Éxodo 24:1 - Bible in Tzotzil de Chamula

¹ Ti Diose xi laj yalbe ti Moisese: —Ti bu oyune, muyan talel xchi'uc ti Aarone, ti Nadabe, ti Abiue, xchi'uc ti lajuneb xchanvinic (70) ta vo' moletic yu'un ti Israele, ti nom nom xavac' abaic xtoque. Ti bu taje, tey xaquejan abaic.

Bible in Tzotzil de Chenalhó with Deuterocanon

¹ Li Muc'ul Diose jech laj yalbe li Moisese: —Muyanic tal li' ta jtojol achi'uc li Aarone, li Nadabe, li Abiue, xchi'uc li lajuneb xchanvinic (70) banquilaletic yu'un achi'iltaque, pero nom no'ox xava'an abaic; te xaquejan abaic ta jtojol.

Éxodo 24:1 Iomraidhean Croise

1 Crónicas 6:3

Xnich'nab ti Amrame, ja' ti Aarone, ti Moisese, xchi'uc ti Mariae. Xnich'nab ti Aarone, ja' ti Nadabe, ti Abiue, ti Eleazare, xchi'uc ti Itamare.

Éxodo 1:5

Ta scotol snitilultac ti Jacobe, oy lajuneb xchanvinic (70) ta vo'. Yan ti Josee oy xa ono'ox ta Egipto.

Éxodo 19:20

Ti Diose c'ot ti bu xa c'alal slajeb toyol ti jol vits Sinaie. Albat ti Moisese ti ac'o muyuc batel ti bu oye. Jech ti Moisese muy batel.

Éxodo 19:24

Xi tac'bat yu'un ti Diose: —Batan, yalan batel. Ts'acal to un, jmoj xamuyic talel xchi'uc ti Aarone. Ja'uc ti paleetique xchi'uc ti israeletique, mu me xjelavic talel ta sq'uelelun ti bu albil sc'oplal ti tey oyune, naca mi yilbe sba svocolic cu'un.

Éxodo 19:9

Ja' yu'un un, xi albat yu'un ti Diose: —A'yio ava'i, ta xcac' jba iluc ta atojol ta jun pimil toc yo' jech ta xa'iic ti jteclum ti c'u s'elan ta jchi'inot ta lo'ile. Va'i unbi, ja' to jech xu' ta spat yo'ntonic ta atojol. Jech ti Moisese laj xcha'cholbe ya'i Dios ti c'u s'elan laj staq'uic ti israeletique.

Éxodo 20:21

C'alal nom va'alic ti israeletique, jech ti Moisese nopaj batel ti bu oy ti pimil toc ti ja' tey oy ti Diose.

Éxodo 24:15

C'alal jech laj yal ti Moisese, muy batel ta vits ti ja' volibil ta toque.

Éxodo 24:2

Yu'un ja' no'ox vo'ot xu' xanopaj talel ta jtojol. Ja'uc ti yane tsots sc'oplal ti mu me xnopajic talele. Mi ja'uc xtoc ti oy yan achi'iltac xachi'in muyel talele.

Éxodo 24:9

Va'i un, ti Moisese muy batel ta vits xchi'uc ti Aarone, ti Nadabe, ti Abiue, xchi'uc ti lajuneb xchanvinic (70) ta vo' moletic yu'un ti Israele.

Éxodo 28:1

“Ti ta scotol ti israeletique, ja' nabano ta atojol ti achi'il ta voq'uel Aarone xchi'uc ti xnich'nabe, ja' ti Nadabe, ti Abiue, ti Eleazare, xchi'uc ti Itamare yo' jech ta xc'otic ta cajpaletac.

Éxodo 3:5

Va'i un, ti Diose xi laj yale: —Mu xanopaj talel. Loc'o ti axonobe, yu'un ti bu oyote c'otem ta cuxul banomil.

Éxodo 34:2

Chapano aba xtoc sob oc'om yo' jech ta xamuy batel ta vits Sinaí, ti ta xc'ot ava'an aba ta jtojol ti bu xa slajeb toyol ti vitse.

Éxodo 6:23

Ti Aarone laj yic' ti Elizaba ti ja' xchi'il ta voq'uel ti Nahsone. Ti Elizabae, ja' yantsil nich'on ti Aminadabe. Ja' jech sbitac ti yol laj svoq'uese, ja' ti Nadabe, ti Abihue, ti Eleazare, xchi'uc ti Itamare.

Ezequiel 8:11

Tey oyic laj quil xtoc lajuneb xchanvinic (70) ta vo' ti moletic yu'unic ti israeletique. Ti c'u yepalic taje, tey capal ec ti Jaazanías ti ja' xnich'on ti Safane, ti ta snijan xchiman sbaic ta yich'el ta muc' ti loc'obbailetic taje. Scotolic taje stsacojanic jujun yav yac'alic ti co'ol s'elan lumal toc ti xtomet no'ox ta xmuy ti xch'ailal ti pome.

Números 11:16

Va'i un, xi tac'bat yu'un ti Diose: —Tsobo talel ti lajuneb xchanvinic (70) ta vo' moletic yu'unic ti israeletique, ti buch'utic xana' ti yich'oj tsots yabtelic ta stojol ti jteclume. Ic'o batel ta Axibalna ti bu nupel ta bee. Xamalavanic xchi'uc.

San Lucas 10:1

Laj taj une, ti Jesuse laj st'uj yan lajcheb xchanvinic (72) ta vo' j'abteletic. Laj stacan jelavel ta cha'cha'vo' yo' ta xbatic ta jujun jteclum ti bu ta x'ech' ono'ox ti stuque.

San Lucas 10:17

Xmuyubajic xa sutic talel ti lajuneb xchanvinic (70) ta vo'e, ti xi laj yalique: —Cajval, c'alal ta pucujetic laj xch'un cu'uncutic ta staquel loq'uel ta aventa.

Deuteronomio 1:15

“Va'i un, laj quic'an talel ti viniquetic ta jujuvoc' anitilulique, ti jamal sba satique, ti lec sna'ic snopel razone. Laj cac'be yich' yabtelic ta sbaineloxuc. Yu'un oy jlom laj cac'be sbain jmil (1,000) ta vo' viniquetic. Yu'un oy jlom laj cac'be sbain vo'vinic (100) ta vo' viniquetic. Yu'un oy jlom laj cac'be sbain lajuneb yoxvinic (50) ta vo' viniquetic. Yu'un oy jlom laj cac'be sbain lajunvo' (10) viniquetic. Yu'un oy jlom laj jva'an ta ajvaliletic yo' ta sventainic ti jujuvoc' nitiluletique.