Éxodo 23:19 - Bible in Tzotzil de Chamula

¹⁹ “Ti slequilal sba sat ti c'usitic ch'i ta abanomile, tsots sc'oplal ta xavich' batel ta xch'ulna ti Ajvalil ti ja' Dios avu'une. “Mu me capaluc ta ya'lel xchu' sme' ta xalacan ti ch'in tentsune.

Bible in Tzotzil de Chenalhó with Deuterocanon

¹⁹ “Li sba sat c'usitic ats'unoj ta avosilic ti toj lequique, ich'bicun tal ta Ch'ulna cu'un, vu'un li Muc'ul Diosun avu'unique. “Mu me xapanic ta ya'lel xchu' sme' li unin ch'ium tentsune.

Éxodo 23:19 Iomraidhean Croise

Nehemías 10:35

Jech xtoc laj jvules ta jolcutic ti ta xquich'cuticuc batel jujun jabil ta xch'ulna Dios ti sba sat c'usitic ta xloc' ta cosilcutique, xchi'uc scotol sba sat ti lo'bolal te'etique.

Nehemías 10:36

Laj jvules ta jolcutic xtoc ti quic'cutic ech'el ta xch'ulna Dios cu'uncutic ti sba jnich'oncutique, ti sba yol ti jvacaxcutique, ti sba yol ti jchijcutique, jech c'u cha'al ta xal ti ts'ibabil ta jbel ti tsots albile, ta stojol ti paleetic ta xtunic ta ch'ulnae.

Éxodo 22:28

“Mi ja'uc xasoquesbe yo'nton ti Diose. Mu xabis ta cotol chaval ti ajvaliletic yu'un ti alumale.

Éxodo 22:29

“Mu xajaliltas ta yich'el talel ta jmoton scotol sba sat ti c'usitic ta xloc' x'ayan avu'une, xchi'uc ti vinoe. “Ac'bun yo' ta xc'ot ta cu'un ti sba anich'one.

Éxodo 34:26

“Tsots sc'oplal ta xavich'ic batel ta xch'ulna Ajvalil Dios avu'unic ti sba sat ti ats'unubalic ti bu jun yutsiquil ta xaq'ue. “Mu xacapic ta lacanel ta ya'lel xchu' sme' ti ch'iom tot tentsunetique.”

Proverbios 12:10

Ti buch'u oy stuq'uile, sna' ti c'usi ta xtun yu'un ti xchon sbolomtaque, ja'uc ti buch'u mu'yuc xch'ulel xa'i sbae, mu xc'uxubaj yo'nton yu'un.

Proverbios 3:9

Tuneso ta yich'el ta muc' Dios xchi'uc ti c'usitic x'ayan avu'une, xchi'uc ti sba sat-tac ats'unob xloc' x'ayane,

Jeremías 10:3

Ti c'usi xch'unojic ti jteclumetic taje, mu'yuc c'usi xu' yu'un. Ta sc'oquic talel jun bascan te' ta vitstic; ti buch'u xc'abaj o xchi'uque, ta xlic xch'ojilan ta loc'tael xchi'uc sjulub.

Ezequiel 44:30

Ti paleetique oy ta sventaic ta yich'el ti lequil sba sat ts'unubale, xchi'uc scotol ti yan matanaletique. C'alal ta xachapanic ta svots'el ti pane, ta xich' avu'unic ti bu lec t'ujbile. Ti c'uxubinel yu'un ti jlequil cutsilale, snojel no'ox oy ta ana ac'ulebic.

Ezequiel 48:13

Ta sts'el yosil ti paleetique, oy yosil ec ti levitaetique, o'lol yoxlajunebal (12.50) kilometro ti snatile, vo'ob (5) kilometro ti sjamleje. Ja'uc ti c'otem ta sventa ti Diose. Le'e, oy o'lol yoxlajunebal (12.50) kilometro ti snatile, lajuneb (10) kilometro ti sjamleje.

Ezequiel 48:14

Stuc no'ox banomil jun yutsil oy ta muc' ta lum. Mi jutebuc stac' chonel, mi jel xi, mi va' xi yan yajval, yu'un c'otem ta sventa ti Diose.

Números 15:21

Ti matanal taje, tsots sc'oplal ti mu xch'ay ta be avu'unic ta yaq'uele.

1 Corintios 15:20

Ja' melel cha'cuxi ma' ti Cristoe, ja' c'ot ta sliquebal cha'cuxesel yu'un ti animaetic ti oy ono'ox sc'oplal ta xcha'cuxiique.

Deuteronomio 14:21

“Ta j'ech'el mu stac' xati'ic scotol ti c'usiuc no'ox chon bolomal ti ta xcham stuque. Yu'un le' cha'e, oy ac'oplalic ti ja' jun lum ti t'ujbiloxuc yu'un ti Ajvalil Dios avu'unique. Ja'uc c'otuc ta pasel avu'unic ti ac'beic ti jyanlumetic ti nacal ta alumalique. Yu'un ti stuquique xu' ta sti'ic. Mi mo'oje, xu' xachonbeic xtoc ti j'ech'el-be jyanlumetique. “Mi ja'uc capal xalacanic xchi'uc ya'lel xchu' sme' ti ch'in tentsune.,

Deuteronomio 26:10

Jech o xal tana li' une, quich'oj talel ti sba sat ts'unubal ti laj yac' ti banomile, ti ja' laj yac'botic ti Diose.’ “Ta jech to yepal un, ta xavac' jelavel ti alcu moch ta stojol ti Ajvalil Dios avu'une, ti ta xlic aquejan aba ta stojole.

Deuteronomio 26:2

ti sba sat ti ts'unubal ti loc' ayan ta banomile, ich'ic batel ta junuc alcu moch ta yavil ti bu t'ujbil yu'un ti Ajvalil Dios avu'unic ti staobil ta na'ele.

Apocalipsis 14:4

Taje, ja'ic ti buch'utic laj stuc'ulan sbaic ti mu'yuc laj soques sc'oplalic ta stojol ti yan antsetique, ti laj sts'acliic ti buyuc no'ox ta xbat ti jcot ta Uni Chije. C'otic ta ba'yel matanal ta stojol Dios xchi'uc ta stojol ti jcot ta Uni Chije, ta sventa ti ch'aqueic loq'uel ta stojol ti buch'utic oyic li' ta banomile, jech laj staic ti coltaele.