Éxodo 23:12 - Bible in Tzotzil de Chamula

¹² “Vaquib (6) no'ox c'ac'al sjalil ta xapas scotol ti c'usi sc'an pasele. Ta yucubal (7) c'ac'al un, cuxo xa yo' jech ta xcux yo'ntonic ti avacaxe, ti aburroe, ta xcux yoc sc'obic ec ti amosove xchi'uc ti jyanlumetique.

Bible in Tzotzil de Chenalhó with Deuterocanon

¹² “Vaquib no'ox c'ac'al xu' cha'abtejic. Ta svucubal c'ac'ale tsc'an chacux avo'ntonic, yu'un jech xu' chcuxic lec ec li avacaxique, li aburoique. Xchi'uc jech xu' chcuxic ec li amozoique xchi'uc li yanlumetique.

Éxodo 23:12 Iomraidhean Croise

Nehemías 13:16

Taje, oy jlom jnaclejetic liquemic talel ta jteclum Tiroe, ti sbolomalinojic xchonel choye, xchi'uc c'usiuc no'ox yan sbolomalic ta xchonbeic ti judaetic ta Jerusalén sc'ac'alil ti cuxob o'ntonale.

Éxodo 16:23

Va'i un, xi albatic yu'un ti Moisese: —Ti va'i s'elan taje, ja' no'ox jech yaloj mantal ti Diose. Yu'un ti oc'ome, ja' cuxob o'ntonal, jun cuxob o'ntonal ti ja' t'ujbil yu'un ti Diose. Meltsanic ti ave'elic ti c'u s'elan sc'an meltsanel ti jun c'ac'al li'e. Lacanic ti c'usi sc'an lacanele, ti c'usi sc'an pasel ta xavilique. Ti c'u yepal ta xcom scomelale, q'uejic sventa yoc'omal.

Éxodo 23:11

Ti ta yucubal (7) jabil une, xi s'elan ta xc'ot ta pasel ti mu'yuc xa ta xavabtelane: Ac'o xcux ti banomile yo' jech ti buch'utic abol sbaic ti oy ta alumale ta stsob slajesic ti c'usitic ta xcom teye, xchi'uc ta slajesic ec ti te'tical chon bolometic ti c'usitic ta staic teye. Ja' jech xapas xtoc xchi'uc ti banomil ti ja' yavil ats'unubal uvae xchi'uc ti olivoe.

Éxodo 34:21

“Vaquib no'ox c'ac'al sjalil ta xa'abtejic, ja'uc ti ta yucubal c'ac'ale, tsots sc'oplal ta xacuxic, ac'o mi ja' o yorail ti ts'unubajele, ti stsobel ti ts'unubale.

Éxodo 35:2

Vaquib no'ox c'ac'al sjalil ta xich' pasel ti abtele. Yan ti ta yucubal c'ac'ale, ja' jun ch'ul c'ac'al avu'unic, ti j'ech'el ja' jun cuxob o'ntonal sventa yich'el ta muc' ti Diose. Buch'uuc no'ox ta x'abtej ti jech c'ac'al taje, chapal xa sc'oplal ta xich' milel.

Éxodo 35:3

Ti buyuc no'ox ti oyoxuc ta nacleje, mi ja'uc xu' xatsanic jsetuc c'oc' ti ja' o sc'ac'alil cuxob o'ntonale.”

Isaías 58:3

“Manchuc mi jech un, xi ta xalique: ‘¿C'usi xtun o ti ic'taej vaje ti c'alal jeche' xjax q'uel no'ox ti Diose? ¿C'usi xtun o ta xquich' jvocoltic ti c'alal mu'yuc c'usi xtun o ta xil ti stuque? Yu'un ti sc'ac'alil ta xavictaic ti vaje, ja' ta xjelav sc'oplal avu'un ti bolomajele, ja' o ta xbat avo'ntonic ta yilbel svocol ti avaj'abtelique.

Levítico 23:3

“Vaquib c'ac'al sjalil ti stac' xa'abtejique. Ja'uc ti ta yucubal c'ac'ale, mi ja'uc xa stac' xa'abtejic mi jset'uc. Yu'un ja' jun c'ac'al ti tsots sc'oplal cuxob o'ntonal ta j'ech'ele. Ta xc'ot ta ch'ul tsoblej avu'unic. Ti buyuc no'ox ta xanaquie, ti jech c'ac'al taje, ja' cuxob o'ntonal ta sventa yich'el ta muc' ti Diose.

Marcos 2:27

Ti Jesuse xi to laj yal batele: —Ti sc'ac'alil cuxob o'ntonale, nopbil ta sventa slequilal ti vinique, ma'uc nopbil ta sta svocol ti vinic ta sventa ti sc'ac'alil cuxob o'ntonale.

San Lucas 13:14

Ja'uc ti banquilal jpas-mantal yu'un ti ch'ul nae, cap sjol, yu'un ta sc'ac'alil cuxub o'ntonal, colesvan ti Jesuse. Xi laj yal ta stojol ti jnaclejetique: —La', ac'o abaic ta poxtael ti oy vaquib c'ac'al stac' xij'abteje, ma'uc ta yorail sc'ac'alil ti cuxob o'ntonale.