Éxodo 27:2 - Bible in Tzotzil de Chamula

² Meltsanbo chanib xulub. Jujun xavac'be ti jujujot xchiquine, ti snitoj sba xchi'uc ti altare.

Bible in Tzotzil de Chenalhó with Deuterocanon

² Pasbo chanib xulub xchanjotal xchiquin, jmoj snitoj sba xapas xchi'uc li scajleb jmotone. Pixo ta bronce taq'uin scotol.

Éxodo 27:2 Iomraidhean Croise

1 Reyes 1:50

Ja'uc ti Adoniase, ta scoj ti xi'el yu'un ti Salomone, va'i batel, bat ta ch'ulna. Bat st'uyan sba ta stsaquel ti xulub altar yo' ta spoj sbae.

1 Reyes 2:28

Ti Joabe laj sco'oltas sjolic xchi'uc ti Adoniase. Ja'uc le'e mu'yuc laj sco'oltas sjolic xchi'uc ti Absalone. C'alal puc batel ti lo'il a'yeje, laj ya'i ti Joabe, jatav batel ta xch'ulna ti Diose, ti bat snac' sba ti bu oy ti altare.

1 Reyes 8:64

Ta yorail no'ox ti jech c'ac'al taje, ti ajvalile laj yac' ta ventainel ti o'lol amac' yu'un ti ch'ulna ti oy ta yelovale. Laj yaq'uic chic'bil matanal sat ts'unubaletic, xepu'altac ti c'usitic laj yich' svocol ta sventa ti lajesobil o'ntonal ti bu taje, yu'un ti c'anal taq'uin altar ti oy ta stojol ti Diose, yu'un toj biq'uit, ti mu ja'uc x'och o ti chic'bil matanale, ti matanal sat ts'unubile, xchi'uc xepu'al ti lajesobil o'ntonale.

2 Reyes 16:14

Ja'uc ti c'anal taq'uin altar ti oy ta yeloval xch'ulna ti Diose, ti Acaze laj xq'uextabe yavil. Bat yac' ta stuq'uil yolon ti yolon xocon sloq'ueb c'ac'al yu'un ti altare. Yu'un ach' altar xa ti yelovtaoj sbaic xchi'uc ti xch'ulna ti Diose.

2 Crónicas 4:1

Ti Salomone laj smeltsan xtoc jun c'anal taq'uin altar ti yich'oj baluneb (9) metro snatile, ti co'ol yich'oj baluneb (9) metro ti sjamleje, ti yich'oj o'lol yo'obal (4.50) metro ti stayleje.

Salmos 118:27

Ti Ajvalile, ja' ti Dios une, ti sac jaman no'ox ti jbetic yu'une. Licuc xa ti q'uine, ich'ic talel ti jepbil c'ob te' ti nichimticuc c'otuc bu oy xulubtac ti altare.

Éxodo 27:3

Scotol ti c'usi ta xtun ti ta altare, xi s'elan ti ta xich' meltsanel ta c'anal taq'uine: ti xch'amlebtac tanil c'oq'ue, ti slupobile, ti lech-lech taq'uinetique, ti slats'obiltac ac'ale, ti yaviltac stileb ac'ale.

Éxodo 29:12

Ts'ajo sni' ac'ob ta ch'ich', jaxbo ta xulubtac ti altare. Ti c'u yepal ta xcom ti ch'ich'e, malo ta yoc ti altare.

Éxodo 38:30

Ti jech yepal ti c'anal taq'uinetic taje, ja' ta xich' meltsanel o ta spajlebtac yoyal sti' ti Axibalna ti bu nupel ta bee, ta c'anal taq'uin altar, ta chaj-chaj c'anal taq'uin yu'un, xchi'uc scotol ti c'usitic ta xtun ta altare.

Ezequiel 43:15

Ti bu lic muyel jcoj ti c'ot ta sbae, jamal com o'lol (50 cm.) metro ti bu c'ot ta tsutsel ti jcoj oy ta o'lole. Chib (2) metro ti staylej muy batele. Chanib (4) xulub va'ajtic muyel.

Levítico 16:18

va'i unbi, ta xloc' talel yo' jech ta stus ta poquel ti altar ti oy ta stojol ti Diose. Ta stsac jutebuc xch'ich'el ti ch'iom vacaxe xchi'uc ti tentsune. Ta xjax ta xulubtac ta sjoylej ti altare.

Levítico 4:18

Ta xjaxbe jutebuc ch'ich' ta xulubtac ti altar ti oy ta stojol Dios ta Axibalna ti bu nupel ta bee. Scotol scomelal ti ch'ich'e, ta smal ta yoc altar yu'un ti xchic'obil matanal ti oy ta ochebal sti' ti Axibalna ti bu nupel ta bee.

Levítico 4:25

Mi laj une, jech ti palee ta sts'aj jutebuc sni' sc'ob ta xch'ich'el ti chon bolom ti ta xich' milel ta scoj ti mulile. Ta xjaxbe ta xulubtac ti altar ti ja' xchic'obil ti matanale. C'alal mi jech laj spase, ti scomelal ti ch'ich'e, ta smal ta yoc ti altare.

Levítico 4:7

Ta xjaxbe jutebuc ch'ich' xtoc ta xulubtac ti altar ti albil sc'oplal sventa xchic'obil muil pom ti oy ta stojol ti Dios ta Axibalna ti bu nupel ta bee. Ja'uc scotol scomelal ti ch'ich'e, ta smal ta yoc altar sventa xchic'obil ti matanal ti oy ta ochebal sti' ti Axibalna ti bu nupel ta bee.

Levítico 8:15

Va'i un, ti Moisese laj sc'ocbe snuc'. Laj sts'aj sni' sc'ob ta xch'ich'el, ba xjax ta xulubtac ti altare yo' jech ta smes ta stus ti altare. Ja'uc ti scomelal ti ch'ich'e, laj smal ta yoc ti altare. Ti altar taj une och ta tunel yu'un ti Dios ta sventa xch'ayobil ti mulil colo'ile.

Zacarías 9:15

Ti Dios ti scotol xu' yu'une, yu'un ta xchabi ti yu'untaque. Ja' yu'un un, ti stuquique ta xpech'ic ta teq'uel ti jim jimich'etique, ta sesintaic ti scontraique, ti co'ol s'elan vino ta xuch'beic ti xch'ich'ele, ti co'ol s'elan lech-lech taq'uin ti noj ta xcom xchi'uquique, mi mo'oje, co'ol s'elan ti xbein no'ox yalel ta xulubtac ti altare.

Números 3:31

Ti jvoc' taje, ja' sbainojic ta xchabiel xcaxail ti tratee, ti mexae, ti co'ol s'elan spajleb cantilae, ti altaretique, ti c'usitic t'ujbil ti tsots sc'oplal ta xtun ta sventa ti c'usi ch'unbile, ti poq'uetique, xchi'uc scotol ti c'usitic jujutos stunele.

Hebreos 6:18

Ja' yu'un un, ta sventa ti cha'bel taje, ti jbel sc'oplal mu stac' jelele, xchi'uc ti mu sjut c'op ti Diose, xpatet to co'ntontic yu'un ti jech laj xa jsa'tic jpojel jcoltaeltic ta stojole.