Éxodo 21:13 - Bible in Tzotzil de Chamula

¹³ Yan ti buch'u mu yolobajuc laj spase, yu'un xa jech c'ot o yorail ti buch'u chame, ts'acal to un, vu'un ta xcac'be sna' ti bu xu' chba snac' sbae.

Bible in Tzotzil de Chenalhó with Deuterocanon

¹³ Pero me mu'yuc snopoj tsmil li xchi'ile, me yu'un xa jech la jc'an te chcham oe, vu'un chacalboxuc ava'yic bu xu' chbat snac' sba li boch'o imilvane.

Éxodo 21:13 Iomraidhean Croise

2 Samuel 16:10

Ja'uc le'e, xi tac'bat yu'un ti ajvalile: —Le'e, ma'uc aventaic, xnich'nab Sarvia. Ti jech ta xisbisun ta cotol chavale, yu'un nan jech ac'bat sna' yu'un ti Diose. Ti mi jech ono'ox une, ¿buch'u ono'ox ta xchapanat yu'un ti jech ta spase?

Isaías 10:7

“Ti ajvalil yu'un Asiriae, mi ja'uc jech ta snop, mi ja'uc jech ta xac' sjol, mi jutebuc jech ma' ti snopoj ta spase. C'ajomal no'ox oy ta yo'nton ta stsutses ya'ie, ti ta xilbe svocol ti ep ta chop ti muc'tiquil lumetique.

Miqueas 7:2

Ja' jech ti li' ta banomile, mi ja'uc xa oy viniquetic ti oy stuq'uil snopbenal yu'unic ta stojol ti Diose. Scotolic ja' yac'oj sjol yo'ntonic ti snopojic xa c'usi ora ta sliques ta spasel ti c'usi chopole; ta ono'ox xac'be sba spets'alic ta jujun tal.

Números 35:6

“Ti jteclumetic ta xavac'beic sventain ti levitaetique, vaquib (6) jteclumetic sventa nac'obbail yo' oy bu xu' ta snac' sba mi oy buch'u laj smile. Ma'uc no'ox ti jech yepal taje, ta to xavac'beic chib yoxvinic (42) ta lum.

Deuteronomio 19:14

“Ti ta banomil ti bu ta xa'ac'batic yu'un ti Ajvalil Dios avu'unique, tsots sc'oplal ich'ic ta muc' ti sts'aquil xrexto osil ti alac' nae, jech c'u cha'al ac'bil ono'ox comel ta vo'nee.

Josué 20:1

Ti Josuee xi c'oponat yu'un ti Diose:

1 Samuel 24:10

Laj xavil ta aba ta asat, Jcuch Abtel, ti Diose laj xa yac'ot ta coc ta jc'ob ta nail ch'en yo' ta jmil ti Jcuch Abtele. Mu ja'uc laj jmil ti Jcuch Abtele. C'ajomal no'ox laj jch'aybe smul scolo' ti Jcuch abtele, ti xi laj calbe jbae: “Mi ja' ajvalil ti Jcuch abtele, yu'un jech laj snop stuc ti Diose, ja' laj st'uj.”

1 Samuel 24:18

Avi tana li' une, laj avac' ta ilel ti ja' no'ox oy ta avo'nton ti lecuc oyucune. C'alal li'aq'ue xa ta avoc ta ac'ob yu'un ti Diose, mu'yuc xamilun.

1 Samuel 24:4

Ti Davide, xi albat sc'oplal yu'un ti svinictaque: —C'ot ta pasel avi tana li' une ti yalojbot ono'ox ti Dios ti ta xac'bot ta avoc ta ac'ob ti avajcontrae. Paso ta stojol ti c'usi lec ta xava'ie. Va'i un, yich'oj sbijil xcujet batel ti Davide, ti laj sbojbe loq'uel juteb xmochib c'u' ti Saule.