utic jun sjol yo'ntonique.

Salmos 132:9

Tixetuc yutsil ti coltael ta stojol ti avajpaletaque; avanicuc ta muyubajel ti buch'utic jun yo'ntonique.

Salmos 149:4

Ti Dios une xmuyubaj no'ox xchi'uc ti steclumale; Jtsalvanejetic c'otic ti buch'u biq'uit yac'oj sbae, cajal ta xc'ot sc'oplal.

Salmos 96:6

Xojobin no'ox ta j'ech'el ti yutsilal ta stojole. Oy smuc'ul stsatsal xchi'uc yutsilal ti ta xch'ulnae.

Éxodo 28:40

Va'i un, xnich'nabtac ti Aarone, meltsanbo ti sloin c'u'ique, ti xchuquique, xchi'uc ti sts'otobil sjolic ti jun yutsil ta xc'ot o xchi'uque.

Éxodo 29:28

Ti matanaletic ti ta xich'ic talel ti israeletique, na'bil ta xcom o yu'unic ti c'ot ta jbel mantal ti ja' yu'unic ti paleetic ti xpechel sti' yo'ntone, ti sbec'tal yo'tac ti laj yich' aq'uel ta sventa ti lajesobil o'ntonale.

Éxodo 31:10

Ma'uc no'ox taje, ta smeltsan xtoc ti jalbil c'u'ile, ti lec xcaltique, ja' ti tunelal c'u'il yu'un ti pale Aarone, xchi'uc ti c'u'il sventa ti xnich'nab ti c'alal ta xtunic ta paleale.

Éxodo 40:13

Ja' yu'un un, ti Aarone, ac'o slap avu'un ti tunelal c'u'ile. Mi laj une, yo' jech ta xc'ot ta pale cu'un, vijo ta malel ti jtunel aceite ti c'alal nijile.

Isaías 4:2

Ti jech c'ac'al taje, ta xvul ta loq'uel q'uelomalil yu'un ti Diose, ti ta xc'ot ta yutsilalic slequilalic ti buch'utic cuxulic ta xcomic ta Israele. Ti c'usitic ta xloc' x'ayanuc ta banomile, mu'yuc xa buch'u jech xtaun o ta banomil ta xa'iic ti cajal c'ot sc'oplalique.

Isaías 52:1

Vic'o asat, lum Sión, vic'o asat un. Tsotsan ac'bo xa yipal un, ch'ul jteclum Jerusalén. Lapo xa ti ac'u' ti spajeb xa ono'ox ti yutsil slequile, yu'un ti buch'utic yan ti sjol yo'ntonique, ti mu'yuc stuq'uilique, mi ja'uc xa ta x'ochic talel yan velta.

Isaías 61:10

Bats'i xlaet no'ox co'nton ta stojol ti Diose. Ximuyubaj no'ox ta xca'i ta stojol ti Dios cu'une. Laj jta yu'un ti coltaele, ¡jc'u'inoj c'ot yu'un ti tsalvaneje! Co'ol j'elan junuc jlecomajel laj jlap ti sronail jole, mi co'ol s'elan jlequel tseb ti ta xch'al sba ta stunesel ti c'usitic alaq'uic sba oy yu'une.

Isaías 61:3

ta yac'bel sronail sjolic ti buch'u oyic ta vocol ta lum Sión ti q'uelel ta stojolic ta svijbe sbaic ti tanil c'oq'ue, ta yac'bel muil poxil sventa muyubajel ti q'uelel ta stojolic ti oq'uel avanele, ti ta xjoybij ta laetel q'uejimol yu'unic ti lajemic xa ta xa'iic ta banomile. “Jtsalvanej c'an tulan ma' le'e”, xi sc'oplal yu'unic. Ts'unbil yu'un Dios yo' jech ta svinajes ti yutsilal slequilale.

Isaías 64:6

Jcotolcutic co'ol j'elancutic jech c'u cha'al jun vinic ti oy sc'oplal mu stac' nopele. Scotol ti c'usi lequil abtel laj jpascutique, jun yic'al ta j'ech'el jech c'u cha'al ic'al c'a' poq'ue. Xitanetcutic ta bajel jech c'u cha'al junuc yanal te' ti coquijem xa yu'un ti staquinale, ti xivalc'uj sutbijcutic ech'el yu'un yic'al ti c'usi chopol ta jpascutique.

Levítico 8:30

Laj taj une, jech ti Moisese laj stsac juteb ti jtunel aceitee xchi'uc ti ch'ich' ti oy ta sba ti altare. Laj svijbe xtoc ta sba ti Aarone xchi'uc ti xnich'nabe, c'alal ta sc'u' spoq'uic ta sventa ti paleale. Ja' jech ochic ta tunel yu'un Dios ti Aarone, xchi'uc ti xnich'nabe, xchi'uc scotol ti c'u'iletic sventa paleale.

San Juan 1:14

Ti Jesucristoe laj yich' sbec'tal, naqui ta jtojolcutic. Melel, mu albajuc ti syail xc'uxul yo'ntone. Yu'un laj quilbecutic slequilal yutsilal, ti ja' slequilal yutsilal stuc ti c'ajomal no'ox yo junomal Xnich'on ti Diose.

Romanos 13:14

Ja' lec, maco abaic ta sventa smuc'ul stsatsal ti Cajvaltic Jesucristoe yo' mu staojuc yav c'upil ta xava'i ta spasel stalel ti lum ach'ele.

Romanos 3:22

Ti jech ta jtatic ti lec xij'ilatotic yu'un ti Diose, ja' ta sventa ti ta xc'ot ta o'ntonal ta xch'unel ti Jesucristoe. Mi jutebuc jeltos ta spas ta stojol scotol ti jnaclejetique.

Gálatas 3:27

Acotolic ti laj xa avich'ic vo' ta sventa ti oyoxuc ta stojol ti Cristoe, laj xa ac'u'inbeic xcuxlejal ti Cristoe.

Hebreos 2:9

Ja'uc le' une, ta xca'ibetic sc'oplal ti Jesuse, ti jech sjalil peq'uel sc'oplal ti stuque, ti x'ech' to cajal com sc'oplal ti ánjeletique. Jech loc' ta nopel yu'un Dios ta sventa ti syail xc'uxul yo'ntone ti ac'o ya'i ta sbec'tal stuc ti lajel tubel ta sventa scotol ti jnaclejetic ta banomile. Avi tana une, ich'bil xa ta muc', ac'bil xa slequilal yutsilal ta sventa ti laj yich' svocol c'alal cham laje.

Hebreos 7:26

Ti Jesús taje, ja' ti tsots sc'oplal ta xtun cu'untic ta Banquilal Palee, yu'un ja' jun ch'ul vinic. Mu'yuc c'usi chopol laj spas. Mu xco'olaj yo'nton jech c'u cha'al ti jsa'muliletique, yu'un x'ech' to cajal sc'oplal ta vinajel.

2 Pedro 1:17

Ti c'alal ac'bat slequilal yutsilale, ti c'alal ich'e ta muc' yu'un ti Jtotic Diose, laj quilcutic, laj ca'icutic ti xi jun yutsil c'opoj talel ti Diose: “Ja' jc'uxubinbil Nich'on li'e, ti ximuyubaj xa yu'une.”

1 Juan 3:2

Xnich'nabotic xa Dios, Jchi'iltac. Mu'yuc to quilojtic ti c'u s'elan ta jtatique. C'alal mi tal ti Jesucristoe, jna'tic xa ti jech ta xijc'ot jech c'u cha'al ti stuque, yu'un ta xquiltic ti c'u s'elane.

Apocalipsis 19:8

Albat xa sc'oplal ta slap ti lino poq'ue, ti xlaplun no'ox yutsil ti saquile. Yu'un ti lino taje, ja' sc'oplal ta xac' ta na'el ti oy slequil stuq'uil c'usitic laj spasic ti buch'utic yu'untac ti Diose.”

Apocalipsis 5:10

Ta aventa li'ochcutic ta ajvalil, ta paleal ta stojol ti Dios cu'untique, xchi'uc ta spasel mantal ta banomil.”