Éxodo 23:13 - Bible in Tzotzil de Chamula

¹³ “C'otuc ta pasel avu'unic scotol ti va'i s'elan laj cale, xchi'uc xtoc j'ech'eluc me lajuc sc'oplal avu'unic ti tey no'ox ta ave ta ati'ic ta yalilanbel sc'oplal ti yan diosetique.

Bible in Tzotzil de Chenalhó with Deuterocanon

¹³ “Pasic me scotol li c'usitic laj calboxuque. Me jutuc mu me xloc' ta aveic, mu me xavalbeic sbi li yantic diosetique.

Éxodo 23:13 Iomraidhean Croise

Salmos 16:4

ti ta xepajesic ti loc'obbailetic yu'unique, ti nijil chimilic ta xich'ic ta muq'ue. Ta j'ech'el mu jchi'inic ta spasel c'usitic ta xac'beic svocol ti balal ta xch'ich'ele; ta j'ech'el mu xloc' ta que ta yalbel ti sbitaque.

Salmos 39:1

Laj calbe jba ti ta jtuc'ulan jbae, ti mu jta jmul yu'un ti quee, ti ta jpajes que jti' ti oyic ta jtojol ti buch'u mu'yuc xch'ulel xa'i sbaique.

Éxodo 23:24

Mu xachanbeic xchopolal ti jteclumetic taje. Mu xaquejan aba ta stojol ti diosetic yu'unique. Mi ja'uc xavich'beic ta muc'. Ja'uc c'otuc ta pasel ti lilinic ta j'ech'el ti loc'tabil diosetic yu'unique, xchi'uc ti c'opojebal ch'ul tonetic yu'unique.

Éxodo 23:32

“Mu xaco'oltas avo'nton xchi'uc. Mi ja'uc lec xa xava'i xavich'be ta muc' ti sdiostaque.

Jeremías 10:11

(Ti vo'oxuque, israeletic, xi xavalbeic ya'iic ti buch'utic yan yajvalique: “Ti diosetic ti ma'uc laj smeltsanic ti vinajel banomile, j'ech'el ta xtub sc'oplalic li' ta banomile. Mi junuc ta xcom ti c'u yepal oyique.”)

Oseas 2:17

Ta jch'aybe ta ye ta sti' ta yalilanel sbitac ti baaletique. J'ech'el ta xch'ay o yu'un ta yalilanel.

Zacarías 13:2

Ti ta scotol ti jteclum li'e, ta xc'ot ta pasel ti ta jtubbe sc'oplal sbitac ti loc'obbailetique yo' jech mu'yuc no'ox staoj yav ti c'oponbil ti'inbile. Ja' jech xtoc ti li' ta jteclume, ta jtubbe sc'oplal ti sbisoj sbaic ta j'alc'opetic yilele xchi'uc scotol ti jyanijes jol o'ntonale. Jech ta xc'ot ta pasel cu'un ti vu'un Diosune.

Números 32:38

ti Neboe, ti Baal-meone, xchi'uc ti Sibmae. Oy bu laj sjeltabeic sbi jun chibuc ti jteclum ti bu laj xa xcha'meltsanic ta ach'e, ti laj yac'beic ta sbi stuquique.

Efesios 5:12

Yu'un ti c'usi ta spasic ta mucul ti buch'utic taje, mu stac' alel, toj q'uexlal sba.

Efesios 5:15

Ja' yu'un chae, q'uelo abaic lec c'u a'elanic ta x'ech' avu'unic ti jujun c'ac'ale. Oyuc abijilic. Mu me teyuc no'ox xach'ayetic.

Deuteronomio 12:3

Lilinic ti scajanobil matanale. Bic'tajesic ta voq'uel ti tonetique. Chiq'uic ta j'ech'el ti c'usi va'ajtic ta snijan sbaic ta yich'el ta muq'ue. Lilinic ta j'ech'el ti sloc'obbail diosetique. Ch'ayic tubic sc'oplal ta o'ntonal ti tsots sc'oplal yu'unic ti bu taje.

Deuteronomio 4:15

“Ti sc'ac'alil ti c'alal laj sc'oponoxuc talel ti Dios ta o'lol sleb ti c'oc' ta vits Horebe, mu'yuc c'usi va'al laj avilic. Ich'o abijilic un cha'e.

Deuteronomio 4:23

Ja' no'ox un, bijanic ti mu xch'ay ta avo'ntonic ti yac'ojboxuc strate ti Ajvalil Dios avu'unic ti laj spas ta atojolique. Mu xaloc'taic ta smeltsanel loc'obbail, c'usiuc no'ox yan ti laj yalboxuc ava'iic ti Ajvalil Dios avu'unic ti mu stac' jech ta xapasique.

Deuteronomio 4:9

Ja' yu'un un, bijanic ti mu xch'ay ta avo'ntonic ti c'usitic laj avilic ti c'ot ta pasele, ti mi ja'uc ta j'ech'el ta xaten ta apat ta axoconique. Ja'uc le'e, albeic ya'iic smelol ti anich'nabique xchi'uc ti amamubtaquique.

Deuteronomio 6:1

“Ta sc'an ti ta xavabtelanic ta spasel ti mantaletic ta banomil ti bu ta xavu'ninique, ja' ti c'usitic oy jbel ti tsots albil sc'oplale, ti c'usi nopbil yu'un ti Ajvalil Dios avu'unic ti laj yalbun ti ac'o xajchanubtasoxuque.

1 Timoteo 4:16

Ich'o aba ta c'ac'al un, bijan yu'un ti c'u s'elan ta xachanubtas ti yane, ti junuc avo'nton yu'un scotole. Mi jech ta xapase, ta xacol, xchi'uc ta xcolic ec ti buch'utic ta xa'iic ti ac'ope.

Hebreos 12:15

Tsotsanic yo' jech mu'yuc buch'u junucal avu'unic ta xicta comel ti c'uxubinel yu'un ti Diose yo' jech mu'yuc buch'u junucal avu'unic chopol ti yo'nton ta soquesvanej jech c'u cha'al ti veneno momol ta xmilvane.

Josué 22:5

Ti c'usi ta xcalboxuque, ja' ta jc'an ti jbeluc me sc'oplal c'otuc ta pasel avu'unic ti mantale, xchi'uc ti oy c'usi jbel tsots albil ti laj yac'boxuc ti Moisés ti yajtunel Diose. Ti xcaltique, c'uxuc xava'iic ti Ajvalil Dios avu'unique, tamic batel ti c'u s'elan ta sc'an ti stuque, ch'unbeic ti smantaltaque, ts'acliic tunanic ta stojol ta sjunul avo'ntonic, ta sjunul ach'ich'elic.”

Josué 23:11

Ja' yu'un un cha'e, tuc'ulano me lec abaic. C'uxuc me xava'iic ti Ajvalil Dios avu'unique.

Josué 23:7

Mu xanupultas ajolic xchi'uc ti jnaclejetic ti li' oy ta atojolique. Mu xanijan xachiman abaic ta yich'el ta muc' ti diosetic yu'unique. Mi ja'uc xavac' abaic ta pasel ta mantal yu'un. Mi ja'uc ti lec xa xava'iic ta yalolanbel sbi ta sva'anel ta rextico ti diosetic taje.