Éxodo 24:6 - Bible in Tzotzil de Chamula

⁶ Jech ti Moisese laj xch'am j'olol ti ch'ich'e. Ti jlome, laj yac'anan ta yaviltac. Ti o'lole, laj svij ta altar.

Bible in Tzotzil de Chenalhó with Deuterocanon

⁶ Li Moisese la xch'ambe ta muc'tic tazaetic j'o'lol li xch'ich'ale. Li yan j'o'lole te la svij ta sba scajleb smoton Dios.

Éxodo 24:6 Iomraidhean Croise

2 Reyes 17:15

Laj sbajbeic ti oy c'usitic jbel tsots albil yu'une, xchi'uc ti strate ti laj spas ta stojol ti smolmuc'totique, xchi'uc ti mantaletic ti ac'batic comele. Ma'uc no'ox taje, bat yo'ntonic ta yich'el ta muc' ti jeche' loc'obbail diosetique. Laj spec'tsanbe sba sc'oplal xchi'uquic ti laj xchanic ta spasel ec jech c'u cha'al laj spasic ti lumetic ti joyol ta spat ta xoconic ti c'alal albilic ono'ox yu'un Dios ti mu xu' jech ta spasique.

Salmos 99:6

C'otic ta yajpaletac ti Moisese xchi'uc ti Aarone. Ti c'u yepal ta xlequil-c'opojic ta stojole, oy ta venta ec ti Samuele. C'alal ta sc'anic ti coltaele, ta xtac'batic talel yu'un ti Diose.

Éxodo 12:22

Ti xch'ich'ele, tsots sc'oplal ta xach'amic ta jun xch'amobil. C'asic talel xtoc jyomuc yanal hisopo te', ti ts'ajic ta ch'ich'e. Bonic ta ch'ich' sjunul smarcoil ti ti'nae. Mu me buch'u junucal xloc' batel ta sna c'alal mu to ta sacub ti osile.

Éxodo 12:7

Ac'o xch'ambeic xch'ich'el ti chon bolome, xchi'uc ac'o sbonic ta smarcoil ti'na ti bu ta xich' ti'el ti chon bolome.

Éxodo 24:8

Jech ti Moisese laj stsac ti ch'ich'e, ti xi laj yal ti laj svijbe ta sba ti c'u yepal tey oyique: —Ti ch'ich' li'e, ja' ta xac' ta na'el ti lic xa abtejuc ti trate ti laj spas ti Dios ta atojolique, ti ja' sliqueb ti mu xch'ay ta be scotol ti c'opetique.

Éxodo 29:16

Ts'acal to un, milo. Jech ti xch'ich'ele, vijbo ta joyob stsectac ti altare.

Éxodo 29:20

Milo ti chije. Ch'ambo jutebuc xch'ich'el, jaxo ta yolon svelvelul sbats'i chiquin ti Aarone xchi'uc ti xnich'nabe, xchi'uc ta sme' sbats'i c'ob, ta sme' sbats'i acan. Ts'acal to un, vijbo xch'ich'el ti chij ta joyob stsectac ti altare.

Jeremías 31:32

Ti jtrate taje, mu xa jechuc ta xc'ot ta pasel ta stojolic jech c'u cha'al laj jpas ta stojol ti stot sme'ic ta vo'ne c'alal laj jnitbeic talel ta sc'obic ti laj jloq'ues talel ta jteclum Egiptoe. Ac'o mi jbisojic ta cu'un un, stselbunic no'ox ti jtratee. Mu lo'iluc xcal ma' ti vu'un Diosune.

Levítico 1:11

Tsots sc'oplal ta xich' c'ocbel snuc' ta stojol Dios tey ta stuq'uil ti yolon xocon sloq'ueb c'ac'al yu'un ti altare. Jech ti xnich'nabtac ti Aarón ti ja' paleetique, ta svijbeic xch'ich'el ti chon bolom ta sba xchi'uc ta sjoylej ti altare.

Levítico 1:5

C'oc xi snuc' ti tot vacax ta stojol ti Diose. Mi laj une, ti xnich'nabtac ti Aarón ti ja' paleetique, ta xet'esic ta matanal ti ch'ich'e. Mi laj xtoc une, ta svijic ta sjoylej sba altar ti oy ta ochebal sti' Axibalna ti bu nupel ta bee.

Levítico 3:2

Ti buch'u ta xac' ti matanale, ta scajan sc'ob ta sjol ti chon bolom ti ta xich' aq'uele. Va'i un, ta xich' c'ocbel snuc' ta sti' ochebal Axibalna ti bu nupel ta bee. Jech ti paleetique, ja' yabtelic ta sbonbe ta ch'ich' ta sba xchi'uc ta sjoylej stsectac ti altare.

Levítico 3:8

ac'o scajan sc'ob ta sjol. Va'i un, ta xich' c'ocbel snuc' ta ochebal sti' ti Axibalna ti bu nupel ta bee. Ja' jech xtoc un, ti paleetique ta sbonbeic xch'ich'el ti chon bolom ta sba xchi'uc ta sjoylej stsectac ti altare.

Levítico 4:6

Ti bu taje, ta sts'aj sni' sc'ob ti ta ch'ich'e, ti vucub velta ta slilin batel ta stojol Dios ta stuq'uil ti bu lich'il ti poc' yu'un ti Axibalnae.

1 Corintios 11:25

C'alal laj yo'ntonic ta ve'el xtoque, ti Cajvaltic Jesuse laj stsac ti sbisol ya'lel uvae, ti xi laj yale: “Ti ya'lel uva li'e, ja' xa senyail ti c'ot ta pasel ti ach' trate ta sventa ta xmal ti jch'ich'ele. C'alal jujun velta ta xavuch'ique, pasic me yo' ta xavulesicun ta avo'ntonic.”

Colosenses 1:20

yu'un ta sventa Cristo, ti Diose lecub yo'nton xchi'uc scotol ti c'usitic oy li' ta banomile, ti oy ta vinajele, ta sventa ti laj smal xch'ich'el ta curus ti Cristoe.

Hebreos 12:24

Lanopajic xtoc ta stojol ti Jesuse, ti ja' j'et'esej-c'op yu'un ti ach' tratee. Lanopajic ta stojol xch'ich'el Jesús ti laj smale, ti ja' x'ech' to yutsil ta xac' ta na'ele, ti ja' mu sta sc'oplal xch'ich'el ti Abele.

Hebreos 8:9

Ti trate ta jpas ta stojolique mu xa jechuc jech c'u cha'al laj jpas ta stojol ti smolmuc'totique, ti c'alal laj jnitbe loq'uel talel sc'obic ta Egipto banomile. Yu'un laj jip laj jtenic comel ta scoj ti mu'yuc xc'ot ta pasel yu'un ti jba'yel tratee.

Hebreos 9:18

Jech o xal un, yo' lic abtejuc talel ti ba'yel tratee, tsots sc'oplal yich'uc malel ti ch'ich'e.

Hebreos 9:19

Yu'un ti Moisese laj yavta scotol ti oy c'usi tsots sc'oplal albil ta stojol scotol ti jteclume. Laj taj une, laj stsac tsajal tsots xchi'uc jun sc'ob hisopo te'. Laj sts'aj ta xch'ich'el ti ch'iom tot vacaxetique xchi'uc xch'ich'el ti tentsunetic ti capal ta vo'e. Lic svaj ta sba ti jpoc svunal yu'un ti oy c'usi tsots sc'oplal albile, xchi'uc ta sba scotol xtoc ti jteclume.

Hebreos 9:21

Ti Moisese laj svajbe ch'ich' xtoc ti ch'ulnae xchi'uc scotol ti c'usitic ta xtun ta yute.

1 Pedro 1:19

Yu'un ja' ta sventa ta yutsil xch'ul ch'ich'el ti Cristo ti laj yich' aq'uel ta matanal jech c'u cha'al jcot uni chij ti mu'yuc yic'obale, ti mu'yuc jutebuc xchopolale.

1 Pedro 1:2

Ti vo'oxuque t'ujbiloxuc yu'un ti Jtotic Dios jech c'u cha'al snopoj ono'ox ta vo'nee. Yu'un ta sventa ti Ch'ul Espíritue, ventainbil lac'otic yu'un yo' jech ta xapasic c'usi ta sc'an ti Diose, xchi'uc ti pocbil tusbiloxuc lac'otic ta sventa xch'ich'el ti Jesucristoe. Yepaluc ac'o sva'an sba ta atojolic, ac'o yac'boxuc slamajemal avo'ntonic.