Éxodo 22:21 - Bible in Tzotzil de Chamula

²¹ “Mu xavilbajin ta yutilanel ti jyanlumetique, yu'un jyanlum la'ech'ic ta Egipto ec.

Bible in Tzotzil de Chenalhó with Deuterocanon

²¹ “Li yanlumetique mu me xavuts'intaic, mu me xavutic, yu'un ja' jech yanlumoxuc ec ti c'alal te to'ox oyoxuc ta Egiptoe.

Éxodo 22:21 Iomraidhean Croise

Job 6:27

Yac'oj xa ajolic ta yilbajinbel xcuxlejal ti jun me'un mu'nate, ta xchonel batel ti buch'u mu tuch'baj ta o'ntonal ta xava'iique.

Salmos 146:9

Ti jyanlumetique, ti me'un mu'nate, ti me'unal antsetique, icbil japbilic yu'un ti Diose, yan ti buch'u mu'yuc xch'ulel xa'i sbaique, ta xch'ay ta be yu'un.

Éxodo 20:2

“Vu'un Ajvalil ti ja' Diosun avu'unique, ti laj jloq'uesoxuc talel ta Egipto ti bu mosovinbiloxuc to oxe.

Éxodo 23:9

“Mu xavilbe svocol ti jyanlumetique. Yu'un jyanlum la'ech'ic ti ta Egipto eque. Ja' yu'un un, xana'ic c'u s'elan ti naclej ta yan jteclume.

Isaías 1:17

Chanic ta spasel ti c'usi leque, Ac'beic yipal ta spasel ti c'usi oy yutsil stuq'uil ta q'uelele, tic'o abaic ta scoltael ti buch'u ta xich'ic ilbajinele, tic'o abaic ta spojel ti buch'u mu'yuc buch'u oy yu'unique, tic'o abaic ta xchapanel sc'op ti c'usi oy yu'unic ti me'unal antsetique.”

Jeremías 22:3

Li' ti bu nacaloxuque, liquesic ta yabtelanel ti pojele, ti c'usi lec ta pasele. Tic'o abaic ta spojel ti buch'u ilbajinbilic yu'un ti j'ilbajinvaneje. Mu xavilbajinic ti nijil ta xcom ta q'uexlal avu'unic ti jyanlumetique, ti buch'u mu'yuc buch'u x'ayan yu'unique, xchi'uc ti me'unal antsetique. Mu xamilic ti buch'u jeche' cuch c'op no'ox ta stae.

Jeremías 7:6

mi ta xapajes abaic ta yilbajinel ti jyanlumetique, ti me'unetique, ti me'unal antsetique, ti mu xamilic ta jeche' ti buch'u muts'ul sat ti ta xlaj avu'unic ti jnaclejetic li'e, mi ta xapajes abaic ta yich'el ta muc' ti yan diosetic ti ja' no'ox ta xata o avocolic yu'une,

Ezequiel 22:7

Mu xaq'uic ta venta stot sme'ic ti jnaclejetic avu'une, naca xilbeic no'ox svocol ti jyanlumetique, ta yilbajinel ti buch'u mu'yuc buch'u x'ayan yu'une, xchi'uc ti me'unal antsetique.

Levítico 19:13

“Mu xapas ti cajal ta xavac' aba ta yilbajinel ti achi'ile. Mi ja'uc xapojbe ti c'usi ja' yu'une. “Mu me yanuc to c'ac'al xatoj ti j'abtele ti xu' no'ox ta xava'i ti achabiojbe ti stojole.

Levítico 19:33

“Mu xavilbajin ta yilbel svocol ti jyanlumetic ti nacal ta atojolique.

Levítico 19:34

Biso ta junuc achi'ilic. Oyuc syail xc'uxul avo'nton ta stojol, yu'un co'ol oy ach'ulelic. Ma'uc no'ox taje, yu'un jyanlum la'ech'ic ta Egipto. Yu'un vu'un ti Ajvalil Diosun avu'unique.

Levítico 25:35

“Mi oy jun avinquilel ti me'un com ta j'ech'el ti tal snaban sba ta atojole, tsots sc'oplal ta xacolta jech c'u cha'al junuc jyanlum ti ja' jun j'ech'el-be no'oxe. Ta xachi'in ta naclej.

Zacarías 7:10

Mu xavilbeic svocol ti me'unal antsetique, ti me'un mu'natetique, ti jyanlumetique, ti buch'utic mu'yuc jutebuc c'usi x'ayan yu'unique. Mu xlic ajolic ta snopel ti ta xasoques abaic ta jujun tale.”

Malaquías 3:5

Ti Dios ti scotol xu' yu'une xi ta xale: “Ta xtal jchapanoxuc ava'iic. Ti jech yorail taje, vu'un ta jva'an jba ta rextico ta scontrainelic ti buch'utic yac'ojbeic yipal ta sc'oponel ti sbel banomile, ti buch'utic ta xmulivaj ta yane, ti buch'utic ta jeche' no'ox ti c'usi ta sva'anic ta rexticoe, ti buch'utic ta xilbeic svocol ti j'abteletique, ti me'unal antsetique xchi'uc ti me'un mu'natetique, ti buch'utic mu'yuc stu ta xilic ti jyanlumetique, xchi'uc ti buch'utic mu x'ac'vanic ta ventae.

Deuteronomio 1:16

Ta yorail no'ox taje, xi xcholet laj jbijubtasic ti jchapanvanejetic avu'unique: ‘A'yibeic lec sc'op scotolic. Lec xachapanic xtoc. Ti c'u s'elan ta xapasic ta stojol ti avinquilelique, ja' no'ox jech xapasic ta stojol ti jyanlumetique.

Deuteronomio 10:18

Yu'un ti Dios taj une, ta stic' sba ta spojel ta scoltael ti buch'u ch'abal c'usi x'ayan yu'une, xchi'uc ti me'unal antse. Yu'un ta xc'uxubin, ta xac'be sve'el, ta xac'be sc'u' ti jyanlum ti nacalic ta atojolique.

Deuteronomio 10:19

Ja' yu'un ti vo'oxuc un cha'e, oyuc syail c'uxul avo'nton ta stojol ti jyanlumetique, yu'un xana'ic lec ti jyanlum la'ech'ic ta Egiptoe.

Deuteronomio 15:15

Mu me xach'ay ta avo'nton ec ti mosovinbilot la'ech' ta Egiptoe. Yu'un ti Dios avu'une laj spojot loq'uel talel. Jech o xal avi une, ta xcalbot ava'i ti tsots sc'oplal sc'an ta xapase.

Deuteronomio 23:16

Ch'an utic, nacluc ta atojolic ta jteclum ti bu jun yo'nton xchi'uc ta xa'ie, ti bu c'ot ta t'ujel yu'une.

Deuteronomio 23:7

“Manchuc mi jech un, mu xabajic ti edomitaetique, yu'un ja' avuts' avalalic. Mi ja'uc xabajic xtoc ti egipcioetique. Yu'un lanaquiic to ox ta slumalic.

Deuteronomio 24:17

“Mi jutebuc xavilbajinic ta pasbel chopol ti jyanlumetique, mi ja'uc ta stojol ti buch'u mu'yuc buch'u oy yu'une. Mi ja'uc xavich'beic ta rentail sc'u' spoq'uic ti me'unal antsetique.

Deuteronomio 27:19

‘Bac svocol chamuc ta banomil ti buch'u ta xlic yilbajin ti jyanlume, mi ja' jun me'unal ants, mi ja' ti buch'u mu'yuc buch'u oy yu'une.’ Xi ta stac' scotol ti lume: ‘Jechuc.’