Éxodo 20:5 - Bible in Tzotzil de Chamula

⁵ Mu xanijan xachiman aba ta stojolic. Mi ja'uc xamuyubta ta yich'el ta muc', yu'un vu'un ti Ajvalil Diosun avu'unique. Yu'un ti jech Diosune, mu lecuc ta xca'i ti buch'u ta spec'tsanbun jc'oplal ta yich'el ta muc' ti yane. Ta jtsitsic ya'i ta scoj smulic ti totil me'iletic ti xti'et xcapet sjolic ta jtojole, ti ta staic ta maquiel ti yalab xnich'nabique, ti smomique, ti syialmomique.

Bible in Tzotzil de Chenalhó with Deuterocanon

⁵ Mu me xaquejan abaic ta stojol; mu me xavich'ic ta muc'. Yu'un vu'un jtuc Muc'ul Diosun avu'unic, vu'un Diosun ti toj it'ix co'nton me yan c'usi chavich'ic ta muq'ue. Li boch'o mu xiyich'un ta muq'ue ta xcac'be xcuch smulic c'alal to xchanc'olal smomnich'nabic.

Éxodo 20:5 Iomraidhean Croise

2 Samuel 21:1

C'alal yorail ochem ta ajvalilal ti Davide, ayan vi'nal ti snitoj sba oxib jabil sjalile. Va'i un, ti Davide lic sjac'be ti Diose, ti xi tac'bat talel yu'une: “Ti vi'nal le'e, ja' ta scoj smilvanejal ti Saule xchi'uc ti yuts' yalaltaque, yu'un laj smilic ti gabaonitaetique.”

2 Samuel 21:6

Le'e, ac'buncutic talel ta c'abal vuc-vo'uc ti snitilultaque. Ta sba ta sat ti Diose ta joc'ancutic ta te' ta Gabaa ta yosil ti Saule, ti buch'u t'ujbil yu'un ti Diose. Ti ajvalile laj xch'un. Laj yac'be ech'el ta yoc ta sc'obic.

1 Reyes 19:10

Xi laj staq'ue: “Toj tsots ac'oplal ta xca'i, ti mu jc'an ta xatenat comel ta Ajvalilal ti scotol xu' avu'une, Dios. Yu'un ti israeletique laj xa sten comel ta spat ta xocon ti atratee. Laj xa sjines ti avaltar une. Laj xa smilic ta espada ti avaj'alc'optaque. C'ajomal xa jch'ul tuc licom, ti yacal ta xisa'icun yo' ta stubbeicun ti jc'oplal avi tana une.”

1 Reyes 21:29

“¿Mi laj xa avil ti Acab ti biq'uit yac'oj sba ta jtojole? Ti jech biq'uit yac'oj sba ta jtojole, mu'yuc ta xcac'be svocol ti li' to cuxule, ja' xa smacoj ta xc'ot ti xnich'nabe.”

2 Reyes 17:35

Xi laj yal ti Dios ti c'alal laj spas strate ta stojolique: “Mu xapasbeic xi'el smuyubtael ti meltsanbil diosetique. Mu xanijan xachiman abaic ta stojol. Mu xavac' abaic ta tunel yu'un ta yac'bel ti milbil matanaletique.

2 Reyes 17:41

Va'i un, mu'yuc smelol ti c'usi lic spasique. Jliquel ta spasbeic stoyel xi'el ti Diose. Ta ono'ox snijan xchiman sbaic ta yich'el ta muc' ti c'usitic loc'tabil yu'unique. Ti snitilulique staoj to o yav ta spasic avi tanae jech c'u cha'al laj spasic ti smolmuc'totique.

2 Reyes 23:26

Ac'o mi jech un, ilinem to ti Diose, ja' ti mu to ta x'ech' ta xa'i ti sc'ac'al yo'nton ta stojol ti Judae, ta scoj ti liquesbat sc'ac'al yo'nton yu'un ti c'usi chopol laj spas ti Manasese.

2 Reyes 5:18

Jun xa no'ox ma' ti xi s'elan ta jc'anbe vocol ti Diose, ti ac'o xch'aybun ti jmul colo'e: ti c'alal xbat ta xch'ulna Rimón ti cajval ti sbic'tajesoj sba ta yich'el ta muq'ue, ti quiquil xa ta jtojole, ac'o xisch'aybun jmul jcolo' ti Dios ti ta jquejan jba eque.

2 Reyes 5:27

Ja'uc le' une, sc'a'emal chamel ti Naamane, sbatel osil nabal ta xc'ot ta atojol xchi'uc ti anitilultaque. C'alal laj xch'ac sba batel ti Giezi ta stojol ti Eliseoe, co'ol xa s'elan bot sac lo'an ta q'uelel ti sbec'tale. Tsacbil xa ta c'a'emal ta j'ech'el.

2 Crónicas 25:14

C'alal sut talel ta stsalel edomitaetic ti Amasiase, laj yich' talel ti diosetic yu'un ti Seire. Lic sbisan ta yajdios ti laj sbic'tajes xchimanel sba ta yich'el ta muq'ue. Lic xchic'be pom ta stojol.

2 Crónicas 7:19

Ja'uc le' une, mi vo'oxuc ta xlic ach'ac abaic ta jtojole, mi mu xc'ot ta pasel avu'unic ti jbel c'usi tsots albil sc'oplale, xchi'uc ti mantaletic ti laj cac'boxuque, ti ja' no'ox ta xlic abic'tajes abaic ta yich'el ta muc' ti yan diosetique,

Job 21:19

Ti vo'oxuque ta xavalic ti nich'nabiletic ta x'ac'bat stojic yu'un Dios ti c'usi chopol laj spas ti stot sme'ique. Le'e, ta xcal ja' ti buch'u mu'yuc xch'ulel xa'i sbae, ta stoj stuc, ta sta ya'i ti sibtasele.

Job 5:4

Mu'yuc buch'u stic' sba ta scoltael ti yalab xnich'nabe; mu x'aq'ueic ta venta yu'un ti jchapanvanejetic ta chapanobbaile, mu'yuc buch'u ta stic' sba ta spacbel ti sc'oplalique.

Salmos 109:14

Svulesuc ta yo'nton Dios ti mu'yuc xch'ulel xa'i sbaic ti stotique, ti j'ech'el cuxuluc o smul ti sme'ique.

Salmos 78:58

Laj sliquesbeic sc'ac'al yo'nton ti laj sva'anic altaretic ti ma'uc c'otem ta sventae; lic snijan sbaic ta yich'el ta muc' ti c'usi meltsanbil ta c'abale, laj syanijesbeic yo'nton un.

Salmos 79:8

Mu xavac' jtojcutic smul ti jtot jme'cutic laj ech'icuc ta vo'nee; ta jech yepal un, la' nupuncutic ta be ti mu tuch'bajuncutic ta avo'ntone, yu'un mu xa cha'beluc x'ech' ti jvocolcutique.

Salmos 81:15

Ti buch'u xti'et sjolic ta stojol ti Diose, ch'abal xa ma' ti xch'ulelic ta xlomic ta lum une, staoj yav xcuchoj ti svocolique.

Éxodo 23:24

Mu xachanbeic xchopolal ti jteclumetic taje. Mu xaquejan aba ta stojol ti diosetic yu'unique. Mi ja'uc xavich'beic ta muc'. Ja'uc c'otuc ta pasel ti lilinic ta j'ech'el ti loc'tabil diosetic yu'unique, xchi'uc ti c'opojebal ch'ul tonetic yu'unique.

Éxodo 34:14

“Mu xavich'ic ta muc' yan diosetic, yu'un ti Diose mu lecuc ta xil ti oyoxuc ta sc'ob yane. Yu'un stalel o ti Diose ti mu sts'ic yu'une.

Proverbios 8:36

Yan ti buch'u ta xch'ac sbaic ta jtojole, xi'bal xa sba xac' o ti sjol sbaquil xchi'uque; lajebal ta sc'upin ya'i ti buch'u xti'et sjol ta jtojole.”

Isaías 44:15

Ti jnaclejetic une ta xlic stunesic ta si'. Ti jlom sjepelule, ta sc'atinic. Oy jlom, ta stunesic ta sta'ajesobil pan. Ti jlome, ta smeltsanic o ta sloc'obbail junuc dios, ti xnijiletic xchimiletic liquel ta yich'el ta muq'ue.

Isaías 44:19

Mi ja'uc ta snopic, ja' ti mu xa'ibeic ti xchiquinal ti oyuc bu xi ta xalique: “Ti jlom sjepelultac ti te'e, laj jsi'in. Ti ta yac'alile, laj jta'ajes o pan. Laj jvo o ti beq'uet ti laj jti'e. Ti jlom une, laj jmeltsan o ti vi s'elan ta q'uelele. ¡Ti c'usi nijil chimilun ta yich'el ta muq'ue, uni te' no'ox!”

Jeremías 2:9

“Ti vu'un Diosune, mu stselbuj ti xi ta xcale: Ta jch'uch'ul sa'ilan yo' ta jta ti c'uxi contra xaquilot xchi'uc ti amamubtaque.

Jeremías 32:18

Ta xavac' ta q'uelel syail xc'uxul avo'nton ta stojol ti yepal no'ox ta voc' ta x'ech'ique. Ta xatsits xtoc un ti buch'uuc no'ox ta scoj smul ti stot sme'ique. Jelavem amuc'ul un, Dios, cajal c'otem ma' ti ac'oplal une, Dios.

Ezequiel 18:19

“Xachi ta xajac'be abaic une: ‘¿C'u cha'al ti nich'onile, mu x'abolaj ta stojbel smul ti stote?’ Yu'un xi s'elan laj spas ti nich'onile: Laj spas ti c'usi leque, ti c'usi oy stuq'uile. Laj yabtelan, c'ot ta pasel yu'un scotol jech c'u cha'al ta xal ti oy c'usi jbel albile. Jech o xal j'ech'el ta xch'i xc'opoj un.

Ezequiel 18:2

“¿C'u cha'al ya'yel un mu xlaj ta alel yu'unic ta jteclum Israel ti oy xi x'ale ti c'ope: ‘Ti totil me'iletique, naca pajal uva ta slajesic, ta stsic' ye yu'unic ti yalab xnich'nabique?’

Ezequiel 20:7

Ti vu'un Ajvalil Diosun yu'unique, scotolic laj calbeic ya'iic ti xch'acuc sbaic ta stojol ti loc'obbail diosetic yu'un ti Egiptoe, ti mu soques sbaic xchi'uc ta yich'el ta muq'ue.

Ezequiel 39:25

“Jech o xal xi ta xcal ti vu'un Diosune: Tana li'e, scotol lum Israel snitilultac ti Jacobe, ta x'ayan liquel syail xc'uxul co'nton yu'unic. Ta jelbe yorailic yo' tsots sc'oplal ich'bil ta muc' ta xic'ot yu'unic.

Ezequiel 8:3

Jech ti buch'u co'ol s'elan vinic yilele, laj xach' talel ti sc'obe. Stsac xiyutbun ti stsotsil jole. Va'i un, ti smuc'ul stsatsal ti Diose, xi chechech to batel yu'un. Ti c'usitic laj quil ti c'alal jam ti jba jsate, ja' liquem ta stojol Dios scotol. C'alal to Jerusalén yic'ojun batel yilel, ti c'ot sva'anun ta ochebal ti'na ti oy ta yutil ti jteclum ti xi sq'ueloj batel ta stuq'uil yolon ti yolon xocon sloq'ueb c'ac'ale, ti bu va'al ti loc'obbail ti ilinem ti Dios yu'une.

Daniel 1:2

Jech ti Diose laj yac' ye ti ac'o ochuc ta c'abal yu'un Nabucodonosor ti Joacime, ti ochuc ta yoc sc'ob xtoc ti c'usitic jtunel ta xch'ulna ti Diose. Ti Nabucodonosore laj yic' batel c'alal to Babilonia ti jchuqueletique. Jech ti c'usitic toj jtunel ti laj sta batele, c'ot yac' ti bu q'uejel sc'ulejal ta xch'ulna ti yajdiostaque.

Daniel 3:18

Ac'o mi mu xispojuncutic, ta xcac'cutic lec ana' ta j'ech'el, Jcuch abtel, ti mu ono'ox ta jnijan jbacutic ta yich'el ta muc' ti diosetic avu'une. Mi ja'uc ta jquejan jbacutic ta stojol ti loc'obbail oroe.”

Levítico 20:5

vu'un ta xlic jcontrain xchi'uc ti c'u yepal oy ta snae. Ta jten loq'uel ti jech oy ta jteclum jmoj xchi'uc scotol ti buch'utic yan sjol yo'ntonic ta jtojol ti ta sbic'tajesel sbaic ta sts'ac-patiel ti dios Moloque.

Levítico 26:1

“Mu'yuc c'usi xameltsanic avajdiosic. Mi ja'uc xaloc'taic loc'obbailetic. Mi ja'uc xava'anic ta alumalic ti ta xabis ta ch'ul tonetique, xchi'uc mi oy c'usi ta xaloc'taic ta tonetique. Mu stac' xaquejan abaic ta yich'el ta muc'. Yu'un vu'un ti Ajvalil Diosun avu'unique.

Levítico 26:29

Va'i unbi, ta xlic ati'ic ti avalab anich'nabique.

Nahúm 1:2

Ti Ajvalile, ja' Dios ti mu sc'an ti ta xavac' abaic ta stojol ti yane; ti oy ta yoc ta sc'ob ta spaquel sutel xtoque, Ta spacbe sutel ti buch'utic ta sa' sbaic ta stojole, ja' jech xtoc ta x'ilin ta stojol ti scontrataque.

Números 14:18

ti mu xana' xacap ta anile, ti jelavem ti xc'uxul avo'ntone, ti xana' xatub ti toyobbaile, ti c'usi chopole, ac'o mi ta ono'ox xavac'be stoj ti buch'u chopole. Yu'un ta ono'ox xavac'be stoj smulic ti totil me'ile, ti ta sta ta maquiel xtoc ti nich'nabile, ti momiletique, ti yialmomiletique, ti smomic xtoc ti yialmomiletique.

Números 14:33

Yu'un ti avalab anich'nabique, cha'vinic (40) jabil co'ol s'elan j'il-chij ti yalel muyelic ta sbajtical banomile. Ti jech taj une, ta sbainic stojel ti jech mu'yuc stuq'uil avo'ntonique, ja' to ta xlaj c'op mi lacham acotolic li' ta sbajtical banomile.

Números 25:11

—Ti Fineese laj yac'un ta ich'el ta muc' yo' jech mu teyuc no'ox ta jcontrain ti israeletique. Yu'un ti stuque mu xnel sts'ic ta xa'i jech c'u cha'al ti mu xnel sts'ic ta xca'i ta stojolique. Ma'uc laj yac'un ta vocol xtoc ti jech mu xnel mu sts'ic ta xca'ie, ti jech ta jtsutsesic ti laj ta j'ech'ele.

San Mateo 4:9

Xi laj yalbee: —Mi ta xaquejan aba ta yich'elun ta muq'ue, ta xcac'bot avu'nin scotol le'e.

San Juan 15:18

“Mi ta scontrainoxuc ti jnaclejetic ta banomile, na'ic me ti jech laj scontrainicun ta ba'yele.

San Juan 7:7

Yu'un ti buch'utic co'ol avo'ntonic xchi'uque, mu'yuc xti'et sjolic ta atojolic. Ja'uc ti vu'une ta xiscontrainicun, ja' ti jamal ta xcalbe ya'iic ti c'usi chopol ta spasique.

San Juan 9:2

Xi jac'batic yu'un ti yajchanc'optaque: —Jchanubtasvanej, ¿c'u cha'al ma'sat voc' ti vinic li'e? ¿Mi ja' ta scoj smul ti stot sme'e, mi ta scoj smul stuc?

Romanos 1:30

xbet'bun no'ox yeic ta slo'iltael ti xchi'ilique, jcontrainej Dios, mu'yuc xch'ulel xa'i sbaic, stuc xa no'ox jech ta xa'i sbaic, jtoyobbaetic, xtal no'ox ta sjolic ta spasel ti c'usi chopole, mu xch'unbeic smantal stot sme'ic,

Romanos 8:7

Ti buch'u ta stalel stuc ta snopilan ti c'usi ta spasique, ta xc'otic ta yajcontra ti Diose, yu'un mu sc'an ta xich'ic ta muc' ti oy c'usi tsots sc'oplal albil yu'un ti Diose, mu ja'uc xtojobic ta xch'unel.

1 Corintios 10:22

¿Mi lec xana'ic ta xcac'tic ilinuc ti Diose? ¿Mi yu'un vo'otic ech'em cajal xca'i jbatic?

Deuteronomio 32:21

J'ech'el mu sts'ic cu'un ti buch'u ta spec'tsanbun ti jc'oplale, ti ich'bil ta muc' ta xc'ot yu'un ti yan diosetic ti c'alal ma'uc diose. Laj sliquesbeicun sc'ac'al co'nton yu'un ti yan diosetic yu'unique. Jechun ec un, ta jtic'beic ya'iic ta sjol ta yo'ntonic ti mu xa c'usi x'ech' o ta xa'i ti c'alal ta xilic jun jteclumetic ti ma'uc ic'bilic cu'une. Ta jliquesbeic sc'ac'al yo'nton ya'iic xchi'uc jun jteclum ti mu xa'ibeic ti xchiquinale.

Deuteronomio 32:41

ti c'alal ta sta yorail ta juxbe ye ti jts'ayetel quespadae, ti ta xlic lequilal chapanvancune, ta jpacbe ya'iic sutel ti cajcontrataque. Ta xcac'be stojolic ti buch'utic laj sti'-joltaicune.

Deuteronomio 4:24

Yu'un ti Ajvalil Dios avu'unique, ja' jun Dios ti mu sc'an ta xavac' abaic ta stojol yan. ¡Ja' jun c'oc' ti xlilij yu'un scotole!

Deuteronomio 5:10

Ac'o mi jech un, ja' no'ox ti mu'yuc spajeb sbatel osil ta jc'uxubinan ti buch'utic mu xituch' ta yo'ntonique, ti ta xc'ot ta pasel yu'unic ti jmantaltaque.

Deuteronomio 5:9

Mu xaquejan abaic ta stojol. Mi ja'uc xamuyubtaic ta yich'el ta muc'. Yu'un vu'unun ti Ajvalil Dios avu'unique. Yu'un ti jech Diosune, mu jutebuc sts'ic cu'un ti buch'u ta xac' sba ta sc'ob ti yane, ti ta jtsits ti totil me'iletic ta scoj ti smulic ti xti'et sjolic ta jtojole, ti ta sta ta maquiel ti xnich'nabique, ti smomique, ti syialmomique.

Deuteronomio 6:15

Yu'un ti Ajvalil Dios avu'unic ti li' oy ta atojolique, ja' jun Dios ti mu sc'an ta xavac' abaic ta stojol yane. Yu'un xu' ta x'ilin ta atojolic ti ta xch'ay ats'unubalic ta j'ech'ele.

Deuteronomio 7:10

Ja'uc le'e, ta stsutsesbe sc'oplalic ta j'ech'el ti buch'u contra x'ilun yu'une. Ta xac'be stoj ya'i, ¡ti mu ta sjaliluc ta xac'be sc'upin stojol ti buch'u contra x'ilun yu'une!

Santiago 4:4

Mu'yuc atuq'uilic ta j'ech'el jnaclejetic ta banomil. ¿Mi mu xana'ic ya'yel ti buch'u c'upil ta xa'i ti sba banomile, ta xc'ot ta yajcontra Dios? Buch'uuc no'ox ti ta sc'upijel yo'nton ta st'uj ti sba banomile, ta xjoybij ta yajcontra Dios.

Josué 23:16

Ti mi mu xc'ot ta pasel avu'unic ti strate ti laj spas ta atojolique, mi ta xbat anijan achiman abaic ta yich'elic ta muc' ti yan diosetique, ti xanijiletic xa liquel ta stojole, ta xlic ilinuc ti Diose. Ta jliquel no'ox ch'abaloxuc yu'un ta lequil banomil ti bu laj yac'boxuque.”

Josué 23:7

Mu xanupultas ajolic xchi'uc ti jnaclejetic ti li' oy ta atojolique. Mu xanijan xachiman abaic ta yich'el ta muc' ti diosetic yu'unique. Mi ja'uc xavac' abaic ta pasel ta mantal yu'un. Mi ja'uc ti lec xa xava'iic ta yalolanbel sbi ta sva'anel ta rextico ti diosetic taje.

Josué 24:19

Ja'uc ti Josuee xi laj stac'be ti jteclume: —Mu xu' avu'unic ta xavac' abaic ta tunel yu'un ti Diose. Yu'un ti stuque ja' jun Ch'ul Dios. Mu j'ech'eluc ts'icbaj ta xa'i ti pec'tsanbil ta xc'ot ti sc'oplal avu'unique, ti ja' xa ich'bil xa ta muc' ta xc'ot avu'unic ti yane. Mi ja'uc sts'ic yu'un ti atoyobbailique, ti amulique.

Jueces 2:19

Ja'uc le' une, c'alal ta xcham ti jtsobvaneje, ta xlic soques sbaic, ti x'ech' to xjelav ti c'usi chopol ta spasique, ja' mu to sta ti stot sme'ique, ti xnijiletic xchimiletic ta xich'ic ta muc' ta xac' sbaic ta tunel yu'un ti yan diosetique. Mi ja'uc ictabaj ta xa'iic ta spasel ti c'usi chopole. C'ajomal no'ox yac'ojbeic yipal ti mu xa'ibeic xchiquinale.