Éxodo 27:21 - Bible in Tzotzil de Chamula

²¹ Jech ti Aarone xchi'uc ti xnich'nabe ta sbainic ta sq'uelel ti lamparaetique yo' jech tsanal sbejel ac'ubal ta stojol Dios ta ch'ul cuarto ti bu nupel ta be xchi'uc Dios ta yeloval ti bu lich'il ti muc' ta poc' ti ja' smacoj ti xcaxail tratee. Ti va'i s'elan taje, ja' jbel ti tsots sc'oplal ti ch'unbil ta xc'ot ti jech ac'o spasic o ti israeletic xchi'uc ti snitilulique.

Bible in Tzotzil de Chenalhó with Deuterocanon

²¹ Li Aarón xchi'uc xnich'nabtaque ja' tsventainic o sq'uelel lec li candiletique, yu'un jech xu' te tsanal o ta jtojol scotol ac'ubal ta ch'ulna cu'un ti bu chac'opanicun ta spat li poc' yo' bu oy xcaxail jmantale. Li'i ja' jun mantal chcom o ta atojolic c'alal ta avalab anich'nabic.

Éxodo 27:21 Iomraidhean Croise

Génesis 1:5

“C'ac'altic” laj yac'be sbiin. Yan ti ic'al osile, “ac'ubaltic” laj yac'be sbiin. Ja' jech yepal chapaj yu'un ta sliquebal c'ac'al.

Génesis 1:8

Jech ti c'usi cotcote, laj yac'be sbiin “vinajel”. Ja' jech chapaj ta xchibal c'ac'al.

2 Crónicas 13:11

Ti stuquique sbainojic xmal sacub ta yac'bel chic'bil matanal ti Diose, ta yaq'uel ti pome, ta yaq'uel ta mexa ti lequil pan ti tsots sc'oplal c'oteme, ta stsanel jujun mal c'ac'al ti lamparaetic ti co'ol s'elan pajleb cantila ti meltsanbil ta oroe. Yu'un ti vu'uncutique ta xc'ot ta pasel c'usi ta sc'an ti Ajvalil Dios cu'untique, ti atenoj ajipoj xa comel ti vo'oxuque.

Salmos 134:1

La'ic ti vo'oxuc yajtuneloxuc ti Diose. Acotolic ti vo'oxuque, lequil c'opojanic ta stojol ti Dios ta x'ech' avu'unic ti ac'ubal ta xch'ulnae.

Éxodo 12:14

Taje, ja' jun c'ac'al ti tsots sc'oplal ti ta xavules ta ajolique, xchi'uc ti ta xapasic jun muc'ul q'uin ta sventa yich'el ta muc' ti Diose. Yu'un ta xc'ot ta jbel c'usi albil ti tsots sc'oplale, ti na'bil ta xcom ta ajolic ta spasel ti q'uine, ti jech ta xcom ta stojol ti totil me'ile xchi'uc ti alab nich'nabiletique.

Éxodo 16:34

Jech laj yich' pasel ti va'i s'elan laj yich' albel mantal yu'un Dios ti Moisese. Jech ti Aarone bat yac' ti moch ta xcaxail tratee yo' jech ta xich' q'uejel tey.

Éxodo 25:16

Va'i un, tey xatic' ochel ta caxa ti bu ts'ibabil ti oy c'usi tsots sc'oplal albile, ti ta xacac'bote.

Éxodo 28:43

Va'i un, ti Aarone xchi'uc ti xnich'nabe, ac'o slapic batel ti c'alal ta x'ochic batel ta Axibalna, mi ja' ti ta xnopajic batel ta sts'el ti altare. Ac'o slapic ti c'alal ta xtunic ta paleal tey ti bu nupel ta be xchi'uc ti Diose yo' jech mu jset'uc oy c'usi chopol ta xc'ot ta pasel, yo' jech mu xchamic. Li'e, ta me xc'ot ta jbel ti oy c'usi tsots albil ti j'ech'el ch'unbil ta xcom o yu'un ti stuque xchi'uc ti snitilultaque.

Éxodo 29:28

Ti matanaletic ti ta xich'ic talel ti israeletique, na'bil ta xcom o yu'unic ti c'ot ta jbel mantal ti ja' yu'unic ti paleetic ti xpechel sti' yo'ntone, ti sbec'tal yo'tac ti laj yich' aq'uel ta sventa ti lajesobil o'ntonale.

Éxodo 29:42

Ti matanaletic ti ta xich' chiq'uel sventa quich'obil ta muq'ue, ja' ta sliquesic ti totil me'iletique, yo' jech xchanoj ta xcom ti yalab xnich'nabic ti ta xaq'uic ta jtojole, ti ta ochebal sti' ti Axibalna ti bu ta jnupot ta be ta sc'oponelote.

Éxodo 29:44

Ch'acbil ta xc'ot cu'un ti Axibalnae xchi'uc ti altare. Ja' jech ch'acbilic ta xc'otic ec ti Aarone xchi'uc ti xnich'nabtaque, yu'un ja' paleetic cu'un.

Éxodo 30:21

Va'i un, yo' jech mu xchamique, tsots sc'oplal ta spoc ti sc'obique, ti yacanique. Taje, ja' me ti oy c'usi tsots sc'oplal na'bil ta xcom o sbatel osil ta stojol ti Aarone, xchi'uc ti snitilultaque.”

Éxodo 30:36

Lec nin xajuch' jch'acuc. Va'i un, ba ac'o ta xcaxail trate tey ta Axibalna ti bu nupel ta bee. Ti lec xcaltique, ja' tey ti bu albil sc'oplal ti ta jnup jbatic ta bee. Ti pom taje, stuc no'ox ti ja'uc c'otuc ta jtunel pom avu'unique.

Éxodo 30:8

Ta xchic' xtoc ti ta mal c'ac'ale, ti c'alal ja' o yorail ti ta xich' tsanel ti lamparaetique. Taje, ja' jech ta xich' pasel o sbatel osil ta stojol ti Diose.

Éxodo 40:3

Tic'o ochel xcaxail ti tratee. Lich'anbo smaquin ti muc' ta poq'ue.

Levítico 10:9

“Manchuc mi vo'ot, mi ja' ti anich'nabtaque, ti c'alal ta xa'ochic batel ta Axibalna ti bu nupel ta bee, mu me xavuch'ic ti vinoe, mi ja'uc yan uch'bolal ti pasem xae, naca mi chamanic. Yu'un ja' c'ot ta jbel c'usi tsots albil ti ta x'ech' ta stojol ti totil me'ile xchi'uc ti alab nich'nabe,

Levítico 16:34

“Ti jbel ti c'usi tsots albil taje, xi s'elan com o ta atojolique: Jun velta ta jujun jabil, ta xapasic ti c'u s'elan comem sc'oplal ti ta xataic ti ch'aybil ta xc'ot smulic ti israeletic ti bu jelavique.” Ja' jech laj yich' pasel jech c'u cha'al albat mantal ti Moisés yu'un ti Diose.

Levítico 17:7

Mi ja'uc xa ta j'ech'el ti ta xac'beic yich' svocol xchon sbolom ta sventa smoton ti jti'oval pucuje, ti laj to ox snijan xchiman sba ta stojole, ti ja' ta scoj ti c'otic ta soquele. Taje, c'ot ta atojolic ta jbel c'usi tsots albil xchi'uc ti avalab anich'nabique.

Levítico 23:14

Ti c'u sjalil ti sc'ac'alil ti ta xavich'beic batel smoton ti Diose, mu me xave'ic ti pane, ti bacubtasbil trigoe, mi ja'uc ti yox toe. Taje, ta xc'ot ta jbel ti c'usi tsots albil ti na'bil ta xcom ti ta x'ech' ta stojol ti totil me'iletique, xchi'uc ti alab nich'nabiletic ti buyuc no'ox nacaloxuque.

Levítico 23:21

“Ti jech c'ac'al taj une, tsots sc'oplal ta xapasic jun ch'ul tsoblej. Mi jtosuc abtel stac' xapasic. Taje, ja' jun mantal ti na'bil ta xcom ti ta x'ech' ta stojol ti totil me'ile, xchi'uc ti alab nich'nab ti buyuc no'ox nacaloxuque.

Levítico 24:2

“Albo ya'i mantal ti israeletique ti ac'o yich'boxuc talel ti bats'i yaceiteal olivoe yo' jech staoj yav tsanal ti lamparaetique.

Levítico 24:3

Ja' ta sbain ta xchapanel ti Aarone yo' jech tsanal o sjunul ac'ubal ta stojol Dios ta Axibalna ti bu ti nupel ta bee, ta spat ti bu lich'il ti muc' ta poc' ta sts'el xcaxail ti tratee. Taje, ta xc'ot ta jbel c'usi albil ti tsots sc'oplal ti na'bil ta xcom o ta atojolique, ti ta x'ech' ta stojolic ti totil me'iletique xchi'uc ti alab nich'nabe.

Levítico 24:9

Taje, ja' me ti ta xc'ot ta spuculal ti Aarone xchi'uc ti snitilultaque, ti tsots sc'oplal ta sve'ic ti bu tuc'ulanbil leque. Yu'un ti matanaletic ti ta xich' chiq'uel sventa yich'el ta muc' ti Diose, ja' ti ech'em jelavem ts'uiltasbil ta j'ech'ele.”

Levítico 3:17

“Xi s'elan ta xal ti c'usi tsots albil sc'oplale, ti ich'biluc ta muc' sbatel osil ti ta x'ech'ic ti totil me'iletique, ti alab nich'nabiletic ti buyuc no'ox nacalique: J'ech'eluc mu xati'ic ti xepu'e, ti ch'ich'e.”

Levítico 3:8

ac'o scajan sc'ob ta sjol. Va'i un, ta xich' c'ocbel snuc' ta ochebal sti' ti Axibalna ti bu nupel ta bee. Ja' jech xtoc un, ti paleetique ta sbonbeic xch'ich'el ti chon bolom ta sba xchi'uc ta sjoylej stsectac ti altare.

Levítico 6:15

Ti jun yu'unic ta scotolique ta stsac jopuc ti harina ti ac'bil ta matanale, xchi'uc ti yaceiteale, jmoj xchi'uc scotol ti pom ti capal xchi'uc ti matanale, ta xchic' ta altar ti c'ot ta svulesobil o'ntonal ti jun yutsil smuil ta xich' ac'bel ti Diose.

Levítico 7:36

Ti sc'ac'alil taje, ti Diose laj yal mantal ta stojol ti israeletique ti ac'o yac'beic ti spuculal taje, ti com ta sbaic ti ja' yabtel ta spasel ti xlaj ech'uc ti totil me'ile, ti ta xcom o ta alab nich'nabiletique.

Malaquías 2:7

Yu'un ja' yabtelic ti paleetic ta xchanubtasel ti jnaclejetic ti ac'o xiyojtiquinique. Ja' yu'un un, scotolic ac'o yac' sjolic ti ac'o sc'anic ti tojobtasele. Ti stuquique, ja' j'al-mantal j'ich'-c'opetic yu'un ti Dios ti scotol xu' yu'une.

Números 18:23

Yu'un c'ajomal no'ox xu' ta xtunic ti levitaetic ta abtel ta Axibalnae. Jech xtoc cajal ta xc'ot ta sbaic ti bu mu lecuc ta xbat yu'unique. Taje, ta xc'ot yu'unic ta jbel c'usi tsots albil ti bejel ta xcom o ta stojol ti totil me'ile, xchi'uc ti alab nich'nabe. Ti levitaetic une mu'yuc yosil sbanomilic ta stojol ti israeletique.

Números 18:5

Yu'un vo'oxuc abainojic ta spasel ti abtel ti c'usi sc'an pasel ta ch'ul cuartoe xchi'uc ti ta altare. Ti mi jech taj une, mu xa soc jol xchi'uc ti israeletic yan veltae.

Números 19:21

Taje, ja' ta xc'ot ta jbel c'usi tsots albil ti bejel ta xcom oe. Ti buch'u ta xvits'tavan ta sventa ti jlecubtasvanej vo'e, tsots sc'oplal ta xchuc' sc'u'. Jech ti buch'u ta stsac ti jlecubtasvanej vo'e, ta smalil to c'ac'al ta xlaj yip ti xcuchoj ti sbolile.

Números 35:29

“Ti va'i s'elan c'ot ta nopele, ti buyuc no'ox nacaloxuque, ja' c'ot ta jbel tsots albil ti bejel ta xcom ta stojol ti totil me'ile xchi'uc ti alab nich'nabe.

Números 8:9

Ta xavic' batel ti levitaetic ta sts'el ti Axibalna ti bu nupel ta bee, ac'o stsob sbaic scotol ti israeletique.

San Mateo 4:16

scotol ti jnaclejetic taje, ti oyic ta ic'al osile, laj yilic saquilal osil un. Ti buch'utic oyic ta squeoval ti chamel lajebale, c'ot ta stojolic un ti saquilal osile.”

San Lucas 12:35

“Chaplucoxuc, meltsan abaic ta slapel ac'u'ic, xchi'uc tsanluc ti alámparaique.

San Juan 5:35

Yu'un ti c'usi laj yalboxuc ti Juane, co'ol s'elan jun lámpara ti tsanal ta xac' xojobale. Jech ti vo'oxuque jayib no'ox c'ac'al xamuyubajic xa yu'un ti luz taje.

2 Corintios 4:6

Yu'un ja' laj yal stuc ti Diose ti xojobinuc ti luz ta ic'al osile. Jech xtoc laj yac' xojobinuc ta co'ntontic ti luze yo' jech ta xcojtiquinbetic yutsilal slequilal ti Dios ti xojobin no'ox yutsil ta stojol ti Jesucristoe.

2 Pedro 1:19

Ti c'u s'elan laj yalic comel ti j'alc'opetic ta vo'nee, jbel sc'oplal mi ja'uc stselbuj un. Jech o xal laj ats'etan achiquinic ta ya'yiel ti lequil ach' c'ope. Yu'un co'ol s'elan junuc lámpara xnobet xojobal ta ic'al osil ti lequil ach' c'ope. Jechuc nobetuc xojobal ta atojolic, ja' to ti c'uxi ta xvul ta loq'uel ti muc' ta c'anal ti xbejet loq'uel talel ta sob ic'lumane.

Apocalipsis 2:1

Xi xats'ibabe batel ta stojol ti buch'u sbainoj ti jch'unolajeletic ti oy ta jteclum Efesoe: “Xi ta xal ti Buch'u stsacoj ta sbats'i c'ob ti vucbej c'anale, ti xva'et ta xanav ta o'lol ti bu oy ti vucub yavil cantila meltsanbil ta oroe:

1 Samuel 3:3

Yan ti Samuele xpuch'anoj sba ta xvay ta xch'ulna ti Dios ta sts'el ti bu bejel xcaxa ti Diose. Ja'uc ti lamparae staoj yav tsanal ti ta ch'ul cuartoe.

1 Samuel 30:25

(Ti c'uxi lic talel ta vo'ne yu'un ti israeletique, ja' jech ta spasic ti israeletic avi tana li'e. C'ot ta jun mantal yu'unic.)