Éxodo 23:11 - Bible in Tzotzil de Chamula

¹¹ Ti ta yucubal (7) jabil une, xi s'elan ta xc'ot ta pasel ti mu'yuc xa ta xavabtelane: Ac'o xcux ti banomile yo' jech ti buch'utic abol sbaic ti oy ta alumale ta stsob slajesic ti c'usitic ta xcom teye, xchi'uc ta slajesic ec ti te'tical chon bolometic ti c'usitic ta staic teye. Ja' jech xapas xtoc xchi'uc ti banomil ti ja' yavil ats'unubal uvae xchi'uc ti olivoe.

Bible in Tzotzil de Chenalhó with Deuterocanon

¹¹ Ta svucubal jabile mu xa xabojic: ac'beic to xcux. Me oy to c'usi chloc' tee, ja' ac'o sve'ic ec li me'onetic te nacalic ta alumalique. Jech noxtoc me oy to c'usi chcom yu'unique, ja' xa ac'o sve'ic ec li te'tical chonbolometique. Jech me xapasic scotol c'alal ta ts'usubtic, c'alal ta olivaetic avu'unic.

Éxodo 23:11 Iomraidhean Croise

Nehemías 10:31

C'alal ta xtal xchon sbolomalic ti jnaclejetic ta muc' ta lum taj ta sc'ac'alil cuxob o'ntonale, ti c'usiuc no'ox sat ts'unubale, mi ja'uc ta jmanbecutic jset'uc, mi ja'uc ti yorail yan q'uinetic ta x'ech'e. C'alal ta sta yorail ti jujun vucub jabil xtoque, mu xquich'becutic ti c'usitic ta xloc' x'ayan yu'unique, jch'ay xi ta o'ntonal ti yilique.

Nehemías 10:32

Laj jsuj jba jtuccutic yaq'uel quecutic ta stojol ti patan ti xcac'cutic chanib grano ti platae, ta stojel ti xi s'elan ti c'usitic ta xtun ta xch'ulna ti Dios cu'uncutique:

Éxodo 23:10

“Vaquib (6) jabil ta xatsob ti c'usitic xloc' x'ayan yu'un ta yabtelanel ti banomile.

Éxodo 23:12

“Vaquib (6) no'ox c'ac'al sjalil ta xapas scotol ti c'usi sc'an pasele. Ta yucubal (7) c'ac'al un, cuxo xa yo' jech ta xcux yo'ntonic ti avacaxe, ti aburroe, ta xcux yoc sc'obic ec ti amosove xchi'uc ti jyanlumetique.

Levítico 25:20

“Xu' nan ti xi ta xlic ajac'be abaique: ‘¿C'usi ta jve'tic ti c'alal ta xc'ot sc'ac'alil ti vucub jabile, ti mu ja'uc xu' ta xijts'unubaje, ti mu'yuc ta jtsobtic ti sat ts'unubale?’

Levítico 25:22

Va'i un, ja' ta xave'ilanic liquel ti sat ts'unubil ti q'uejbil xa avu'unique. Yu'un oy to ti c'alal ta xlic ats'un ta ach' ti c'alal ta sta ti xvaxaquibal jabile. Va'i un, ja' ta xave'ic batel ti c'alal ta xc'ot sc'ac'alil ti sbalunebal jabil ti sat ts'unubil ti q'uejele, ti c'alal ta xloc' talel ti yan ach' sat ts'unubile.

Números 16:14

Yu'un ti vo'ote ma'uc ta xavic'uncutic ech'el ta jun lum ti bu co'ol s'elan vo' ta xbein ti ch'u vacaxe, ti ajapome. Yu'un mi ja'uc ta xavac'buncutic ti osile, ti sts'unubal uvae. ¿Mi yu'un avac'touc xa ti co'oluc s'elan junuc ma'sat ti scotolic xvoletic batel ta apate? Mo'oj un, mu to jc'an jq'uelcutic ma' ti asat une.

Deuteronomio 15:11

Ti li' ta abanomile, mu'yuc bu xavil ti mu'yuc buch'u abol sbae. Ta xcalbot ava'i un, oyuc ti yutsil slequil avo'nton yu'un ti avinquileltac ti buch'u oy svocolic yu'un sme'onal smu'natil ta alumale.