Éxodo 24:10 - Bible in Tzotzil de Chamula

¹⁰ Ti bu taje, xi s'elan laj yilic ti Dios yu'un ti Israele: Ti ta yoc ti bu oye, ta xac' xojobal jech c'u cha'al ti yax'elan baxtone, ti ja' xa ti yaxts'ijan vinajel stuc yilele.

Bible in Tzotzil de Chenalhó with Deuterocanon

¹⁰ Te laj yilic li Dios yu'un Israele: ti bu teq'uel yacane, sts'ayayet jech chac c'u cha'al piso pasbil ta zafiro ton; lec yaxts'ajan ta q'uelel jech chac c'u cha'al vinajel.

Éxodo 24:10 Iomraidhean Croise

Génesis 32:30

Ja' yu'un un, ti Jacobe, Penuel laj yac'be sbi ti bu taje. Yu'un xi laj yale: “Laj quilbe jba jsatcutic xchi'uc ti Diose. Ac'o mi jech un, li' to cuxulun ya'yele.”

Génesis 32:31

C'alal ta xa xjelav batel ta Penuel ti Jacobe, loc' xa talel ti c'ac'ale. Xcojcun xa batel ta scoj ti majbil sc'unil yo'e.

1 Reyes 22:19

Ti Micaiase xi lic yalilane: —Ti jech laj aval ti va'i s'elan taje, xi chiquintao ava'i sc'opojel ti Diose: Laj quil ti chotol ta chotlebal ti Diose. Va'alic ta sts'el scotolic ti ac'bil yabtelic ti oy ta vinajele, ti vololic ta xocon sts'et c'obe, ti ta xocon sbats'i c'obe.

2 Crónicas 6:17

Ja' yu'un un cha'e, Ajvalil, Diosot yu'un ti Israele, c'otuc ta pasel avu'un ti c'usitic laj avalbe ti avajtunel David ti ja' jtote.

Éxodo 24:11

Ti Diose mu'yuc c'usi chopol laj spasbe ti banquilaletic yu'un ti israeletic ti c'alal laj yilic ti Diose. Ve'ic yuch'ic vo' xtoc.

Éxodo 3:6

Xi to laj yal xtoque: —Diosun yu'un ti amolmuc'totaque. Diosun yu'un ti Abrahame, ti Isaaque, ti Jacobe. Ti Moisese laj smac sat, yu'un xi' ti ta sq'uelbe sba satic xchi'uc ti Diose.

Éxodo 33:20

Jamal ta xcalbot ava'i, ti mu xu' ta xaq'uelbun ti jsate. Yu'un mu'yuc buch'u cuxul ta xcom junuc vinic ti buch'u ta xilbun ti jsate.

Éxodo 33:23

Ts'acal to un, ta jloq'ues ti jc'obe. C'ajomal xa no'ox xu' ta xata ta q'uelel ti jpate. Yan ti jsat quelove, mu xu' ti oy buch'u ta sq'uele.

Cantares 5:14

Ti sc'obtaque, co'ol s'elan xot-xot oro, ti nichimtasbil ta bax-ton ti c'on-c'ontic sba xlablun ta q'uelele. Ti sbec'tal stacopale, co'ol jun saquil bax ton ti ch'ulbil leque, ti nichimtasbil ta yax'elan bax-tone.

Cantares 6:10

¿Buch'u ya'yel le'e, ti ta xac' sba iluc jech c'u cha'al xcajet vulel ti c'ac'al ta sob ic'lumane? Jun yutsil ta j'ech'el jech c'u cha'al ti ue, ti lajemotic xa yu'un ya'yel jech c'u cha'al ta xtal yaq'uic ti epal soldadoetique.

Lamentaciones 4:7

X'ech' to ox sts'aytsun saquil yutsilic jech c'u cha'al bot ti viniquetic ti buch'u laj yich'ic t'ujele. Xjelav to ox saquil jech c'u cha'al ti chu' vacaxe. Xjelav to ox stsajal xch'ich'elic jech c'u cha'al ti coral tone. Yaxts'ijan no'ox ti sbec' satic jech c'u cha'al ti zafiro tone.

Ezequiel 1:1

Ta yo'obal (5) c'ac'al yu'un ti xchanibal (4) u ta slajunebal xcha'vinic (30) jabile, chotolun ta ti' uc'um Quebar jmoj xchi'uc ti buch'utic bec'bil loq'uique. Ta jech yepal un, jam ti jba jsat ti laj quil jamal ti vinajele, c'ot ta jsat ti Dios une.

Ezequiel 10:1

Ts'acal to un, ti ta toyol ti bu pujul xmuy batele, ta yac'ol sjolic ti c'usitic oy xiq'uique, laj quil ti co'ol s'elan jun chotlebal ti meltsanbil ta jun yax tsijan bax-tone.

Daniel 10:17

¿Mi yu'un la xu' to ono'ox ta xchi'inot ta lo'il ti avajtunel li'e, ti c'alal ch'abal xa ti yipal yu'une, ti mu ja'uc stac' xich' lec ti iq'ue?”

Números 12:8

Yu'un ti stuque, quilojbe jba jsatcutic ti c'alal ta jc'opone. Jamal que jti'cutic. Ta xil ti jba jsate, ¿c'u cha'al ya'yel un cha'e ti chopol ta xac'opojic ta stojole?”

San Mateo 17:2

Ti bu taje, ta sba ta satic yanij ti c'u s'elan to ox ti Jesuse. Xojobin no'ox liquel ti sat jech c'u cha'al xojobal c'ac'al. Sac lapan ta j'ech'el ti sc'u'e jech c'u cha'al junuc luz.

San Juan 1:18

Mu'yuc buch'u junucal yiloj ta sba ta sat ma' ti Diose, c'ajomal no'ox yo jun ti Xnich'on ti ja' ono'ox Diose, ti co'ol yo'ntonic xchi'uc ti Totile, ja' tal yac'botic ta ojtiquinel.

San Juan 14:9

Xi laj stac' ti Jesuse: —Felipe, jal xa li' oyun ta atojolique, ¿mi mu to xavojtiquinicun? Ti buch'u laj xa yilicune, laj xa yilic ti Jtote. ¿C'u cha'al un, ta xac'an ta xcac'bot avojtiquin ti Jtote?

San Juan 6:46

“Mu yu'unuc oy buch'u yiloj ti Jtote. Ja' no'ox yiloj ti Buch'u liquem talel ta stojol ti Diose.

1 Timoteo 6:16

Yu'un stalel o ti jech stalel o cuxule, ti xojobin no'ox ti bu oye, ti mu'yuc buch'u xu' ta xnopaj ech'el ti bu oye. Mi ja'uc jun vinic yiloj ti Diose, mi ja'uc xu' sq'uel xtoc. Yu'un sbatel osil c'otem ta sventa ti ich'biluc ta muc' xchi'uc ti smuc'ul stsatsale. Jechuc.

1 Juan 4:12

Mi junuc oy buch'u yiloj ma' ti Diose. Mi c'ux ta xca'i jbatic ta jujun tale, oy ti Dios ta jtojoltique, ta xvinaj ta jtojoltic ma' ti syail xc'uxul yo'ntone.

Apocalipsis 1:16

Ti ta sbats'i c'obe stsacoj vucbej c'anal. Ja' jech xtoc co'ol s'elan jich'il espada yich'oj cha'jot ye ta xloc' talel ta ye. Sjunul ti sate co'ol s'elan xojobal c'ac'al ti c'alal tsots xnobet ti xojobale.

Apocalipsis 21:11

Ti jteclume xojobin no'ox ta yutsilal ti Diose, xnobet xojobal co'ol s'elan jech c'u cha'al xojobal c'upil sba ton, yu'un sts'ayet no'ox xojobal jech c'u cha'al ti saquil baxtone, ti sts'ayayet no'ox xojobal jech c'u cha'al ti nene.

Apocalipsis 4:3

Ti Buch'u chotol ta muc' ta chotlebale, oy xojobal co'ol s'elan ti diamante ton ta xac' xojobale, mi mo'oje, co'ol s'elan ti rubí baxton ti sts'ayts'un no'ox xojobal ta xaq'ue. Ta joyob bu oy ti muc' ta chotlebale, oy jun vacnac'obal xlaplun ti xojobal co'ol s'elan jech c'u cha'al ti esmeralda tone.