Éxodo 24:11 - Bible in Tzotzil de Chamula

¹¹ Ti Diose mu'yuc c'usi chopol laj spasbe ti banquilaletic yu'un ti israeletic ti c'alal laj yilic ti Diose. Ve'ic yuch'ic vo' xtoc.

Bible in Tzotzil de Chenalhó with Deuterocanon

¹¹ Li banquilaletic yu'un israeletique laj yilic li Diose. Pero mu'yuc c'usi ipasbatic ti c'alal laj yilique. Jun no'ox yo'nton te ive'ic, te laj yuch'ic vo'.

Éxodo 24:11 Iomraidhean Croise

Génesis 16:13

Va'i un, xi laj snop ti Agare: “Ti Diose laj yilun laj sq'uelun, li' to cuxulun xtoque.” Ti Buch'u ilo'ilaj xchi'uque, laj yac'be sbiin “Ja' xa ti Dios yiloj sq'ueloj scotole”, xi.

Génesis 18:18

Yu'un ti stuque ta xc'ot ta totil yu'un ti jun muc' ta lume, xchi'uc xi'bil. Yu'un laj calbe ya'i ja' ta sventa stuc ta sc'upinic c'uxubinel cu'un scotol ti muc'tic lumetic oy ta sbejel banomile.

Génesis 31:54

Ts'acal to un, ti Jacobe laj smil matanal ta vits. Laj yic' ta ve'el ti yuts' yalaltaque. Scotolic ve'ic, ech' yu'unic ti ac'ubal ta vitse.

1 Reyes 21:8

Ta ora no'ox lic sts'iba vun ta sventa sbi ti Acabe. Laj yac'be seyo ta sventa seyo ti ajvalile, ti laj stac batel ta stojol ti moletique, xchi'uc ta stojol ti banquilaletic ti nacalic ta jteclum ti bu nacal ti Nabot ta ts'acal to une.

2 Crónicas 23:20

Ta jech yepal un, laj yic' talel ti banquilal jpas-mantal yu'un ti soldadoetique, ti buch'utic ich'bil ye sti'ique, ti its'inal ajvaliletic yu'un ti jteclume, xchi'uc scotol ti jteclume. Xchi'inojic loq'uel ta xch'ulna Dios ti ajvalil c'alal to ta na ti c'otem ta spasob mantale, ochic ech'el ta ti'na ti bu cajal sc'oplale. Ts'acal to un, laj xchotanic ta spasob mantal ti ajvalile.

Nehemías 2:16

Ti its'inal ajvaliletique mu'yuc xa'iic ti bu libate, ti c'usi ta jpasolane. Mi ja'uc jchapojbe ya'iic ti judaetic taj une, ti paleetique, ti buch'u ich'bil ye sti'ique, ti jpas-mantaletique, xchi'uc ti buch'utic ta scolta sbaic ta spasel ti abtel xcaltique.

Salmos 139:5

Laj avac' talel ti ac'ob ta jtojole; macbil lec lic'ot yu'un ta jujujot.

Éxodo 18:12

Ti Jetroe laj stsac talel jcot chon bolom, ti ac'o yich' chiq'uel jmoj xchi'uc ti yan matanaletic ta sventa yich'el ta muc' ti Diose. Ts'acal to un, ti Aarone xchi'uc scotol ti moletic yu'un ti israeletique, jmoj batic ta ve'el xchi'uc smu'ni' ti Moisés ta sba ta sat ti Diose.

Éxodo 19:21

Va'i un, xi albat yu'un ti Diose: —Yalan batel, bijubtaso ti israeletic ti mu me xjelavic talel ti bu c'alal albil sc'oplale. Mi ja'uc stac' ta sq'uelicun, naca mi chamicuc ep.

Éxodo 24:1

Ti Diose xi laj yalbe ti Moisese: —Ti bu oyune, muyan talel xchi'uc ti Aarone, ti Nadabe, ti Abiue, xchi'uc ti lajuneb xchanvinic (70) ta vo' moletic yu'un ti Israele, ti nom nom xavac' abaic xtoque. Ti bu taje, tey xaquejan abaic.

Eclesiastés 9:7

Le' un cha'e, mu xamacbe aba ti ave'el avuch'ome. Jcojucot xa ta banomil xava'i ta yuch'el ti ya'lel a'uvae, yu'un lec laj yil ti Dios ti c'usi laj apase.

Jeremías 14:3

Ti jc'ulejetique stac' xa batel smosovic ta slupel vo'; ta xbatic ta joq'uetic un, pochol sq'uib ta sutic ech'el, ch'abal ti vo'e. Mu x'ech' mu xnel ta xa'i ti svocolique, ti q'uexlal xa smucoj talel ti sjolique.

Daniel 10:17

¿Mi yu'un la xu' to ono'ox ta xchi'inot ta lo'il ti avajtunel li'e, ti c'alal ch'abal xa ti yipal yu'une, ti mu ja'uc stac' xich' lec ti iq'ue?”

Números 12:8

Yu'un ti stuque, quilojbe jba jsatcutic ti c'alal ta jc'opone. Jamal que jti'cutic. Ta xil ti jba jsate, ¿c'u cha'al ya'yel un cha'e ti chopol ta xac'opojic ta stojole?”

Números 21:18

Ti banquilaletique ja' laj sjoq'uic xchi'uc ti spasob mantal te' ti oy ta sc'obique; ti ajvaliletic yu'un ti jteclume laj sjots'ic o xchi'uc ti svaxtonique.” Loq'uic ech'el ta sbajtical banomil ti israeletique, c'otic c'alal ta Mataná.

Deuteronomio 12:7

Ti bu taje, ta xave' xavuch'ic vo' ta sts'el ta sba ta sat ti Diose, jmoj xchi'uc ti c'u avepalic ta nacleje. Jmoj xamuyubajic ta sventa ti oy c'usi lec ch'i ta sventa avabtelic ti jech laj sva'an sba ta atojolic ti Ajvalil Dios avu'unique.

Deuteronomio 4:33

¿Mi oy bu c'ot ta pasel ta stojol junuc jteclum ya'yel ti laj ya'ibeic sc'opojel Dios jech c'u cha'al laj ava'ibeic sc'opojel ta o'lol leb c'oc' vo'oxuc ti mu'yuc xchamique?

Jueces 13:22

Xi laj yalbe ti yajnile: —Ta jbel sc'oplal ta xijchamotic ma' li' une, yu'un laj quiltic ti Diose.

Jueces 5:13

“Va'i un, yalic talel ti israeletique, tal stsaquic ta leto ti tsatsaquil viniquetique. Jchi'inoj yalel talel ti yajsoldadotac ti Diose yo' ta spasic leto xchi'uc ti j'ac'-leto viniquetique.