Éxodo 24:8 - Bible in Tzotzil de Chamula

⁸ Jech ti Moisese laj stsac ti ch'ich'e, ti xi laj yal ti laj svijbe ta sba ti c'u yepal tey oyique: —Ti ch'ich' li'e, ja' ta xac' ta na'el ti lic xa abtejuc ti trate ti laj spas ti Dios ta atojolique, ti ja' sliqueb ti mu xch'ay ta be scotol ti c'opetique.

Bible in Tzotzil de Chenalhó with Deuterocanon

⁸ Li Moisese la stsac li ch'ich' ti yac'oj ta muc'tic tazaetique. La svij ta ch'ich' scotol li xchi'iltaque, jech laj yal: —Li ch'ich' li'i ja' senyail ti chc'ot ta pasel c'usi la xchapan ta atojolic li Muc'ul Diose xchi'uc scotol li c'usitic yaloje —xut.

Éxodo 24:8 Iomraidhean Croise

1 Reyes 8:21

Ma'uc no'ox taje, laj xa jsa'be yavil bu ta xcom ti caxae, ti tiq'uil strate Dios ti laj spas ta stojol ti jmolmuc'totic ta vo'nee, ti c'alal laj sloq'ues talel ta Egiptoe.”

1 Reyes 8:9

Ti ta caxae mu'yuc yan ti c'usi tiq'uil ta yute, c'ajomal no'ox cha'pech ton ti laj stic' ochel ti Moisés ta vits Horebe, ja' ti cha'pech ton c'alal laj spas strate ti Dios xchi'uc ti Israel ti c'alal loq'uic talel ta Egiptoe.

Salmos 78:36

Le' une, naca jutbil c'usitic jun yutsiquil xbet'bun no'ox yeic ta yalel.

Éxodo 24:6

Jech ti Moisese laj xch'am j'olol ti ch'ich'e. Ti jlome, laj yac'anan ta yaviltac. Ti o'lole, laj svij ta altar.

Isaías 52:15

Ja' jech xtoc ep muc'tiquil lumetic ti ch'ayal ta xc'ot ti yo'ntonique. C'alal ta xlic yilic ti ajvaliletique, mi ja'uc xa xtal ta sjolic ti c'usi xu' ta xloc' ta yeique. Yu'un ja' to ta xlic yilic, ta xlic ya'ibeic jutebuc smelol ti c'usi mu'yuc ya'yiojique.

Jeremías 31:32

Ti jtrate taje, mu xa jechuc ta xc'ot ta pasel ta stojolic jech c'u cha'al laj jpas ta stojol ti stot sme'ic ta vo'ne c'alal laj jnitbeic talel ta sc'obic ti laj jloq'ues talel ta jteclum Egiptoe. Ac'o mi jbisojic ta cu'un un, stselbunic no'ox ti jtratee. Mu lo'iluc xcal ma' ti vu'un Diosune.

Ezequiel 16:8

“ ‘Ts'acal to un, li'ech' ta ats'el, yorail xu' xa xamalij laj quil un. Laj jmacot ta jc'u'. Pixil lac'ot cu'un ti jech t'analote. Laj cac' que, laj jpas jtrate ta atojol, lac'ot ta cu'un. Ti vu'un Ajvalilune, mu lo'iluc no'ox ta xcal.

Ezequiel 36:25

Ta yax jipan vo' ta jpocoxuc. Ta jmes ta jtus loq'uel ti c'usitic mu xtun oy ta atojolique, xchi'uc ti sbolil laj ach'ambeic ti laj anijan abaic ta yich'el ta muc' ti c'usitic meltsanbile.

Levítico 8:30

Laj taj une, jech ti Moisese laj stsac juteb ti jtunel aceitee xchi'uc ti ch'ich' ti oy ta sba ti altare. Laj svijbe xtoc ta sba ti Aarone xchi'uc ti xnich'nabe, c'alal ta sc'u' spoq'uic ta sventa ti paleale. Ja' jech ochic ta tunel yu'un Dios ti Aarone, xchi'uc ti xnich'nabe, xchi'uc scotol ti c'u'iletic sventa paleale.

Hageo 2:5

Mu jel ti c'u s'elan laj cal c'alal laloq'uic talel ta Egiptoe. Staoj yav chi'inbiloxuc cu'un. Mu xaxi'ic.

Zacarías 9:11

Xi s'elan ta xal ti Diose: “Jteclum Jerusalén, ti jech laj cac'bot ti jtrate ti oy yip ta sventa xch'ich'el ti milbil mantanale, ja' yu'un un, ta jnitboxuc loq'uel ti jchuqueletic ti tic'ajtic ta joc' ti ch'abal ya'lele.,

San Mateo 26:28

yu'un ti ya'lel uva li'e, ja' c'ot xa ta pasel ti ach' trate ta sventa ti ta xmal ti jch'ich'ele, ti ja' ta sventa ti yepal ta staic ti ch'aybil ta xc'ot ti smulic ta jventae.

Marcos 14:24

Xi laj yal ti Jesuse: —Ti vino laj avuch'ique, ja' c'ot ta pasel ti ach' trate ta sventa ta xmal ti jch'ich'el sventa slequilal ti epal jnaclejetic ta banomile.

San Lucas 22:20

C'alal laj yo'ntonic ta ve'ele, laj stsac xtoc ti sbisol ya'lel uvae, ti xi laj yale: —Ti vino li'e, ja' sventa ti ja' xa c'ot ta pasel ti ach' tratee, ti ta xmal ti jch'ich'el ta sventa ti alequilalique.

1 Corintios 11:25

C'alal laj yo'ntonic ta ve'el xtoque, ti Cajvaltic Jesuse laj stsac ti sbisol ya'lel uvae, ti xi laj yale: “Ti ya'lel uva li'e, ja' xa senyail ti c'ot ta pasel ti ach' trate ta sventa ta xmal ti jch'ich'ele. C'alal jujun velta ta xavuch'ique, pasic me yo' ta xavulesicun ta avo'ntonic.”

Efesios 1:7

Ti jech mu albajuc syail xc'uxul yo'nton ti Diose, laj spoj laj scoltaotic ta sventa ti laj smal xch'ich'el ti Xnich'one, yo' jech ta jtatic ti ch'aybil ti jmultic ta xc'ote.

Deuteronomio 5:2

“Yu'un ti Ajvalil Dios cu'untique laj spas trate ta jtojoltic ta stselej vits yu'un ti Horebe.

Hebreos 10:29

Ja' yu'un un, x'ech' ta sta tsots tsitsel ti buch'utic yalel xa ta sju'beic ta teq'uel ti Xnich'on Diose, ti yalel xa ta sbajbeic ti xch'ich'ele, ti c'alal chopol ta xc'opoj ta stojol ti jc'uxubinvanej Ch'ul Espíritu yu'un ti Diose. Ti xch'ich'el taje, ja' ta sventa lic abtejuc ti trate yo' jech veintainbil c'otic yu'un ti Diose.

Hebreos 13:20

Ti Diose laj xcha'cuxes ti Cajvaltic Jesucristo ti Buch'u c'otem ta Banquilal Jq'uel-chije, yu'un ja' ta sventa xch'ich'el chapaj sc'oplal ti ach' trate sventa sbatel osile.

Josué 24:25

Ta yorail no'ox ti jech c'ac'al taje, ti Josuee laj spas jun trate xchi'uc ti jteclum tey ta Siqueme; laj yac'be lec sna' ti oy c'usi jbel tsots albile, xchi'uc ti c'usi nopbile,

1 Pedro 1:2

Ti vo'oxuque t'ujbiloxuc yu'un ti Jtotic Dios jech c'u cha'al snopoj ono'ox ta vo'nee. Yu'un ta sventa ti Ch'ul Espíritue, ventainbil lac'otic yu'un yo' jech ta xapasic c'usi ta sc'an ti Diose, xchi'uc ti pocbil tusbiloxuc lac'otic ta sventa xch'ich'el ti Jesucristoe. Yepaluc ac'o sva'an sba ta atojolic, ac'o yac'boxuc slamajemal avo'ntonic.