Éxodo 23:16 - Bible in Tzotzil de Chamula

¹⁶ “Ta xapasbeic sq'uinal xtoc ti ts'unubiletique, sc'oplal ti sba satac ti c'usitic laj yich' ts'unel ta osile. Ta xapasbeic sq'uinal xtoc ti c'u yepal loc' ta jun jabil ti laj atsobic ti c'usi laj ats'unique.

Bible in Tzotzil de Chenalhó with Deuterocanon

¹⁶ “Pasic noxtoc q'uin ta sventa li c'usitic chloc' avu'unique, ja' li sba sat c'usitic ats'unoj ta avosilique. Xchi'uc pasic q'uin ta jujun slajeb jabil c'alal chlaj atsobic scotol li c'usitic ats'unojique.

Éxodo 23:16 Iomraidhean Croise

Esdras 3:4

Lic spasbeic sq'uinal Lambil Yanalte' Axibalna xtoc, jech c'u cha'al ta xal ti ts'ibabil ti oy jbel tsots albile. Ta xaq'uilanic jujun c'ac'al ti chic'bil matanaletic jech c'u cha'al liquem yu'unic sc'an pasel ti c'u yepal ta xaq'uic sventa jujun c'ac'ale,

Éxodo 22:28

“Mi ja'uc xasoquesbe yo'nton ti Diose. Mu xabis ta cotol chaval ti ajvaliletic yu'un ti alumale.

Éxodo 22:29

“Mu xajaliltas ta yich'el talel ta jmoton scotol sba sat ti c'usitic ta xloc' x'ayan avu'une, xchi'uc ti vinoe. “Ac'bun yo' ta xc'ot ta cu'un ti sba anich'one.

Éxodo 34:22

“Mu xach'ay ta avo'ntonic ta spasel ti oxib q'uine, jech c'u cha'al sq'uinal ti Xemunae, jech c'u cha'al sq'uinal ti sba sat ti trigo ti ta xich' tsobele, xchi'uc sq'uinal ti c'u yepal laj yich' tsobel ta sjunul jabil ti ts'unubile.

Proverbios 3:9

Tuneso ta yich'el ta muc' Dios xchi'uc ti c'usitic x'ayan avu'une, xchi'uc ti sba sat-tac ats'unob xloc' x'ayane,

Números 29:1

“Ti sba c'ac'al yu'un ti yucubal ue, oy ch'ul tsoblej avu'unic. Ti jech c'ac'al taje, mi jtosuc abtel ta xavabtelanic. Yu'un ja' o sc'ac'alil ta xavinajesic ta yoq'uisanel ti oq'uese.

San Juan 7:2

Ti jech nopol xa sc'an xc'ot sq'uinal ti Axibal yanal te' nae, ti ja' jun q'uin na'bil yu'un ti israeletique,

San Juan 7:37

Ti slajeb xa c'ac'al yu'un ti muc' ta q'uine, ti jech c'ac'al taje, laj sva'an sba ti Jesús ti xi tsots lic c'opojuque: —Mi oy buch'u ta xa'i ti taqui ti'ile, ac'o taluc ta jtojol. Ti buch'u ta xc'ot ta yo'nton ta xiyich'un ta muq'ue, ac'o yuch' ti vo'e, yu'un xi ti ts'ibabil ta ch'ul c'ope: ‘Co'ol s'elan cuxul sat vo' ta x'ayan talel ta yo'nton.’

Hechos 2:1

C'alal sta sc'ac'alil ti q'uin Pentecostese, ti jch'unolajeletique stsoboj sba scotolic ti bu ono'ox oyique.

Deuteronomio 26:2

ti sba sat ti ts'unubal ti loc' ayan ta banomile, ich'ic batel ta junuc alcu moch ta yavil ti bu t'ujbil yu'un ti Ajvalil Dios avu'unic ti staobil ta na'ele.