Éxodo 21:6 - Bible in Tzotzil de Chamula

⁶ va'i un, ti yajvale ta xic' batel ta stojol ti Diose. Xbat sva'an ta ti'na, mi ta smarcoil ti'na. Tey ta sjombe xchiquin ta jun jich'il ni' taq'uin. Ja' yu'un un, ja' smosov o ta xcom.

Bible in Tzotzil de Chenalhó with Deuterocanon

⁶ li yajvale ac'o yic' batel ta stojol Dios; te ac'o c'ot sva'an ta sts'el smac ti'na, o ta smarcoal ti'na, ac'o svombe xchiquin ta jich'il taq'uin. Jech xu' chcom o ta smozo scotol c'ac'al.

Éxodo 21:6 Iomraidhean Croise

1 Reyes 12:7

Xi laj stac'beic ti stuquique: —Ti jech ta xavac' aba ta tunel ta stojol ti jnaclejetic avi tana li'e, ti oy stuq'uil ta ac'op ta xatac'bee, ti stuquique ta xac' sbaic ta tunel ta atojol.

Salmos 82:1

Ti Diose chotol c'ot ec un xchi'uc ti j'abteletic ti yich'ojic tsots yabtelic ti oy ta toyol cajale, ti jamal xi ta x'albat ti smulique:

Éxodo 12:12

Yu'un ti jech ac'ubal taje, ta xi'ech' ta stojol scotol ti egipcioetic ti ta jyayijesbe ta milel scotol ti sbanquilal nich'nabic ti jujuchop jnaclej egipcioetique, xchi'uc scotol ti sba yoltac ti xchon sbolomique. Yu'un ta jchapan ya'iic ti diosetic yu'un ti egipcioetique. Yu'un jech xcal ti Vu'un Ajvalilune.

Éxodo 21:22

“Mi oy cha'vo' viniquetic ta xlic stsac sbaic ta majel ti ta syayijesic junuc ants ti xchi'uc yole, ti yal yu'unic ti olole, ti mu'yuc xcham o yu'unique, jech ti buch'u jliquesej letoe, ta stoj multa ti c'u yepal ta xc'anbat yu'un smalal ti antse. Jech ta xcom ti c'u yepal c'ot ta nopel yu'unic ti jchapanvanejetique.

Éxodo 21:5

Yan mi mu sc'an xbat ti mosovil ti c'alal c'ot xa yorail ti xu' ta xcol batele, mi mu to ictabaj ta xa'i ti yajnile, ti xnich'nabe, xchi'uc ti yajvale,

Éxodo 21:7

“Mi oy buch'u ta xchon ta mosovil ti yantsil nich'one, ti tsebe mu colemuc ta xloc' batel jech c'u cha'al sc'oplal ti viniquetique.

Éxodo 22:28

“Mi ja'uc xasoquesbe yo'nton ti Diose. Mu xabis ta cotol chaval ti ajvaliletic yu'un ti alumale.

Isaías 1:26

Ta xc'ot ta pasel cu'un ti ta xcac' talel jchapanvanejetic ta atojol jech c'u cha'al ta vo'nee. Ta xcac' taluc jbijubtasvanejetic jtojobtasvanejetic ta atojol jech c'u cha'al ta ba'yele. C'alal mi c'ot xa ta pasel cu'un ta atojolic une, ta xlic albatan ‘Xa'ibeic sni' xchiquinal ti jteclum le'e’, ‘mu'yuc c'usi sna'ic ti lum le'e’, xi ti ac'oplalique.

Levítico 25:23

“Yu'un xi s'elan sc'oplal ti banomil ti mu stac' chonel ta j'ech'ele: yu'un ti banomile, ja' cu'un. Ja'uc ti vo'oxuque, naca j'ech'el-beoxuc ta xa'ech'ic ta stojol ti co'ol s'elan jun cajch'om-naoxuque.

Levítico 25:40

C'otuc no'ox avu'un jech c'u cha'al junuc avaj'abtel, mi mo'oje, jech c'u cha'al junuc jch'om-na c'otuc avu'un. Ac'o abtejuc ta atojol ja' to ti mi c'ot sjabilal ti pojel colele.

Sofonías 3:3

Ti banquilaletic yu'une, co'ol s'elan león ti xloquet no'ox ti snuq'uique. Ja' jech xtoc ti jchapanvanejetic yu'unique, ja' xchi'ilic jun oq'uil ti oyic ta sbajtical banomile, mu jutebuc sbaquil ta sacub yu'unic ti c'usi ta staic ta nutsele.

Deuteronomio 1:16

Ta yorail no'ox taje, xi xcholet laj jbijubtasic ti jchapanvanejetic avu'unique: ‘A'yibeic lec sc'op scotolic. Lec xachapanic xtoc. Ti c'u s'elan ta xapasic ta stojol ti avinquilelique, ja' no'ox jech xapasic ta stojol ti jyanlumetique.

Deuteronomio 15:16

“Ja'uc le' une, mi ta xal ti amosov ti mu sc'an xictaot comele, ti mu xastuch'ot ta yo'nton yu'un ti c'u avepalique, ta sventa ti lec ac'uxubinoje,

Deuteronomio 15:17

va'i un unbi, ic'o batel, ba va'ano ta sti' ana, jombo xchiquin ta junuc jich'il ni' taq'uin. Yu'un ti jech taj une, ta xcom o ta amosov ta j'ech'el. Ma'uc no'ox taje, ja' jech xapas ta stojol ti ame' mosov xtoc mi sc'an xcom ta atojole.

Deuteronomio 16:18

“Va'anic jchapanvanejetic xchi'uc j'opisialetic ta sventa scotol ti lumetic ti bu ta xa'ac'batic yu'un ti Ajvalil Dios avu'unic ta jujuvoq'ue, yo' jech oy tuq'uil chapanel yu'un ti jteclume.

1 Samuel 1:22

Ja'uc ti Anae mu'yuc xbat yu'un xi laj yalbe ti smalale: —Avi tana li'e, ja' to ta xibat mi laj quictabe xchu' ti olole. Va'i unbi, ta xquic' batel yo' jech j'ech'el ta xquicta comel ta yajtunel ti Diose.

1 Samuel 27:12

Ti Aquise spatoj yo'nton ta stojol ti Davide, yu'un xi ta snope: “Pisile, joybij xa ta scontrainel israeletic ti Davide, ta xcom o ta cajtunel ti jech ta spas le'e.”

1 Samuel 28:2

Xi laj stac' ti Davide: —Lec oy, batic. Ja' to jech xana' tana, Jcuch Abtel, ti ta xavil ta aba asat ti c'usi lec xtojob ta spasel ti avajmosov li'e. —Ti jech taje, ta jva'anot ta cajchabivanej —xi laj stac'be David ti Aquise.