Éxodo 20:8 - Bible in Tzotzil de Chamula

⁸ “Vuleso ta avo'nton sc'ac'alil ti cuxob o'ntonale yo' jech ich'bil ta muc' ta xc'ot ti Diose.

Bible in Tzotzil de Chenalhó with Deuterocanon

⁸ “Na'ic me li sc'ac'alil chacux avo'ntonic sventa chavoc'bicun ta jventae.

Éxodo 20:8 Iomraidhean Croise

Génesis 2:2

Ti ta yucubal c'ac'ale, laj xcux yo'nton ti Diose, yu'un tsutsem xa ox yu'un ti c'usitic laj smeltsane.

Génesis 2:3

Va'i un, laj sts'uiltas ti yucubal c'ac'ale, yu'un laj yal ta jamal ti ja' jun ch'ul c'ac'ale. Yu'un ti jech c'ac'al taje, ja' o laj xcux ta sventa scotol ti yabtel laj smeltsane.

Nehemías 13:15

Laj quil ti jech yorail taje, ti ta Judae oy buch'utic ta st'usic ta teq'uel uva sventa ta smeltsanic vino ti c'alal ja' o sc'ac'alil ti cuxob o'ntonale. Laj quil ti oy buch'utic syomojic ta q'uechel ti jujuchuc trigoe, ti ta xac'beic ech'el xcuch burro ti vinoe, ti jujuvoj uvae, ti sat icuxe, xchi'uc scotol ti c'usiuc no'ox icatsil ti ta xich'ic batel ta Jerusalene. Va'i un, laj jvulic ta scoj ti ta xchon sbolomalic ti jech c'ac'al taje.

Nehemías 9:14

Laj achanubtas c'u s'elan ich'bil ta muc' ta xac'ot ta sc'ac'alil ti cuxob o'ntonal ti t'ujbil avu'une. Laj avac'be ti mantaletique, ti chanubtaseletic ti ja' melele, ti c'usi jbel tsots albile, xchi'uc ti chanubtaseletic ti laj avac' comel ta sventa ti avajtunel Moisese.

Éxodo 23:12

“Vaquib (6) no'ox c'ac'al sjalil ta xapas scotol ti c'usi sc'an pasele. Ta yucubal (7) c'ac'al un, cuxo xa yo' jech ta xcux yo'ntonic ti avacaxe, ti aburroe, ta xcux yoc sc'obic ec ti amosove xchi'uc ti jyanlumetique.

Éxodo 31:12

Ti Moisese, xi albat ti c'alal c'oponat talel yu'un ti Diose:

Éxodo 35:1

Ti Moisese laj stsob talel scotol ti c'u yepal svoloj sbaic ti israeletique, ti xi laj yalbee: “Ti Diose laj yalbun mantal ti ac'o xi xcholet ac'o yich' pasele:

Isaías 56:2

Mu'yuc c'usi sna' ma' ti buch'u yac'ojbe yipal ta spas ti mantaletique, ti ta yutsil yo'nton ta xc'ot ta pasel yu'une, ti ta xchabi ti sc'ac'alil cuxob o'ntonale, ti mu ja'uc ta soquese, ti stuc'ulanoj sba ti mu spas jset'uc ti c'usi chopole.”

Isaías 58:13

“Ich'o ta muc' sc'ac'alil ti cuxob o'ntonale. Ma'uc me xbat avo'nton ta bolomajel ta yorail ti ch'ul c'ac'al cu'une. C'otuc ta avo'nton ti ja' yorail muyubajel ti c'ac'al taje, ti xc'ot o ta yich'obil ta muc' ti jun ch'ul c'ac'al yu'un ti Diose. Xi'tao, yu'un ma'uc yorail ti oy c'usi quechel macalote. Ma'uc yorail ti avac'ojbe xa yipal ta sa'el ti c'usi ta xtun avu'une, ti batem avo'nton ta bolomajele.

Jeremías 17:21

Xi ta xal ti Diose: Ti sc'ac'alil cuxob o'ntonale, ja' sventa alequilalic. Mu xavich'ic talel ti icatsile. Mi ja'uc xatiq'uic ochel ta ochebal ti'naetic yu'un ti jteclum Jerusalene.

Jeremías 17:22

Mu xacuchic loq'uel icatsiletic ta anaic c'alal ja' o sc'ac'alil ti cuxob o'ntonale. Mi ja'uc xapasic jtosuc abtel. Ich'beicun ta muc' ti sc'ac'alil cuxob o'ntonal jech c'u cha'al laj calbeic ya'iic ti atot ame'ic ta vo'nee.

Jeremías 17:24

“ ‘Xi ta xcal ta jamal ti vu'un Diosune: Ch'unbeicun ti jc'op ta melele. Mu xacuchic batel icatsil ta sti'tac jteclum c'alal ja' o sc'ac'alil ti cuxob o'ntonale. C'otuc ta jventa avu'unic ti jech c'ac'al taje. Mu xapasic jtosuc abtel.

Ezequiel 20:20

Ich'ic ta muc' ti sc'ac'alil cuxob o'ntonale, ti tsots sc'oplal t'ujbil ti c'otem ta aventaique, svinajeb ti c'u s'elan oyoxuc xchi'uc ti vu'une. Ta xlic ana'ic unbi ti vu'un Ajvalil Dios avu'unique.

Levítico 19:3

“Ti jujunoxuque, bic'tajeso abaic ta snijanel xchimanel abaic ta yich'el ta muc' ti atotique xchi'uc ti ame'ique. “Ich'ic ta muc' xtoc ti sc'ac'alil cuxob o'ntonale. Yu'un vu'un ti Ajvalil Diosun avu'unique.

Levítico 19:30

“Ich'ic ta muc' ti sc'ac'alil cuxob o'ntonale. Nijano chimano abaic ta stojol ti jch'ulnae. Yu'un vu'un ti Ajvalilune.

Levítico 23:3

“Vaquib c'ac'al sjalil ti stac' xa'abtejique. Ja'uc ti ta yucubal c'ac'ale, mi ja'uc xa stac' xa'abtejic mi jset'uc. Yu'un ja' jun c'ac'al ti tsots sc'oplal cuxob o'ntonal ta j'ech'ele. Ta xc'ot ta ch'ul tsoblej avu'unic. Ti buyuc no'ox ta xanaquie, ti jech c'ac'al taje, ja' cuxob o'ntonal ta sventa yich'el ta muc' ti Diose.

Levítico 26:2

Ich'ic ta muc' ti sc'ac'alil cuxob o'ntonale. Biq'uit xavac' abaic yu'un ti jch'ulnae. Yu'un vu'un ti Ajvalilune.

Números 15:32

C'alal oyic ta sbajtical banomil ti israeletique, oy jun vinic ti yacal ta sa' si' c'alal ja' o sc'ac'alil cuxob o'ntonale.

Deuteronomio 5:12

‘Mu xch'ay xava'i sc'ac'alil ti cuxob o'ntonale yo' jech ta xavac' ta ich'el ta muc' ti Diose jech c'u cha'al yalojbot mantal ti Dios avu'une.