Éxodo 24:2 - Bible in Tzotzil de Chamula

² Yu'un ja' no'ox vo'ot xu' xanopaj talel ta jtojol. Ja'uc ti yane tsots sc'oplal ti mu me xnopajic talele. Mi ja'uc xtoc ti oy yan achi'iltac xachi'in muyel talele.

Bible in Tzotzil de Chenalhó with Deuterocanon

² Ja' no'ox vo'ot xu' chanopaj tal ta jtojol; li yantique mu xu' chnopajic tal, xchi'uc mu me xachi'in muyel tal li yantic achi'iltaque —x'utat.

Éxodo 24:2 Iomraidhean Croise

Éxodo 19:12

Va'i un, ac'bo senyail ta sjoylej ti vitse yo' jech mu xjelavic batel. Albo ya'iic ti tsots me sc'oplal ti xi'bil ac'o c'otuc yu'unic ti vitse, ti mu xmuyic batele, ti mu xjelavic batel ti bu c'alal ac'bil ta joyob ti senyaile. Yu'un scotol ti buch'u ta xnopaj batele, chapal sc'oplal ta xlaj ta milel.

Éxodo 20:21

C'alal nom va'alic ti israeletique, jech ti Moisese nopaj batel ti bu oy ti pimil toc ti ja' tey oy ti Diose.

Éxodo 24:1

Ti Diose xi laj yalbe ti Moisese: —Ti bu oyune, muyan talel xchi'uc ti Aarone, ti Nadabe, ti Abiue, xchi'uc ti lajuneb xchanvinic (70) ta vo' moletic yu'un ti Israele, ti nom nom xavac' abaic xtoque. Ti bu taje, tey xaquejan abaic.

Éxodo 24:13

Jech ti Moisese, xchi'uc ti Josué ti ja' yajcoltaobbae, muyic batel ta vits yu'un ti Diose.

Éxodo 24:15

C'alal jech laj yal ti Moisese, muy batel ta vits ti ja' volibil ta toque.

Éxodo 24:18

Ti Moisese och batel ti bu ti toque, yu'un muy batel ta vits. Joc'tsaj cha'vinic (40) c'ac'al xchi'uc cha'vinic (40) ac'ubal.

Éxodo 24:3

Jech ti Moisese loc' batel, bat yalbe ya'i ti israeletic scotol ti c'u s'elan pasatic ta mantal yu'un ti Diose. Scotolic, jun sc'opic xi laj yalique: —Ta jpascutic scotol ti c'u s'elan laj yal mantal ti Diose.

Jeremías 30:21

Ta stojol no'ox stuquic xtoc xi s'elan ta xloc' ti jventainvanej yu'unique: Ta stojol no'ox stuquic ta xloc' ti ajvalil yu'unique. Ta xcac' que jti' ti xu' ta xnopaj ta jtojole. ¿Mi yu'un la buch'uuc no'ox xu' ta xnopaj ta jtojol?

Jeremías 49:19

Nax to ti jap xichi talel jech c'u cha'al junuc león ti ta xloc' talel ta pimilal pujtic yu'un ti uc'um Jordane, ti xbitet batel ta anil ta uninal ve'ebal yaxaltique, ti xbitic no'ox loq'uel ta jatobal cu'un ti jnaclejetic yu'un ti Edome. Ta xcac' ochuc ta pas mantal ti buch'u ta jt'uje. Ja' yu'un un cha'e, ¿Buch'u xco'olaj xu' yu'un jech c'u cha'al ti vu'une? ¿Mi oy buch'u xu' yu'un ta stsalelun? ¿Mi oy jun jq'uel-chij xu' yu'un xch'amelun ta be?

Números 16:5

Va'i un, xi laj yalbe ya'i ti Coree xchi'uc ti c'u yepal vololic batel ti xchi'iltaque: —Sob oc'om, ta xac' ta na'el ti Dios buch'u ti yu'untaque, ti buch'u ti t'ujbil yu'une, ti xu' ta xac'beic ti matanale. Ja' no'ox xu' ta xaq'uic matanal ti buch'u t'ujbilic ta xc'ot yu'une.

Hebreos 9:24

Yu'un ti Cristoe ma'uc och batel ta ch'ulna ti meltsanbil yu'un ti viniquetique, ti c'alal naca sloc'obbail no'ox ti bats'i ch'ulna ti oy ta vinajele. Yu'un och batel ta vinajel stuc, ti ja' xa ta sva'an sba ta c'opojel ta stojol Dios ta jventatique.