Éxodo 27:3 - Bible in Tzotzil de Chamula

³ Scotol ti c'usi ta xtun ti ta altare, xi s'elan ti ta xich' meltsanel ta c'anal taq'uine: ti xch'amlebtac tanil c'oq'ue, ti slupobile, ti lech-lech taq'uinetique, ti slats'obiltac ac'ale, ti yaviltac stileb ac'ale.

Bible in Tzotzil de Chenalhó with Deuterocanon

³ Scotol li c'usitic chtun te ta scajleb jmotone ta puru bronce taq'uin xapas: ja' li xch'amubil tane, li palaetique, li muc'tic tazaetique, li xluchubiltac ti'bole xchi'uc li yav ac'ale.

Éxodo 27:3 Iomraidhean Croise

1 Reyes 7:40

Ja' jech xtoc ti Hirame laj smeltsan binetic, spulobiltac, xchi'uc muc' ta tazaetic. Taje, ja' jech laj stsutsesbe yabtel ti Salomón ti ta ch'ulna yu'un ti Diose.

1 Reyes 7:50

ti bisetique, ti xulobiltac xmechaile, ti muc'tic tazaetique, ti spulobiltaque, ti xchic'obiltac pome, naca ta oro meltsanbil. Ja' jech xtoc, ti stsacleb jujupech sti' ti Bats'i Cuxul Ch'ul Cuarto ti oy ta yut ti ch'ulnae, xchi'uc ti stsacleb jujupech sti'tac ti ch'ulnae, naca bats'i oro.

2 Reyes 25:14

Laj yich'ic batel xtoc ti yaviltac tane, ti spulobiltaque, ti xulobiltac sc'aq'uemal xnich ti c'usitic ta stsanique, ti lechetique, xchi'uc scotol ti c'usitic meltsanbil ta c'anal taq'uin ti ta stunesic ti c'alal laj spasic stoyel xi'el ti Diose.

2 Reyes 25:15

Mu'yuc ta alel ma' ti xi s'elan laj yich' batel ti buch'u yich'oj ta sventa ti jvoc' jchabivanej soldado yu'un ti ajvalile, scotol ti c'usitic meltsanbil ta oroe, ta platae: ti xch'amleb ac'aletique, xchi'uc ti muc' ta lech-lech taq'uinetique.

1 Crónicas 28:17

Ma'uc no'ox taje, laj yac'be ta sc'ob ti oro sventa ta xich' ti luc-luc taq'uinetique, ti muc' ta lech-lech taq'uinetique, xchi'uc ti jarruetique, jech c'u cha'al ti yan taq'uinetique, ti oroe, ti platae, ti c'u yepal yalal xloc' o lec ta xich' meltsanel ti jujun bisetique.

2 Crónicas 4:11

Ti Hirame laj smeltsan xtoc ti binetique, ti spulobiltaque, ti lech-lech taq'uinetique, ti c'ot ta pasel tsuts ti yabtel ta xch'ulna Dios ti ac'bat smeltsan yu'un ti Salomone.

Éxodo 24:6

Jech ti Moisese laj xch'am j'olol ti ch'ich'e. Ti jlome, laj yac'anan ta yaviltac. Ti o'lole, laj svij ta altar.

Éxodo 27:19

Scotol ti c'usitic ta xtun ti c'alal ta spasbeic yich'obil ta muc' Dios ti ta Axibalnae, nacauc ta c'anal taq'uin jech c'u cha'al ti spajobte'altaque, xchi'uc ti spajobte'altac ti ta xtun ta yamaq'uile.

Éxodo 27:2

Meltsanbo chanib xulub. Jujun xavac'be ti jujujot xchiquine, ti snitoj sba xchi'uc ti altare.

Éxodo 27:4

Meltsano xtoc chaj-chaj c'anal taq'uin. Ac'bo xot-xot c'anal taq'uin ta jujujot xchiquin.

Éxodo 38:3

Ja' jech xtoc ta smeltsan ta c'anal taq'uin scotol ti c'usitic ta xtun ta altare, ti yavil tane, ti slupobiltaque, ti lech-lech taq'uinetique, ti stsacobil ac'ale, xchi'uc ti scajleb ac'ale.

Levítico 16:12

Mi laj taj une, ta stsac jun yav ac'al ti nojesbil ta ac'al ti laj yich' tamel ta altar ti oy ta stojol ti Diose, xchi'uc cha'jopuc juch'bil muil pom. Ta xich' batel ta spat ti bu lich'il ti muc' ta poq'ue.

Números 4:14

Ti c'usitic ta xtun ta ch'ulna ta sventa ti c'usi ta xich' ch'unele, xi s'elan ti c'usitic ta xich' scajanel batel scotol ta sbae: Ti xch'amleb ac'ale, ti slots'obiltaque, ti slupobile, ti lech-lech taq'uine, ja' xa ti c'usitic ta xtun ta altare, scotol taje, ta svolic batel ta jun yutsiquil nucul, ti ta xac'beic te' yo' jech ta xich' chechel batele.