Éxodo 26:36 - Bible in Tzotzil de Chamula

³⁶ “Ti ta ochebal sti' ti Axibalnae, ta xavac'be ti muc' ta poc' ti ic'-ic' losantic sba stsajale, ti yax'elan xyaxale, ti tsajal poq'ue, ti saquil poc' ti polajtic sts'otbenale, ti luchbiquil lec xnichimale.

Bible in Tzotzil de Chenalhó with Deuterocanon

³⁶ “Li smac sti' ch'ulnae pasbo jlicuc poc' yax'elantic sba, xchi'uc ic'ic'tic sba stsajal, xchi'uc ta bats'i tsoj, xchi'uc ta lino ti lec ts'otbile. Lec c'upilic sba xluchal xapas.

Éxodo 26:36 Iomraidhean Croise

2 Samuel 7:6

Ti sc'ac'alil ti c'alal laj jloq'ues talel ti israeletic ta Egiptoe, xchi'uc tana li'e, mu'yuc ono'ox bu linaqui talel ta ch'ulna, c'ajomal uni Axibalna bu li'ech'ilan talel.

Salmos 78:60

Laj sten laj sjip comel ti ch'ulna meltsanbil ta nucul ti oy ta Siloe, ti bu naqui xchi'uc ti jnaclejetique.

Éxodo 26:31

“Meltsano jlicuc muc' ta poc' ti ic'-ic' losantic sba stsajale, ti yax'elan xyaxale, ti tsajal poq'ue, xchi'uc ti polajtic sts'otbenal saquil poq'ue. Tey xaluch ta loc'tael chib sloc'obbail ti c'usi oy xiq'ue.

Éxodo 27:16

Ti ta ochebal yamaq'uile, oyuc me baluneb metro sjamlej poq'uetic ti ic'-ic' losantic sba stsajale, ti yax'elan xyaxale, ti tsajal poq'ue, ti saquil poc' ti polajtic sts'otbenal ti luchbil lec xnichimale. Oyuc xtoc chanib yoyal xchi'uc ti chanib spajlebe.

Éxodo 28:15

“Ti uile xchi'uc ti c'usitic jtunel ta sventa ti chapanele, ja' jech ta xameltsan jech c'u cha'al ti jayal luchbil saquil c'u'ile. Ti xcaltique, ja' ti luchbil lec ta c'abale, ti meltsanbil ta oroe, ti ta ic'-ic' losantic sba tsajal poq'ue, ti ta yax'elan yaxal poq'ue, ti ta tsajal poq'ue, xchi'uc ti ta saquil poc' ti polajtic sts'otbenale.

Éxodo 28:39

“Meltsano junuc saquil loin c'u'il ti c'upil sba xluchbenale, xchi'uc saquil poc' sventa ti ts'otobil jolile. Ti chuquile, sc'an ti lec luchbil ti xnichimaltaque.

Éxodo 35:11

ti Axibalnae xchi'uc ti yaxibe, ti sluc-luc taq'uinaltaque, ti stenel te'altaque, ti sc'atlomte'altaque, ti yoyaltaque, ti stsacleb yoyaltaque,

Éxodo 35:15

ti yaltaril xchic'obil pom xchi'uc ti sc'atlomte'altaque, ti jtunel aceite sventa abtelale, ti muil pome, ti muc' ta poc' ti lich'il ta ochebal ti Axibalnae.

Éxodo 36:37

Ta sventa ti ochebal sti' ti Axibalnae, ta smeltsanbe ta ic'-ic' losantic sba stsajal poq'ue, ta yax'elan yaxal poc', ta tsajal poc', ta saquil poc' ti polajtic stsotbenal ti luchbile.

Éxodo 38:18

Ti muc' ta poc' ti oy ta ochebal sti' ti amaq'ue, bats'i lec luchbil ta j'ech'el ta ic'-ic' losantic tsajal no, ta no ti yax'elan xyaxale, ta tsajal no, xchi'uc ta saquil ts'otbil no. Yich'oj baluneb (9) metro sjamlej. Ti stayleje, ja' yich'oj buluch-ch'ix xchi'uc o'lol jquejlej (2.25cms.). Co'ol staylej xchi'uc ti muc'tic poq'uetic yu'un ti amaq'ue.

Éxodo 39:29

Ti chuquil xtoque, ta xich' meltsanel ta ts'otbil sat saquil poc', ta ic'-ic' losantic sba tsajal poc', ta yax'elan yaxal poc', ta tsajal poc ti ta xich' nichimtasel ta luchel jech c'u cha'al albat mantal ti Moisés yu'un ti Diose.

Éxodo 39:33

Ja' yu'un un, xi s'elan laj yac'beic ta sc'ob Moisés ti Axibalna ti bu nupel ta bee xchi'uc scotol ti c'usitic ta xtun teye: ti sluc-luc taq'uinaltaque, ti stenel-te'altaque, ti sc'atlomte'altaque, ti yoyaltaque xchi'uc ti spajleb oyetique,

Éxodo 40:5

Cotano lec xtoc ti oro altar sventa xchic'obil ti pome ta yelov xcaxail ti tratee. Joc'ano xtoc ti muc' ta poc' ta ochebal sti' ti Axibalnae.

Ezequiel 16:10

Spajeb yutsil sbontac ti c'u'il laj cac'bot alape. Naca lequil nucul laj cac'bot alap ti axonobe. Meltsanbil ta xela no laj cac'bot jlic achuc, xchi'uc jlic c'u'il c'upil sba jalbil.

Números 3:25

Ti Axibalna ti bu nupel ta bee, ja' sbainojic ta sq'uelel ti c'usi oy yu'une, ti nuculetic ti ja' yaxibe, ti muc' ta poc' ti lich'il ta sti' ti Axibalnae.

Números 9:15

Ti sc'ac'alil c'alal laj sva'anic ti ch'ulnae, ti xcaltique, ja' ti Axibalna yu'un ti tratee, volibil c'ot ta toc. Ta sba ti ch'ulnae, vinaj ta smalil c'ac'al jun c'oc' s'elan ti ja' jech yich'oj o sacube.

San Juan 10:9

Vu'unun ti ti' corrale. Ti buch'u ta x'och talel ta jtojole, ta xcol. Co'ol s'elan chij ti x'och xloc' ta corral ta stael ti sve'ele.

San Juan 14:6

Xi laj stac' ti Jesuse: —Vu'un c'otem ta jventa ti bee, ti melele, xchi'uc ti cuxlejale. Ti xu' xac'otic bu oy ti Jtote, vu'un ta jventa.