Éxodo 26:30 - Bible in Tzotzil de Chamula

³⁰ Ja' yu'un un, jech xameltsan ti Axibalna co'ol jech c'u cha'al la'ac'bat avil ti sloc'obbail ta vitse.

Bible in Tzotzil de Chenalhó with Deuterocanon

³⁰ Ja'o xlic ava'an li ch'ulna jech chac c'u cha'al laj cac'bot avil senyail te ta vitse.

Éxodo 26:30 Iomraidhean Croise

1 Crónicas 28:19

Scotol taje, ts'ibabil ta jlic vun ti ac'bat sna' David yu'un ti Diose, ti bu ta svinajesbe scotol c'u s'elan ta xich' pasel ti abteletique, co'ol jech c'u cha'al loc'tabil ta svunale.

Éxodo 25:40

A'yio ava'i, jech me xapas scotol jech c'u cha'al la'ac'bat avil sloc'obbail ti ta vitse.

Éxodo 25:9

Ja' no'ox un, ti bu ta xinaqui taj une, scotol ti c'usitic ta xtun xtoque, tsots sc'oplal co'oluc me xbat jech c'u cha'al ta xcac'bot avile.

Éxodo 26:29

Mi laj taj une, bono ta oro ti tenel-te'etique. Ja' jech xtoc ta oro xameltsanbe ti xot-xot staq'uinaltaque. C'alal mi bonbil xa ox ta oro sjunule, tey ta xich' c'atanbel jelavel ti sc'atlomte'altaque.

Éxodo 27:8

Ti altare, sc'an pujul yut ti meltsanbil ta tenel-te'e, co'ol jech c'u cha'al laj avil ta vitse.

Éxodo 40:2

“Ti sba c'ac'al yu'un ti sliquebal ue, ac'o sta yav avu'un ta smeltsanel ti Axibalna ti bu nupel ta be yu'un ti Diose.

Números 10:21

Va'i un, vol xiic batel ta nablej ec snitilultac ti Coate, ti ja' sbainojic ta xcuchel batel ti c'usitic ac'bil xa jelavel ta ventainele. Ti c'alal ta xc'otic ti yane, va'al xa ox ta staic ti Axibalnae.

Números 8:4

Ti pajleb cantilae, meltsanbil ta oro, ti anbil ta yanobil ti nitil ta jun xchi'uc ti xchotlebe, xchi'uc ti xnichimaltaque. Ti pajleb cantilae, ja' jech s'elan laj smeltsan ti Moisese jech c'u cha'al ac'bat yil yu'un ti Diose.

Hechos 7:44

“Ti jmolmuc'totic c'alal oyic ta sbajtical banomile, yich'ojic batel ti xcaxail trate ta ch'ulna ti meltsanbil ta nucule, ti co'ol laj smeltsan ti Moisés jech c'u cha'al ac'bat yil yu'un ti Diose.

Hebreos 8:2

Ta xtun xa ta Paleal ta bats'i ch'ulna ti ja' pasbil yu'un ti Diose, ti ma'uc pasbil yu'un ti viniquetique.

Hebreos 8:5

Yabtel ti paleetic ti va'anbilic ta sventa smantal ti Moisese, naca squeoval ti c'usitic oy ta vinajele. Jna'tic lec ti naca svinajeb une, yu'un xi albat yu'un Dios ti Moisés c'alal oy sc'oplal ta smeltsan ti ch'ulna ti naca ta nucul ta xva'i ti yaxibe: “Jech me xameltsan ti ch'ulna jech c'u cha'al laj cac'bot avil ti svinajeb ta vitse.”

Hebreos 9:23

Ti xcaltic taj une, tsots sc'oplal laj yich' poquel tusel ta ch'ich' scotol ti c'usitic naca sloc'obbail no'ox ti c'usitic oy ta vinajele. Ja'uc ti c'usitic oy ta vinajele, x'ech' to yutsil ch'ich' ta sc'an.

Josué 18:1

Scotol ti c'u yepal svoloj sbaic ti israeletique, laj stsob sbaic ta Silo yo' ta sva'anic ti Axibalna ti bu nupel ta be yu'un ti Dios ti bu taje. Yu'un cuchem xa ox yu'unic yu'ninel ti banomile.