Éxodo 24:13 - Bible in Tzotzil de Chamula

¹³ Jech ti Moisese, xchi'uc ti Josué ti ja' yajcoltaobbae, muyic batel ta vits yu'un ti Diose.

Bible in Tzotzil de Chenalhó with Deuterocanon

¹³ Li Moisese imuy batel te ta vits yu'un li Diose. La xchi'in muyel li Josuee, ja' li scoltaubbail ta abtele.

Éxodo 24:13 Iomraidhean Croise

Éxodo 18:5

C'alal oy xa ox ta sbajtical banomil ti Moisés ta nopol vits yu'un ti Diose, bat ec ti Jetroe, xchi'ucbe batel ti yajnile, xchi'uc xnich'nab ti Moisese.

Éxodo 19:3

Ti bu taj une, muy batel ti Moisese yo' ta snup sbaic ta be xchi'uc ti Diose. Va'i un, ti Diose ta jol vits to ti xi laj yalbe talele: —Ti c'u s'elan jaybel c'opetic li'e, ja' no'ox jech xi xcholet xavet'es jelavel ta stojol ti israeletic ti ja' snitilultac ti Jacobe:

Éxodo 3:1

Ti Moisese och ta sq'uelbel xchij ti Jetro ti smuni'e, ja' pale yu'un ti Madiane. Oy jun c'ac'al, bat xchi'uc xchij ta sbajtical banomil. C'ot c'alal to ti bu oy ch'ul vits yu'un ti Dios ti Horeb sbie.

Éxodo 32:17

C'alal laj ya'i ti Josué ti x'avlajetic xa ti jteclume, xi laj yalbe ti Moisese: —Co'ol s'elan j'ac'-leto x'avlajetic ta xca'i ti bu vololic ta nacleje.

Éxodo 33:11

Ti Diose sq'uelojbe sba satic xchi'uc ti Moisés ti c'alal ta xc'opojique, co'ol s'elan ta xchi'in ta lo'il ti lec xil sbaic xchi'uque. Ts'acal to un, ti Moisese ta sut batel ti bu lamalic ta nacleje. Yan ti yajcoltaobbae, ja' ti querem vinic Josuee, xnich'on ti Nune, tiq'uil ta xcom ta yut ti Axibalnae.

Éxodo 4:27

C'alal jech xc'ot ta pasele, jech ti Diose ja' o xi laj yalbe ti Aarone: “Batan ta sbajtical banomil. Ba nupo talel ta be ti Moisese.” Jech ti Aarone bat snup talel ta be ti Moisés ta ch'ul vits yu'un ti Diose. Laj stsacbe sba sc'obic, smajbe xa sba spatic.

Números 11:28

Jech o xal ti Josuee, xnich'on ti Nune, ti ta squeremal ono'ox och talel ta yajcoltaobba ti Moisese, xi laj yale: —¡Jch'ul ajval Moisés, pajeso ti jech ta spasic taje!

Josué 1:1

C'alal cham ti Moisés ti ja' yajtunel to ox ti Diose, jech ti Diose xi laj yalbe ti Josué ti ja' xnich'on ti Nune, ti yajcoltaobba ti Moisese: