Éxodo 23:2 - Bible in Tzotzil de Chamula

² “Mu xachan ta sts'acliel mi ja' yepal ti co'ol chopol sjolique. “C'alal ta xa'ich'bat ave ati' ta xchapel ti c'usitic aviloj lec atuque, ma'uc me ti xasutes ave ta scoj ti ja' yepal ti jvoq'ue, ti tey xa no'ox ts'ijil ta xacom ti c'alal xana' lec ti naca jutbile.

Bible in Tzotzil de Chenalhó with Deuterocanon

² “Mu me ja'uc xats'aclinic ta spasel c'usi chopol li boch'o epique. “C'alal chaval ava'yejic ta stojol jchapanvanejetique, mu me ja'uc xachanic c'usi chopol tspasic li boch'otic epique. Mu me ja'uc xavac' ta avo'ntonic li c'usi mu'yuc tuq'ue.

Éxodo 23:2 Iomraidhean Croise

Génesis 19:4

Mu'yuc to ta xvayic c'alal ja' o xc'uletic c'otel scotol viniquetic yu'un ti jteclum Sodomae, c'alal ta moletic ta queremetic, svoliojic c'otel ti nae.

Génesis 6:12

Ti c'alal jech laj yil ti Dios ti epajem ti mulil ta banomile, ti yanijem ta be ti snopobil yu'unic scotol ti jnaclejetique,

Génesis 7:1

Ts'acal to un, ti Diose xi laj yalbe ti Noee: “Ta scotol ti jnaclejetic avi tana li'e, ja' no'ox vo'ot laj apas ti c'usi ta jc'ane. Ja' yu'un un, jmoj ochanic batel ta barco ti c'u avepalic ta nacleje.

1 Reyes 19:10

Xi laj staq'ue: “Toj tsots ac'oplal ta xca'i, ti mu jc'an ta xatenat comel ta Ajvalilal ti scotol xu' avu'une, Dios. Yu'un ti israeletique laj xa sten comel ta spat ta xocon ti atratee. Laj xa sjines ti avaltar une. Laj xa smilic ta espada ti avaj'alc'optaque. C'ajomal xa jch'ul tuc licom, ti yacal ta xisa'icun yo' ta stubbeicun ti jc'oplal avi tana une.”

Job 31:34

ta scoj ti xca'ibe to xi'elal ti jnaclejetique. Mu bajbilucun ta xicom ta scoj ti ta xisna'leicun ti cuts' calaltaque, mi jtenuc ts'ijilun xa jmacoj jba ta jna.

Salmos 72:2

yo' jech oy stuq'uil yutsil avu'un ta sventainel ti jteclum avu'une, xchi'uc ti me'un mu'natetique.

Proverbios 1:15

Cuni nich'on, ma'uc ti lec xa xava'i xchi'inele, ch'aco aba loq'uel ti yan be stamojique.

Proverbios 18:5

Mu xc'ot o ta lequil jchapanvanejetic ti ja' no'ox ta spacbeic sc'oplal ti buch'u oy smule, ti mu xchiquintabe sc'op ti buch'u mu'yuc smule.

Proverbios 4:14

Mu xatam ta spasel jech c'u cha'al ta spasic ti buch'u mu'yuc xch'ulel xa'i sbaique, mu xachanbe ti yan o stalelique.

Jeremías 37:15

Cap sjolic ta stojol ti Jeremiase. Laj yalic mantal ti ac'o yich' yu'unic majele, ti stiq'uicuc ta chuquel ta sna ti Jonatán ti buch'u sbainoj ta yalel ti c'usitic chlaj c'otanuc ta pasele, ti c'otem ta jun chuquinabe.

Jeremías 37:21

Ja' yu'un un, ti ajvalil Sedequiase laj yal mantal ti ta xich' chuquel ti Jeremías ti oy no'ox ta yamaq'uil na yu'un ti jchabivanejetique, ti ich'batuc batel jbej pan jujun c'ac'al ti ta xaq'uic ti jmeltsanej panetic ta callee. Jech c'ot ta pasel un, ja' ti oy to ox ti ve'lil ta jteclume. C'ot ta pasel un, chucul com ti Jeremías ta yamaq'uil na yu'un ti jchabivaneje.

Jeremías 38:9

“Jcuch abtel, ti vi s'elan laj spasic ti viniquetic ta stojol ti Jeremías ti laj stiq'uic ta taquin joq'ue, milvanej xa xal o. Vi'nal xa'i xcham un, yu'un ch'abal ta tael ve'lil li' ta jteclume.”

Ezequiel 9:9

Xi laj stac'bun talel ti Diose: “Yu'un ti jteclum Israele xchi'uc ti jteclum Judae, jelav xa ta j'ech'el ti smul scolo'ique. Yu'un ti jteclume, naca xa jmilvanejetic ti tey nojique. Yu'un ti muc' ta lume, ja' xa noj ti mu'yuc smelol ti c'usi ta spasique. Ta nan snop ti nom loq'uemun batel ta stojol ti muc' ta lume, ti mu xquil yalojic ti c'usitic ta spasique.

Levítico 19:15

“Ti c'alal xi s'elan ta xaval ti buch'u ta xachapbe sc'oplale, mu xapas xajoybin ti c'ope: Mu xapoj ti buch'u mu xu' yu'un ta spoj sbae. Mi ja'uc xapacbe sc'oplal ti buch'u xi'bile. Ja' me tamo ta spasel ti lequil chapel ti c'alal ta xachapanvane.

Hageo 1:4

“Ja'uc ti vo'oxuc une, ¿mi ja' xa yorail avalojic ti nacaloxuc xa ta jun yutsiquil c'upil sba naetic ti c'alal ja' stuc slilijemal busul ti jch'ulnae?

Marcos 15:15

Ti sc'an lec ta x'ile yu'un jnaclejetic ti Pilatoe, ja' laj scolta loq'uel ti Barrabase. C'alal laj yal mantal ti yac'beicuc nucul ti Jesuse, ja' o laj yac' batel ta c'abal yo' ta sjipanic ta curus.

San Lucas 23:51

Ti José taje, smalaoj ono'ox ti ventainel yu'un ti Diose. Jech o xal mu'yuc laj sco'oltas sjolic xchi'uc ti yan banquilal jchapanvanejetic ti c'u s'elan ta spasique.

Hechos 24:27

Chib jabil jech c'ot ta pasel taje. Sta yorail loc' ta gobernador ti Felixe. Ja' com ta xq'uexol ta gobernador ti Porcio Festoe. Ti jech sc'an lec ta x'ile yu'un israeletic ti Felixe, tiq'uil laj yicta comel ta chuquel ti Pabloe.

Hechos 25:9

Ti jech sc'an lec ta x'ile yu'un israeletic ti gobernador Festoe, xi laj sjac'be ti Pabloe: —¿Mi ta xac'an xabat ta Jerusalén yo' ta jchapan ac'oplal ti bu taje?

Romanos 1:32

Ti buch'utic jech ta spasic taje, sna'ic lec ta mantal ti oy c'usi tsots sc'oplal yaloj ti Diose ti ja' xtun o ti ac'o chamicuque. Ac'o mi jech un, yac'ojbe yipal ta spasel ti c'usi chopole, xchi'uc xmuyubajic xa yu'un ti jechuc spasic ti yane.

Deuteronomio 1:17

Yu'un xi s'elan sc'an xapasic ti c'alal ta xachapanvanique: Mu t'ujbiluc no'ox xapas ti c'alal ta xaval ti oy smule. Ich'beic ta muc' sc'op ti buch'u mu xtojob spoj sbae jech c'u cha'al ti buch'utic c'oc' xa'i sbaique. Yu'un mi ja'uc xaxi' yu'un. Ti chapanele c'otem ta sventa ti Diose. Mi oy bu laj ataic ti mu xchapaj avu'unique, et'esbun talel ta jtojol yo' ta xca'ibe ti sc'ope.’

Deuteronomio 16:19

Mu xayanijesbeic sc'oplal ti lequil chapanele. Mi ja'uc xapas abaic ti jeltos xa ta xapasic ta stojol ti lume. Mi ja'uc ti aq'ueloj xa no'ox aba yu'un ti mich'ob c'abale. Yu'un ti mich'ob c'abale, sbic'tajesobil yo'nton xchi'uc ti buch'utic bijique. Ta syanijesbe smelol sc'op xtoc ti buch'u mu'yuc smule.

Deuteronomio 24:17

“Mi jutebuc xavilbajinic ta pasbel chopol ti jyanlumetique, mi ja'uc ta stojol ti buch'u mu'yuc buch'u oy yu'une. Mi ja'uc xavich'beic ta rentail sc'u' spoq'uic ti me'unal antsetique.

Josué 24:15

Ti mi mu xac'an xavac' abaic ta tunel yu'un ti Diose, xi nopic lec avie ti buch'u junucal ta xbat avac' abaic ta tunel ta stojole: ¿Mi ja' ta xac'an ta xavac' abaic ta tunel yu'un ti diosetic ti laj yich'ic ta muc' ti amolmuc'totic ti oyic to ox ta sti'il uc'um Eufratese? ¿Mi ja' ta xac'an ta xavich'ic ta muc' ti diosetic yu'un ti amorreoetic ti nacalic ta banomil li'e? Ja'uc ti vu'une xchi'uc ti calab jnich'nabe, ja' teq'uel ta xc'ot ta co'nton ti ta xcac' jbacutic ta tunel ta stojol ti Diose.

1 Samuel 15:24

Ti Saule xi laj yalbe ti Samuele: —Melel ava'uc, laj xa jta jmul. Jelav ta jpat ta xocon ti c'usi laj yal ti Diose, ti c'u s'elan laj atojobtasune, yu'un lixi' yu'un ti lume. Laj jch'unbe ti sc'opique.

1 Samuel 15:9

Manchuc mi jech laj spas taj une, ti Saúl xchi'uc ti yajsoldadotaque, mu'yuc laj smilic ti Agage, ti c'upil sba chijetique, ti vacaxetique, ti ch'iom vacaxetic ti lec jubemique, ti chijetique. Mi ja'uc laj slilinic ti c'usitic toyol stojole ac'o mi laj slilinic scotol ti c'usitic mu tsotsuc sc'oplale.