Éxodo 23:23 - Bible in Tzotzil de Chamula

²³ Yu'un ti caj'ánjele jba'be ta xbat ta atojol ti ta xic'ot ochel ta slumalic ti amorreoetique, ti hititaetique, ti ferezeoetique, ti cananeoetique, ti heveoetique, xchi'uc ti jebuseoetique, ja'ic ti ta jtenic loq'uel ta j'ech'ele.

Bible in Tzotzil de Chenalhó with Deuterocanon

²³ Yu'un li j'almantal cu'une, ja' ba'yucbe chbat avu'unic; ja' chayic'oxuc batel ta yosilal li amorretic, li hetetic, li ferezetic, li canaanetic, li hevetic, xchi'uc li jebusetique. Yu'un li stuquique ta xculesic o ta j'ech'el.

Éxodo 23:23 Iomraidhean Croise

Génesis 24:7

Ti Ajvalil Dios yu'un ti vinajele, laj sloq'uesun talel ta sna ti jtote, ta yosilal ti cuts' calale. Laj yac' ye sti' ta xiyac'bun jventain xchi'uc jnitilultac ti banomil li'e. Ja' jech xtoc ta stacbot talel yaj'ánjel yo' xu' avu'un ta yiq'uel talel jun tseb ta sventa yajnil ti jnich'one.

Génesis 34:2

Ilat yu'un ti Siqueme, ti ja' squerem nich'on ti heveo vinic Hamor ti banquilal jtsobvanej yu'unic ti bu taje. Ti Siqueme laj stsatsal jis ta lum, laj yilbajin ti tsebe.

Éxodo 18:8

Ti bu taje, ti Moisese lic xchapbe ya'i smuni' scotol ti c'u s'elan laj spas ti Dios ta stojol ti faraone, ta stojol ti egipcioetic ti laj sva'an sba ta spojel ti Israele. Laj xchapbe ya'i xtoc scotol ti vocoletic ti laj staic ta bee, xchi'uc ti c'u s'elan ep ta tos coltavan ti Diose.

Éxodo 23:20

“A'yio ava'iic, ta jtac jelavel caj'ánjel ta atojol yo' jech ta xchabiot ta be. Ta xic'ot batel ti bu chapal cu'un ti ta xac'ote.

Éxodo 3:17

Ja' jech xtoc laj yalbun ti ta xasloq'uesoxuc batele. Ta xaspojoxuc loq'uel ti jech mu x'ech' avocolic li' ta Egiptoe. Ta xayic'oxuc batel ta jteclum ti bu nacalic ti cananeoetique, ti hititaetique, ti amorreoetique, ti ferezeoetique, ti heveoetique, ti jebuseoetique, ta banomil ti bu co'ol s'elan vo' ta xbein ti chu' vacaxe, ti ajapome.”

Éxodo 32:2

Xi laj stac' ti Aarone: —Lec oy un cha'e, loq'uesic ti taq'uinal chiquinaletic ti naca ta oro ti joc'ajtic ta xchiquinic ti avantsilelique, xchi'uc ti aquerem atsebique. Va'i un, ich'beicun talel li'e.

Isaías 5:13

Jech o xal un, ti jech mu xa'ibeic xchiquinale, ti jteclumale, bec'bil ta xloq'uic ech'el ta sbanomilic. Yu'un scotol ti lume xchi'uc ti banquilaletic yu'unique, ta xlic chamicuc ta vi'nal xchi'uc ta taqui ti'il.

Deuteronomio 9:3

“Avi tana li' une, sc'an xana'ic ti ja' jba'be ech'el avu'unic ti Ajvalil Dios avu'unique, ti co'ol s'elan jun jtsutsesvanej c'oc' ti ch'abal c'usi ta xcom yu'un jutebuc, ti ta aba ta asatic ti peq'uel ta xc'ot sc'oplalic yu'une, ti ta xch'aybat ti sts'unubalic ti muc' ta lumetic taje. Yu'un ta jviq'uel jmuts'el no'ox asatic ta xatenic loq'uel. Ta xatsutsesbeic sc'oplal ta j'ech'el jech c'u cha'al yaloj ono'ox ti Diose.

Josué 23:9

Yu'un ti Diose ta aba ta asatic laj sten loq'uel ti yajval muc'tiquil lume, ti tsots xu' yu'unique, ti jech to staoj yan avi c'ac'al ti mu'yuc to buch'u jchopucal ti cuch yu'un ta stsaleloxuque.

Josué 5:13

Ta nopol Jericó, oy jun c'ac'al ti Josuee laj yil jun vinic ti stsacoj jun yespadae. Nopaj batel ti Josuee, ti xi laj sjac'bee: —¿Mi jchi'ilotcutic, mi ja' junuc cajcontraotcutic?

Josué 9:1

Ti ajvaliletic yu'un ti hititaetique, ti amorreoetique, ti cananeoetique, ti ferezeoetique, ti heveoetique, xchi'uc ti jebuseoetique, laj ya'iic ti c'usitic c'ot ta pasele. (Ti ajvaliletic taje nacalic ta yeloval smaleb c'ac'al yu'un ti uc'um Jordane, ti ta vitstique, ti ta sjunul stenlejale, ti ta sti'il ti muc' ta nab yu'un ti Mediterráneo sbie, c'alal to sjunlej ti Líbanoe.)