Éxodo 20:9 - Bible in Tzotzil de Chamula

⁹ Vaquib (6) c'ac'al ta xa'abtejic. Yu'un ja' o yorail ta xavabtelan scotol ti c'usi sc'an pasele.

Bible in Tzotzil de Chenalhó with Deuterocanon

⁹ Vaquib no'ox c'ac'al xu' cha'abtejic, xu' chapasic scotol li avabtelique.

Éxodo 20:9 Iomraidhean Croise

Éxodo 16:26

Vaquib (6) c'ac'al sjalil xu' xatsobic ti c'usi ta xtun avu'unique. Ja'uc ti ta yucubal (7) c'ac'ale, ja' sc'ac'alil cuxob o'ntonal. Jech o xal un, mu'yuc c'usi x'ayan.

Éxodo 23:12

“Vaquib (6) no'ox c'ac'al sjalil ta xapas scotol ti c'usi sc'an pasele. Ta yucubal (7) c'ac'al un, cuxo xa yo' jech ta xcux yo'ntonic ti avacaxe, ti aburroe, ta xcux yoc sc'obic ec ti amosove xchi'uc ti jyanlumetique.

Éxodo 31:15

Vaquib c'ac'al xu' xa'abtejic. Yan ti ta yucubal c'ac'ale, ja' xa cuxob o'ntonal ti t'ujbil yu'un ti Diose. Ti buch'u ta x'abtej ta sc'ac'alil ti cuxob o'ntonale, chapal sc'oplal ta xich' milel.’

Éxodo 34:21

“Vaquib no'ox c'ac'al sjalil ta xa'abtejic, ja'uc ti ta yucubal c'ac'ale, tsots sc'oplal ta xacuxic, ac'o mi ja' o yorail ti ts'unubajele, ti stsobel ti ts'unubale.

Éxodo 35:2

Vaquib no'ox c'ac'al sjalil ta xich' pasel ti abtele. Yan ti ta yucubal c'ac'ale, ja' jun ch'ul c'ac'al avu'unic, ti j'ech'el ja' jun cuxob o'ntonal sventa yich'el ta muc' ti Diose. Buch'uuc no'ox ta x'abtej ti jech c'ac'al taje, chapal xa sc'oplal ta xich' milel.

Éxodo 35:3

Ti buyuc no'ox ti oyoxuc ta nacleje, mi ja'uc xu' xatsanic jsetuc c'oc' ti ja' o sc'ac'alil cuxob o'ntonale.”

Ezequiel 46:1

“Xi ta xcal ti vu'un Diosune: Ti ti'na sq'ueloj batel sloq'ueb c'ac'al ta yelov amac' ti oy ta yute, tsots sc'oplal bajal ti vaquib (6) c'ac'al yorail abtele. Ta xich' jamel ta yorail cuxob o'ntonal xchi'uc ta sc'ac'alil ti ach' ue.

Levítico 23:3

“Vaquib c'ac'al sjalil ti stac' xa'abtejique. Ja'uc ti ta yucubal c'ac'ale, mi ja'uc xa stac' xa'abtejic mi jset'uc. Yu'un ja' jun c'ac'al ti tsots sc'oplal cuxob o'ntonal ta j'ech'ele. Ta xc'ot ta ch'ul tsoblej avu'unic. Ti buyuc no'ox ta xanaquie, ti jech c'ac'al taje, ja' cuxob o'ntonal ta sventa yich'el ta muc' ti Diose.

San Lucas 13:14

Ja'uc ti banquilal jpas-mantal yu'un ti ch'ul nae, cap sjol, yu'un ta sc'ac'alil cuxub o'ntonal, colesvan ti Jesuse. Xi laj yal ta stojol ti jnaclejetique: —La', ac'o abaic ta poxtael ti oy vaquib c'ac'al stac' xij'abteje, ma'uc ta yorail sc'ac'alil ti cuxob o'ntonale.

Deuteronomio 5:13

Yu'un vaquib no'ox c'ac'al ta xa'abtej. Yu'un ja' o yorail ta xavabtelan scotol ti c'usitic sc'an pasele.