Éxodo 26:1 - Bible in Tzotzil de Chamula

¹ “Ta xameltsan Axibalna. Ta xavac'be lajunlic (10) smac ta saquil poc' ti polajtic ts'otbenale, ti ic'-ic' losantic sba tsajal poq'ue, ti yax'elan yaxal poq'ue, xchi'uc ti tsajal poq'ue. Taje, ta xaluchbe chib sloc'obbail ti c'usi oy xiq'ue.

Bible in Tzotzil de Chenalhó with Deuterocanon

¹ “Paso jbej ch'ulna ta nucul, ta lajunlic lino poc' ti lec ts'otbile, xchi'uc ta yax'elan poc', ta ic'ic'tic sba stsajal, xchi'uc ta bats'i tsoj. Pasbo lec xluchal; loc'tao chib querubinetic.

Éxodo 26:1 Iomraidhean Croise

2 Samuel 7:2

jech ti Davide xi laj yalbe ya'i ti j'alc'op Natane: —Aviloj ta aba ta asat ti nacalun ta jun na ti naca meltsanbil ta ch'ut-te'e. Ja'uc ti bu oy xcaxa ti Diose, ta uni poc' no'ox ti snail ac'bile.

1 Reyes 6:29

Ta spat, ta yut scotol ti ch'ulnae, laj xch'oj ta loc'tael ti c'usi oy xiq'ue, ta sloc'tael ti xane, ta sloc'tael ti nichimetique.

1 Crónicas 17:1

C'alal choti xa ta spasob mantal ti Davide, xi laj yalbe ya'i ti j'alc'op Natane: —A'yio ava'i, nacalun ta jun na ti meltsanbil ta naca ch'ut te'e, c'alal naca no'ox ta uni axibalna ti bu tiq'uil xcaxail strate ti Diose.

1 Crónicas 21:29

Manchuc mi oy ta Gabaón ti Axibalna ti laj sva'an talel ti Moisés ta sbajtical banomil ta sventa ti Diose, xchi'uc ti altar sventa xchic'obil matanele,

Éxodo 25:18

Loc'tao chibuc sloc'obbail ti c'usi oy xic'tac ti ja' oroe, ti ja' anbil lec ta yanobile. Va'ano ta jujujot xocon sba smac ti caxae.

Éxodo 25:4

ti jilich' poc' ti ic'-ic' losan stsajale, ti yax'elantic stsajale, ti tsoj sliquile, ti saquil poc' ti c'upil sba xnichimaltaque, ti jalbil tsotsil tentsune,

Éxodo 25:8

Meltsanbeicun junuc Axibalna yo' jech ta xinaqui tey.

Éxodo 26:2

Scotol ti muc' ta poc' taje, jun ti sbisol ta xich'e, lajcheb metro xchi'uc o'lol (12.50mts.) ti snatile, chib metro xtoc ti sjamleje.

Éxodo 26:31

“Meltsano jlicuc muc' ta poc' ti ic'-ic' losantic sba stsajale, ti yax'elan xyaxale, ti tsajal poq'ue, xchi'uc ti polajtic sts'otbenal saquil poq'ue. Tey xaluch ta loc'tael chib sloc'obbail ti c'usi oy xiq'ue.

Éxodo 26:36

“Ti ta ochebal sti' ti Axibalnae, ta xavac'be ti muc' ta poc' ti ic'-ic' losantic sba stsajale, ti yax'elan xyaxale, ti tsajal poq'ue, ti saquil poc' ti polajtic sts'otbenale, ti luchbiquil lec xnichimale.

Éxodo 31:7

ti Axibalna ti bu nupel ta bee, ti xcaxail tratee, ti smac ti nujul ta sba ti caxae, scotol ti c'usitic ta xtun tey ta Axibalna xtoque.

Éxodo 35:11

ti Axibalnae xchi'uc ti yaxibe, ti sluc-luc taq'uinaltaque, ti stenel te'altaque, ti sc'atlomte'altaque, ti yoyaltaque, ti stsacleb yoyaltaque,

Éxodo 35:35

yich'ojic ta j'ech'el sbijilic sc'abalinel ta sloc'tael ti c'usiuc no'ox abtelal ta xluchel ta ic'-ic' losantic sba tsajal poq'ue, ti ta yax'elan yaxal poq'ue, ti ta tsajal poq'ue, ti ta c'upil sba saquil poq'ue, xchi'uc ta sjalel ti c'usitic luchbil ta xich'e.

Éxodo 35:6

Ma'uc no'ox taje, ac'o yich' talel ti poc' ti ic'-ic' losantic sba stsajale, ti poc' ti yax'elan xyaxale, ti tsajal poq'ue, ti saquil poq'ue, ti stsotsil tentsune,

Éxodo 36:35

Ta smeltsan xtoc ti smac ta ic'-ic' losantic sba tsajal poq'ue, ta poc' ti yax'elan xyaxale, ta saquil poc' ti polajtic stsotbenale, ta tsajal poq'ue, ti laj sjal ta loc'tael ta luchel ti chib c'usi oy xiq'ue.

Éxodo 39:3

Ta sjayubtasic ta tenel xtoc ti pech-pech oroe. Jich'il ta silic ti ta scapic ta luchel xchi'uc ti ic'-ic' losantic sba tsajal poq'ue, ti yax'elan yaxal poq'ue, ti tsajal poq'ue, xchi'uc ti saquil poq'ue.

Éxodo 40:2

“Ti sba c'ac'al yu'un ti sliquebal ue, ac'o sta yav avu'un ta smeltsanel ti Axibalna ti bu nupel ta be yu'un ti Diose.

Números 3:25

Ti Axibalna ti bu nupel ta bee, ja' sbainojic ta sq'uelel ti c'usi oy yu'une, ti nuculetic ti ja' yaxibe, ti muc' ta poc' ti lich'il ta sti' ti Axibalnae.

Números 4:25

Ja' yabtelic ta xich'ic batel ti poq'uetic yu'un ti ch'ulnae, ti Axibalnae, ti jun yutsiquil nucul ti ja' yaxibe, ti poc' ti oy ta ochebal sti' ti Axibalna ti bu nupel ta bee.

San Juan 1:14

Ti Jesucristoe laj yich' sbec'tal, naqui ta jtojolcutic. Melel, mu albajuc ti syail xc'uxul yo'ntone. Yu'un laj quilbecutic slequilal yutsilal, ti ja' slequilal yutsilal stuc ti c'ajomal no'ox yo junomal Xnich'on ti Diose.

San Juan 2:21

Ti ch'ulna ti ta xalbe sc'oplal ti Jesuse, ja' sbec'tal stacopal stuc.

Hebreos 8:2

Ta xtun xa ta Paleal ta bats'i ch'ulna ti ja' pasbil yu'un ti Diose, ti ma'uc pasbil yu'un ti viniquetique.

Hebreos 9:2

Yu'un ti ch'ulna ti pasbil ta nucule xi s'elan laj yich' meltsanele: Ti ta sliquebale, ja' ti bu comem ti ch'ul cuartoe, ti bu comem ti yavil ti cantilae, xchi'uc ti mexa ti c'otem ta scajleb pan ta sventa ti Diose.

Hebreos 9:9

Scotol taje, oy c'usi ta xac' ta na'el avi c'ac'ale. Yu'un ti matanale, ti chon bolometic ti ta xich' ac'bel ta smoton ti Diose, mu xlecub sjol yo'ntonic yu'un ti buch'u jech ta xich'ic ta muc' ti Diose.

Apocalipsis 19:8

Albat xa sc'oplal ta slap ti lino poq'ue, ti xlaplun no'ox yutsil ti saquile. Yu'un ti lino taje, ja' sc'oplal ta xac' ta na'el ti oy slequil stuq'uil c'usitic laj spasic ti buch'utic yu'untac ti Diose.”

Apocalipsis 21:3

Laj ca'i oy buch'u tsots x'avet ta xlic talel ta vinajel ti xi ta xale: “Q'uelo avil li'e, ja' xa ti bu ti Dios ta xchi'in ti jnaclejetique. Ti stuque ta xchi'in ta naclej ti jnaclejetic ti ja' steclumale. Ti stuquique c'otic xa ta yalab xnich'nab ti Diose, xchi'uc ja' xa c'ot ta Dios yu'unic.