Éxodo 23:22 - Bible in Tzotzil de Chamula

²² Yan ti mi j'ech'el ta xach'unbeique, ti mi ta xapas scotol ti c'usi caloje, ta jva'an jba ta scontrainel ti avajcontrae, ta xi'ilin yu'un ti buch'u ta xayilbajinote.

Bible in Tzotzil de Chenalhó with Deuterocanon

²² Me ta melel chach'unic, xchi'uc chapasic scotol li c'usi laj calboxuque, ja' cajcontra chc'ot ec li avajcontraique, xchi'uc ta xcac'be svocolic ec li boch'otic chayac'boxuc avocolique.

Éxodo 23:22 Iomraidhean Croise

Génesis 12:3

Ti buch'utic lec ti c'usitic oy ta ye ta sti'ic ta atojole, naca c'uxubinel oy ta que ta jti' ta stojolic ec. Yan ti buch'utic naca chopol ti c'usitic oy ta ye ta sti'ic ta atojole, oy ta que ta jti' ti chopol sc'oplalic cu'un eque. Yu'un ja' ta aventa ta staic c'uxubinel ti lec que jti' ta stojol ta jujuchop scotol ti jnaclejetic ta banomile.”

Salmos 35:1

Contraino ya'i un, Dios, ti buch'u ta xiscontrainune, tsaco ya'i ta leto ti buch'u ta xilbun ya'i ti jvocole.

Éxodo 15:16

Tey xa c'alaluc un, Cajval, ac'o xi'icuc, u'ninaticuc yu'un ti xi'el ta j'ech'ele. Ta sventa ti smuc'ul stsatsal ti avoc ac'obe, altsanbilicuc ti jeche' lamalic jech c'u cha'al ti tonetique, ja' to ti mi jelavic batel ti avalab anich'nab ti ja' jun jteclum ti laj abis ta avu'une.

Jeremías 30:20

Ti israeletique ta staic yavic jech c'u cha'al oyic ta ba'yele. Ti steclumale, jun sjol yo'ntonic ta jtojol. Ti j'ilbajinvanejetic ta stojolique, ta jtsits ya'iic un.

Zacarías 2:8

Ti Dios ti scotol xu' yu'une laj stacun talel ta stojol ti jteclum ti buch'u laj spojboxuc ti c'usitic x'ayan avu'unique, ti xi ta xich' albel ya'i ta sventa ti Diose: “Buch'uuc no'ox ta sta ta tijel ti jteclumale, ja' ta sta ta tijel ti yuninal jsate.

Números 24:8

Yu'un ti Dios ti laj sloq'ues talel ta Egiptoe, ja' c'otem ta jpojvanej yu'unic ta xa'iic jech c'u cha'al ta spoj sba xchi'uc xulub ti te'tical vacaxe, ja' ti bufalo sbie. Yu'un ti israeletique ta stsalic ti muc'tiquil lum ti ja' scontraique, ta sc'asbeic ti sbaquile, ta syayijesic ta syolobic xtoc.

Números 24:9

Yu'un xi s'elan ti c'alal xach'al ta xcuxique, co'ol to s'elan junuc jti'oval león yilel: mu'yuc buch'u uni xit'an no'ox xa'i sba ta xnopaj ta stijbel ti svayele. C'uxubinbiluc ec ti buch'u ta xc'uxubinote. Bisatuc ta cotol chaval ya'i ti buch'u ta sbisot ta cotol chavale.”

Deuteronomio 28:1

“Mi ta melel teq'uel ta xc'ot ta avo'nton ta xch'unel ti c'usi ta sc'an ti Ajvalil Dios avu'une, ti ta xlic avabtelan ta spasel scotol ti smantaltac ti laj calbot ava'iic tana li'e, va'i unbi, ich'bilot ta muc' ta xac'ot yu'un scotol ti jnaclejetic ta banomil yu'un ti Dios avu'une, ja' mu sta ti stuquique.

Deuteronomio 30:7

Ti Ajvalil Dios avu'unique ta slamanbe ta sbaic ti bac vocol ta stojol ti avajcontraique, xchi'uc ta stojol ti buch'utic ta sc'ac'al yo'nton laj snutsoxuque.

2 Tesalonicenses 1:6

Xloc' venta ta x'ac'bat svocolic yu'un Dios ti buch'utic yacal ta xilboxuc avocolic avi tana li'e.

Josué 9:7

Ti israeletique xi laj stac'beic ti heveoetique: —Ati mi li' no'ox nacaloxuc une, ti mi nopol xquil jbatic une, ¿mi yu'un xavac'touc ta stac' ta jpascutic trate xchi'uc ti vo'oxuque?