Éxodo 28:12 - Bible in Tzotzil de Chamula

¹² Va'i un, tey xajoc'an ta stimtac ti jayal saquil c'u'ile, yu'un ja' svulesobil ta o'ntonal xnich'nabtac ti Israel ta sventa ti baxtonetic taje. Ja' yu'un un, ti Aarone joc'ol ta xbat ta snequeb ti sbiic ta stojol ti Diose yo' jech mu xch'ay ta o'ntonal.

Bible in Tzotzil de Chenalhó with Deuterocanon

¹² Ja' te ac'o snaban ti bu pac'bil li cha'jis bic'tal poc' ta snecub mocan c'u'ile. Li tone ja' sna'ubil chc'ot yu'unic li avalab anich'nabique. Jech li Aarone te x'ich'-un o yu'un ta snecub sbiic achi'iltac ti c'alal ch-och ta jtojole, yu'un jech ta jna'ic o.

Éxodo 28:12 Iomraidhean Croise

Job 31:36

jechuc xa xch'a unbi, ta jlap ech'el ta sronail jol.

Salmos 89:19

Le' talel ta vo'nee, xi s'elan laj avac'be yilic ti laj ac'oponan ti avajtuneltac ti buch'u oy slequil ti sjol yo'ntone: “Laj xa jt'uj jun vinic ta stojol ti jlumale, mu sna' xi', tsots yo'nton; laj xa cac'be ta toyol ti sc'oplale, xchi'uc laj xa jcolta.

Éxodo 12:14

Taje, ja' jun c'ac'al ti tsots sc'oplal ti ta xavules ta ajolique, xchi'uc ti ta xapasic jun muc'ul q'uin ta sventa yich'el ta muc' ti Diose. Yu'un ta xc'ot ta jbel c'usi albil ti tsots sc'oplale, ti na'bil ta xcom ta ajolic ta spasel ti q'uine, ti jech ta xcom ta stojol ti totil me'ile xchi'uc ti alab nich'nabiletique.

Éxodo 13:9

Ti jech bejel ta o'ntonal avu'unic taje, co'ol s'elan avich'ojic marca ta ac'obic, mi ta ati'baic. Ti jech taje, ja' svulesobil ta ajolic ti tsots sc'oplal ta xalo'iltabe abaic ti oy c'usi tsots albil yu'un ti Diose. Yu'un ta smuc'ul stsatsal, laj sloq'uesuncutic talel ta Egipto.

Éxodo 28:11

Ti biiletic ti bejel ta xcom ta tone, sc'an ti ja' ta spas ti buch'u yabtelinoj ta spaq'uel ti alac' sba tonetique. Ta xich' paq'uel co'ol jech c'u cha'al ti seyoe. Ts'acal to un, ac'bo stsacleb ta oro ti cha'bej tone.

Éxodo 28:29

C'alal ta x'och batel ta Axibalna ti Aarone, yuinojuc batel ti uil sventa ta xac' ta na'el ti c'u s'elan sc'an pasele. Ja' jech xtoc joc'ol ta xbat ta sti' yo'nton ti bu tsacal sbiic xnich'nabtac ti Israel c'alal ta xbat ta stojol ti Diose, yo' jech tey ono'ox ta svulesatic ta o'ntonal yu'un.

Éxodo 28:7

Ta xich' ac'bel stim snequeb ti ta snup sba ta jujujote.

Isaías 12:2

Ti Diose ja' laj stic' sba ta jpojel, stsacoj lec yip co'nton yu'un, mi ja'uc ta xixi'. Ti Diose ja' jnac'obbail, ja' quip jtsatsal, ja' jcoltavanej cu'un.”

Isaías 62:6

Jerusalén, ti ta amoctaque, laj xa jva'an jq'uel-osiletic ti c'ac'al ac'ubal mu xicta sbaic ti xi ta xalique: “Mu xats'ijiic ta sc'oponel sti'inel ti Diose.

Isaías 9:6

Yu'un c'ot xa ta pasel ti voc' xa jun querem ta jtojoltique. Laj xa yac'botic talel jun xnich'on ti Diose, c'ot ta pasel ti ac'bat yich' yabtel ta ventainvaneje. Xi s'elan sc'oplal ta x'albate: Ch'ayal ta xc'ot o'ntonal yu'un ti c'u s'elan ta snope, Dios ti mu tsalbaje, Totil sbatel osil, Banquilal jlamajesej-c'op.

Levítico 24:7

Ac'bo bats'i pom ti jujuchole, ti ta xtun ta sventa matanal svulesel ta o'ntonal ti ta xich' chiq'uel ta stojol ti Diose.

Números 16:40

Ti va'i s'elan taje, ja' c'ot ta scaj-sbijubtaselic ti israeletic ti mu'yuc buch'u junucal xu' ta xnopajic ta yaq'uel pom ta altar ta stojol ti Dios ti mi ma'uc snitilultac ti Aarone. Yan mi mo'oje, jech ta xc'ot ta stojolic jech c'u cha'al ti Coree xchi'uc ti xchi'iltaque. Scotol jech c'ot ta pasel jech c'u cha'al albat mantal ti Eleazar yu'un ti Dios ta sventa ti Moisese.

Números 31:54

Ja' yu'un un, ti Moisese, ti Eleazare laj yich'ic ti oro ti ac'batic yu'un ti banquilaletique. Laj yich'ic batel ta Axibalna ti bu nupel ta bee yo' jech ta xvulesatic ta o'ntonal ti israeletic yu'un ti Diose.

San Lucas 1:54

Laj stic' sba ta scolta ti slumal Israele, ti ja' yajtunele. Mu'yuc laj xch'ay ta yo'nton ti c'ux ta xa'ie.

San Lucas 1:72

Ti oy ono'ox syail xc'uxul yo'nton ta stojol ti jmolmuc'totique, mu'yuc laj xch'ay ta yo'nton ti xch'ul trate laj spase.

Hechos 10:4

Ti Cornelioe sq'uel xcha' batel ti ánjele, ti xi'el xa xi laj sjac'bee: —¿C'usi ta xaval, Yojtot? Xi laj yal ti ánjele: —Ich'bil ta venta yu'un Dios ti ac'opojel ati'inele, xchi'uc ti ta xacolta ti buch'u abol sbaique.

1 Corintios 11:24

C'alal laj yalbe vocol ti Diose, laj xet' ti jbej pane, ti xi laj yale: “Ve'anic ti pan li'e, ja' senyail ti jbec'tal ta xyayij ta xcham ta sventa alequilalique. Jech me xapasic o yo' ta xavulesicun ta avo'ntonic.”

Deuteronomio 33:12

Ta sventa sc'oplal ti Benjamine, xi albate: “Ti jech c'uxubinbil tuc'ulanbil yu'un ti Diose, jun yo'nton ta xcuxi. Yu'un pojbil yu'un ti Buch'u nacal ti jelavel to ti bu oy ta toyole. Chabibil nacal ta yolon squeoval yaxinal yu'un.”

Josué 4:7

va'i un, xachi ta xatac'beique: ‘C'alal ech' xtuch' jelavel uc'um xcaxail strate ti Diose, ti uc'ume pas ta cha'ch'ac yoc ti bu oy ti caxae. Va'i un, ti tonetic le' une, ja' sventa svulesobil ta yo'ntonic ti israeletic ti oy c'usi c'ot ta pasel li'e.” ”