Éxodo 24:9 - Bible in Tzotzil de Chamula

⁹ Va'i un, ti Moisese muy batel ta vits xchi'uc ti Aarone, ti Nadabe, ti Abiue, xchi'uc ti lajuneb xchanvinic (70) ta vo' moletic yu'un ti Israele.

Bible in Tzotzil de Chenalhó with Deuterocanon

⁹ Li Moisese imuyic batel ta vits xchi'uc li Aarón, li Nadab, li Abiú, xchi'uc li lajuneb xchanvinic (70) banquilaletic yu'un israeletique.

Éxodo 24:9 Iomraidhean Croise

1 Reyes 22:19

Ti Micaiase xi lic yalilane: —Ti jech laj aval ti va'i s'elan taje, xi chiquintao ava'i sc'opojel ti Diose: Laj quil ti chotol ta chotlebal ti Diose. Va'alic ta sts'el scotolic ti ac'bil yabtelic ti oy ta vinajele, ti vololic ta xocon sts'et c'obe, ti ta xocon sbats'i c'obe.

Éxodo 19:24

Xi tac'bat yu'un ti Diose: —Batan, yalan batel. Ts'acal to un, jmoj xamuyic talel xchi'uc ti Aarone. Ja'uc ti paleetique xchi'uc ti israeletique, mu me xjelavic talel ta sq'uelelun ti bu albil sc'oplal ti tey oyune, naca mi yilbe sba svocolic cu'un.

Éxodo 24:1

Ti Diose xi laj yalbe ti Moisese: —Ti bu oyune, muyan talel xchi'uc ti Aarone, ti Nadabe, ti Abiue, xchi'uc ti lajuneb xchanvinic (70) ta vo' moletic yu'un ti Israele, ti nom nom xavac' abaic xtoque. Ti bu taje, tey xaquejan abaic.

Éxodo 28:1

“Ti ta scotol ti israeletique, ja' nabano ta atojol ti achi'il ta voq'uel Aarone xchi'uc ti xnich'nabe, ja' ti Nadabe, ti Abiue, ti Eleazare, xchi'uc ti Itamare yo' jech ta xc'otic ta cajpaletac.

Éxodo 33:20

Jamal ta xcalbot ava'i, ti mu xu' ta xaq'uelbun ti jsate. Yu'un mu'yuc buch'u cuxul ta xcom junuc vinic ti buch'u ta xilbun ti jsate.

Isaías 6:1

Ta sjabilal c'alal cham ti ajvalil Uzíase, laj quil ti Dios ti chotol ta jun toyol chotlebale, ti smacoj sjunul ch'ulna ti sti'iltac sc'u'e.

Ezequiel 44:3

Ja' no'ox xu' ta x'och batel ti banquilal ajvalile yo' ta xchoti ta stunel slajesel ti ve'lil ti c'otem sventa ti Diose. Tsots sc'oplal ochuc batel ta ochebal, loc'uc talel ta ti'na yu'un ti coriole.”

Levítico 10:1

Ti Nadabe xchi'uc ti Abiue, ti ja' xnich'nab ti Aarone, lic stamic jujun ti xchic'obil ac'ale. Laj stsanbeic sc'ac'al. Laj yac'beic pom ta sba ta sjovil no'ox sjolic ti c'u s'elan laj yaq'uic ti c'oc' ta stojol ti Diose, ti mu jutebuc ti jech albilique.

Números 11:16

Va'i un, xi tac'bat yu'un ti Diose: —Tsobo talel ti lajuneb xchanvinic (70) ta vo' moletic yu'unic ti israeletique, ti buch'utic xana' ti yich'oj tsots yabtelic ta stojol ti jteclume. Ic'o batel ta Axibalna ti bu nupel ta bee. Xamalavanic xchi'uc.

Jueces 13:22

Xi laj yalbe ti yajnile: —Ta jbel sc'oplal ta xijchamotic ma' li' une, yu'un laj quiltic ti Diose.