Éxodo 26:32 - Bible in Tzotzil de Chamula

³² Ts'acal to un, ac'bo xotbil oro. Joc'ano ta chanib oyetic ti ja' meltsanbil ta acacia te' ti bonbil ta oroe, xchi'uc xavac'be stsacleb yoc ti ja' meltsanbil ta platae.

Bible in Tzotzil de Chenalhó with Deuterocanon

³² Pasbo chanib yoyal ta acacia te'; pixo lec ta c'anal taq'uin. Ac'bo jayibuc lucajtic taq'uin sventa chajoc'an o ta yoyal. Li yoyale pasbo snacleb ta saquil taq'uin.

Éxodo 26:32 Iomraidhean Croise

Ester 1:6

Ti amaq'ue nichimtasbil lec ta c'upil sba lequiquil saquil poc', xchi'uc ta yax'elan ti xyaxale, ti joc'ajtic ta yax'elan tsajal xela noe, ti xojbil jelavel ta jomolil sat ta plata taq'uine, ti c'otem xchuc sba ta jujun oy ti meltsanbil ta baxtone. Ti peq'uel chotlebaletic laj yaq'ue, naca meltsanbil ta oro, ta plata, ti yich'oj naca c'upil sba pac'bil tonetic ti sts'ayts'un no'ox yutsile, ti jtos o ta baxtone, ti saquil baxtone, xchi'uc ti ic'al baxtone.

Éxodo 25:5

ti nuculil chij ti bonbil ta tsoje, ti nuculetic ti c'upil sba yutsile, ti acacia te'e,

Éxodo 26:31

“Meltsano jlicuc muc' ta poc' ti ic'-ic' losantic sba stsajale, ti yax'elan xyaxale, ti tsajal poq'ue, xchi'uc ti polajtic sts'otbenal saquil poq'ue. Tey xaluch ta loc'tael chib sloc'obbail ti c'usi oy xiq'ue.

Éxodo 26:33

Va'i un, tey xajoc'an ti muc' ta poc' ti ja' stsacoj ti xotbil oroe. Ti tey ta spat ti bu lich'il ti muc' ta poq'ue, tey xavac' xcaxail ti tratee. Ja' yu'un un, ti muc' ta poc' taje, ja' ta xtun avu'unic sventa smac yo' ch'acal ta xcom ti ch'ul cuartoe xchi'uc ti Bats'i Cuxul Ch'ul Cuartoe.

Éxodo 26:37

Ja' jech xtoc ta sventa ti muc' ta poq'ue, meltsanbo ta acacia te' vo'ob yoyal ti ta xabon ta oroe, xchi'uc meltsanbo ta oro xot-xot staq'uinaltac. Uleso c'anal taq'uin sventa ta xtun ta spajleb ti vo'ob oyetique.

Éxodo 36:38

Ja' jech xtoc ta smeltsan vo'ob (5) oy ti ta xac'be sluc-luc staq'uinale, xchi'uc vo'ob stsacleb ti ja' c'anal taq'uine, xchi'uc ta sbon ta oro sjol ti oyetique xchi'uc ti xot-xot staq'uinaltaque.