Éxodo 20:7 - Bible in Tzotzil de Chamula

⁷ “Va'i un, mu xaloq'uesic sbi ta jeche' no'ox ti Ajvalil ti ja' Dios avu'unique, yu'un ti stuque ta stsits ya'i. Mu teyuc no'ox sq'ueloj ti buch'u ta sbiiltasat ta jeche' no'oxe.

Bible in Tzotzil de Chenalhó with Deuterocanon

⁷ “Mu me xavixtanbicun jbi, vu'un li Muc'ul Diosun avu'unique. Yu'un li boch'o chiyixtanbun jbie ta me xcac'be stoj smul.

Éxodo 20:7 Iomraidhean Croise

Génesis 27:20

Va'i un, ti Isaaque xi laj sjaq'ue: —¿C'usi laj avut laj ata no'ox talel ta anil ti ve'lile, cuni querem? Xi laj stac' ti Jacobe: —Ja' laj scoltaun ta sa'el ti Ajvalile, ti Dios avu'une.

1 Reyes 2:9

Oy abijil, xana' c'usi xu' xavut. Mi ja'uc xc'uxubaj avo'nton yu'un ta xch'aybel ti smul scolo'e. Ja'uc le'e, paso tsatsal ti c'ux-c'uxticuc ac'o ya'i ti svocol c'alal ta xchame.”

2 Reyes 5:20

c'alal ti Giezi smosov ti j'alc'op Eliseoe, xi laj snope: “Ti cajvale sq'ueloj no'ox bat ti Naamán ti ja' jun sirioe. Mi ja'uc laj stsacbe comel ti c'usi yich'oj talele. Jamal xcal ta sba ta sat ti Diose, ta xba jta ta be ta anil. Jq'ueltic quic mi oy c'usi ta xiyac'bun talele.”

Salmos 139:20

ti buch'utic ta xchopol c'opojic ta atojole, ti xvoletic no'ox liquel ta scontrainelote.

Proverbios 30:9

Yu'un mi yepal no'ox jtaoje, mu nan xacac'ot ta venta un, ta xlic cal ti mu xacojtiquinot une. Mi ch'abal une, xu' xi'och ta elec' liquel un, ta xlic chopol c'opojcun ta ach'ul tojol un.

Jeremías 34:16

Ts'acal to xtoc un, lic ayanijesic ti snopobil avu'unique. Lic asoquesic ti jc'oplale ta scoj laj acha'tiq'uic ta mosovil ti buch'utic laj xa ox acoltaic batele.

Jeremías 4:2

mi naca melel, mi naca pojel xchi'uc naca slequil o'ntonal ti xava'an aba ta rextico ta jventae, va'i unbi, ta xjoybij ta xc'uxubinelic, ta slequil c'optaelic ti muc'tiquil lumetic ta jventae.”

Ezequiel 39:7

Ich'biluc c'otcun ta muc' yu'un ti jteclumal Israele. Mu xcac' que jti' q'uelbil no'ox ta soquel. Ta sna'ic ti muc'tiquil lum jyanlumetique, vu'un ti Ajvalilune, ti ta xcac' ta ilel jlequil cutsilal ta stojol ti Israele.

Levítico 19:12

“Mu ta jeche'uc no'ox xava'anun ta rextico ti co'ol s'elan xc'ot xa xac'opoj yilele, yu'un ta xasoquesbe sc'oplal ti Dios avu'une. Yu'un vu'un ti Ajvalilune.

Malaquías 3:5

Ti Dios ti scotol xu' yu'une xi ta xale: “Ta xtal jchapanoxuc ava'iic. Ti jech yorail taje, vu'un ta jva'an jba ta rextico ta scontrainelic ti buch'utic yac'ojbeic yipal ta sc'oponel ti sbel banomile, ti buch'utic ta xmulivaj ta yane, ti buch'utic ta jeche' no'ox ti c'usi ta sva'anic ta rexticoe, ti buch'utic ta xilbeic svocol ti j'abteletique, ti me'unal antsetique xchi'uc ti me'un mu'natetique, ti buch'utic mu'yuc stu ta xilic ti jyanlumetique, xchi'uc ti buch'utic mu x'ac'vanic ta ventae.

2 Corintios 1:23

Ti jech mu'yuc xic'ot ta Corinto avi tanae jech c'u cha'al jnopoje, yo' mu xcac'oxuc ta at o'nton. Ja' yiloj Dios ti jech co'ntone, yu'un mi mu jechuque, li' oyune, ac'o xischapanun ti Diose.

Deuteronomio 10:20

“Xi'taic ti Dios avu'unique. Ja'uc no'ox stuc, nijano, chimano abaic ta yich'el ta muc'. Junuc avo'ntonic ta stojol. Ja'uc me xava'an ta rextico ti c'alal ta xava'an aba ta yalel ti jbel xa sc'oplal ta xc'ot ta pasel avu'un ti ac'op laj avalique.

Deuteronomio 5:11

‘Mu xatailan ta alel ti Ajvalil Dios avu'un ti c'usiuc no'ox ta xavalilane. Yu'un ti stuque mu teyuc no'ox sq'ueloj ti buch'u ta xtae ta alilanel ta c'usiuc no'ox ta xalilane, ta stsitsat yu'un.

Deuteronomio 6:13

Bic'tajeso ta snijanel xchimanel abaic ta yich'el ta muc' ti Ajvalil Dios avu'unique. C'ajomaluc no'ox tunan ta stojol. C'alal oy c'usi ta xavalic ta jamale, c'ajomaluc no'ox me c'otuc ta rextico avu'un ti stuque.

Santiago 5:12

Ja'uc le'e, Jchi'iltac, xi s'elan ma' ti tsots sc'oplal ti mu'yuc c'usi xava'anic ta rexticoe: mi ja'uc ti vinajele, ti banomile, mi yan c'usi jtosucal. C'alal ta xavalic “jech”, yu'un jech ono'ox. C'alal ta xavalic “mu jechuc”, yu'un mu jechuc ono'ox, yo' mu xataic chapanel yu'un ti Diose.

Josué 2:12

Jech o xal un, avocolicuc, va'ano abaic ta yalbelun avi li'e, xchi'uc ta sba ta sat ti Diose, ti c'uxubinicun xchi'uc ti cuts' calaltac jech c'u cha'al laj jc'uxubinoxuque. Ac'bun quil ec un ti yutsilal slequilal avo'ntonique.

Josué 2:17

Jech laj stac'beic ti stuquique: —Ti c'u s'elan laj ac'uban abae, ta xc'ot ta pasel cu'uncutic.

Josué 9:20

Ch'ancutic, tsots sc'oplal ti ch'i c'opojicuque. Yu'un mi ta xlic jsutes quecutic ti laj jva'an jbacutic ta yalel ti tratee, ta xlic ilinuc ti Dios ta jtojoltique.