Éxodo 23:8 - Bible in Tzotzil de Chamula

⁸ “Mu me xatsac mich'ob c'abal. Yu'un ti mich'ob c'abale, ja' toj ven xyaluvan ta spaquel c'op. Va'i un, tey xa no'ox ta xtuch'ilanbat ta be sc'op ti buch'u ch'abal smule.

Bible in Tzotzil de Chenalhó with Deuterocanon

⁸ “Mu me xatsaquic taq'uin ti c'alal chachapanvanique, yu'un li taq'uine ja' tspasvan ta ma'sat, yu'un jech xu' mu xachapanbeic o sc'op li boch'otic mu'yuc smule.

Éxodo 23:8 Iomraidhean Croise

Salmos 15:5

ti buch'u mu sujvan ta stojbel sjol ti staq'uin ta xac' ta ch'ome, ti buch'u mu svos yo'nton yu'un ti mich'ob c'abal ta stic'bel smul ti buch'u ch'abal ti smule. Ti buch'u jech stalel cuxul ti va'i s'elan taje, mu xyal ta lum.

Salmos 26:10

ti buch'u mu ch'an xi'uc ti yoc sc'obic ta spasel ti c'usi chopole, xchi'uc ta stsaquel ti mich'ob c'abale.

Proverbios 15:27

Ti buch'u lec xa xa'i ti sc'upijel yo'ntone, mu xtojob ta sventainel ti snae; ti buch'u mu stsac ti mich'ob c'abale, ta xch'i xc'opoj.

Proverbios 17:23

Ti buch'u mu'yuc xch'ulele, lec xa'i ta mucul ta stsac ti mich'ob c'abale, yo' ta syanijesbe sc'oplal ti lequil tuq'uil chapanele.

Proverbios 17:8

Ti buch'u ta xac' jelavel ti mich'ob c'abale, ja' yip stsatsal ta yaluvanej, yu'un lec ta xc'ot ta loq'uel scotol ti c'usi ta spase.

Proverbios 19:4

Ti c'ulejale, yepal no'ox ta xnopaj talel yu'un ti buch'u lec x'ilvane; ti me'un mu'natile, laj to c'op ti oy buch'u lec x'ilvane.

Eclesiastés 7:7

Mi ta xlo'lavan ti buch'u oy sbijile, co'olaj xa sjol xchi'uc ti buch'u pimunebe, ti mich'ob c'abale, ta soquesat yu'un.

Isaías 1:13

Mu xa xavich'beicun talel matanaletic ti mu'yuc xa sc'oplal cu'une. Mu xa ts'icbaj ta xca'i ti xch'ailale. Ti vo'oxuque ta xatsobic talel ta svolel ti jteclum ta spasbel sq'uinal ti ach' ue, xchi'uc sc'ac'alil ti cuxob o'ntonale, ja'uc le' une, mu ts'icbaj ta xca'i sq'uinic ta spasic ti jchopol jnaclejetic ti mu xicta sba ta spasel ti c'usi chopole.

Isaías 1:23

Ti ajvaliletic avu'une, naca jtoyobbaetic, ti lec xil sbaic xchi'uc ti j'eleq'uetique. Yu'un scotolic lec xa'iic stsaquel ti mich'ob c'abale, ti yac'oj batel satic ta stojol ti buch'u ta x'ac'batic ti matanaletic yu'unique. Mi ja'uc xa ta stic' sbaic ta spojel ta xchapanel ti buch'u mu'yuc buch'u oy yu'unique. Mi ja'uc xa ta stic' sbaic ta xchapanel sc'op ti c'usi ja' yu'un ti me'unal antsetique.

Isaías 33:15

Ti buch'u ta stam batel ta spasel ti c'usi leque, melel ti c'usi ta xale, ti ma'uc laj sta o c'ulejal xchi'uc ti oy c'usi laj yac'be yipal ta spojele, ti mu'yuc laj xchon sba xchi'uc ti mich'ob c'abale, ti mu'yuc sco'oltas sba xchi'uc jech c'u cha'al ta x'alilanbat yu'un ti jmilvanejetique, ti ma'uc q'uelel ta spasel ti chopole,

Isaías 5:22

Mu xa ono'ox cha'bel un, ti atuc xa no'ox abisoj abaic ta jun banquil j'uch'-vinoe, ti mu'yuc buch'u xastsalic ta smeltsanel ti uch'bajele.

Isaías 5:23

Ta sventa ti atsacojic xa ti mich'ob c'abale, ta xavalic ch'abal smul ti buch'u oy smule; mu xa tsotsuc sc'oplal ta xava'ibeic sc'op ti buch'u ch'abal ti smule.

Ezequiel 22:12

J'ech'el mu xa xiyaq'uic ta venta. Stsaquic no'ox taq'uin ti jlom jnaclejetic avu'un yo' ta smilic ti yane. Ech'em no'ox sjol ta sc'anic ta xaq'uic ta ch'om ti taq'uine. Ta slo'la svinquileltac ta yilbel ti svocole. Mu lo'iluc no'ox ta xcal ti vu'un Ajvalilune.

Amós 5:12

Xcojtiquin lec ti xi s'elan spimil busul ti c'usitic chopol ta xapasique, ti mu'yuc slajeb ti amulique. Ta xavilbeic svocol ti buch'u oy stuq'uil sjol yo'ntone. Lec ta xava'iic stsaquel ti mich'ob c'abale. Ti c'alal oyic ta chapanobbaile, ta xc'ot ta pasel avu'unic ti ch'ab xi no'ox ta xchapanbel sc'op ti buch'u ch'abal smule.

Miqueas 7:3

Ti banquilaletique xa'i sbaic ta spasel ti c'usi chopole. Ti j'opisialetique ta sujvanic ti ac'o ac'baticuc ti smotonique. Ti jchapanvanejetique toj lec ta xa'iic ti mich'ob c'abale. Ti buch'utic ich'bil ye sti'ic xa'i sbaique, ta spas ti c'usi xa xal ti yo'ntone, ti ta sbolibtasbe yo'nton ti jteclume.

Deuteronomio 10:17

Yu'un ti Ajvalil Dios avu'unique, ja' Dios yu'unic ti diosetique, Ajvalil yu'unic ti ajvaliletique. Ja' stuc no'ox Dios ti cajal sc'oplal ta scotole, ti xi'bal sba jelavem xu' yu'une, ti mu sna' spas ti jeltos yo'ntone, ti mu ja'uc sna' xchon sba ta matanale.

Deuteronomio 16:19

Mu xayanijesbeic sc'oplal ti lequil chapanele. Mi ja'uc xapas abaic ti jeltos xa ta xapasic ta stojol ti lume. Mi ja'uc ti aq'ueloj xa no'ox aba yu'un ti mich'ob c'abale. Yu'un ti mich'ob c'abale, sbic'tajesobil yo'nton xchi'uc ti buch'utic bijique. Ta syanijesbe smelol sc'op xtoc ti buch'u mu'yuc smule.

1 Samuel 12:3

Ti mi oy bu xi s'elan laj jpas ta atojolique, li' oyune: Mi oy buch'u laj jcu'ninbe ti xvacaxe, mi ja' ti sburroe, mi oy buch'u laj cac'be ti svocole, mi ilbaj ti laj cute, mi oy bu lec laj ca'i ti laj jtsac ti mich'ob c'abale, chapanic jmul ta stojol ti Diose, xchi'uc ta stojol ti t'ujbil ajvalil yu'une. Ta jtoj ti c'u yepal ti quile.

1 Samuel 8:3

Ja'uc le' une, ti xnich'nabe mu jechuc yo'ntonic loq'uic jech c'u cha'al ti stotique. Yu'un c'ajomal no'ox bic'tajem yo'ntonic yu'un ti matanale, ti lec xa'iic stsaquel ti mich'ob c'abale, ti mu xa sventaicuc ta xchapanvanic leque.