Éxodo 20:4 - Bible in Tzotzil de Chamula

⁴ “Mu xava'an jtosuc loc'obbail, mi ja'uc sloc'obbailtac ti c'usitic oy ta ac'ol ti ta vinajele, mi ja'uc sloc'obbailtac ti c'usitic oy ta banomil ti oy ta peq'uele, mi ja'uc ti c'usitic oy ta nab ti ts'anal ta banomile.

Bible in Tzotzil de Chenalhó with Deuterocanon

⁴ “Mu me xapas yan adiosic. Mu me xapas ta adiosic li c'usitic oy ta vinajel, ta banamile, xchi'uc ta nabetique.

Éxodo 20:4 Iomraidhean Croise

1 Reyes 12:28

C'alal laj yo'nton ta snopilanel ti va'i s'elan taje, ts'acal to un, ti ajvalile lic yac' ta meltsanel cha'cot sloc'obbail ch'in vacax ti loc'tabil ta oroe, ti xi laj yalbe ti lume: “Ti vo'oxuque, Israel, ep xa ta velta xacujlajetic ta Jerusalén. Li' oy ti adiosic ti laj sloq'uesoxuc talel ta Egiptoe.”

2 Reyes 17:12

Lic snijan xchiman sbaic ta yich'el ta muc' ti loc'tabil diosetique, ti c'alal tsots albilic yu'un Dios ti mu xu' jech ta spasique.

2 Crónicas 33:7

Ja' jech xtoc laj sva'an ta xch'ulna Dios ti loc'obbail laj yac' ta meltsanele, c'alal xi albat sc'oplal yu'un Dios ti Davide, xchi'uc ti xnich'on ti Salomón sbie: “Ti ch'ulna li' ta Jerusalene, ti laj jt'uj ta scotol yosilal ti jayvoc' Israele, c'ot ta yavil ti bu ta xi'ich'at ta muc' sbatel osile.

Salmos 78:58

Laj sliquesbeic sc'ac'al yo'nton ti laj sva'anic altaretic ti ma'uc c'otem ta sventae; lic snijan sbaic ta yich'el ta muc' ti c'usi meltsanbil ta c'abale, laj syanijesbeic yo'nton un.

Salmos 97:7

Ta x'aq'ueic ta lo'il maxil ti buch'utic ta squejan sbaic ta yich'el ta muc' ti c'usitic meltsanbil ta c'abale, ti cajal xa'i sba xchi'uquique. Scotol ti diosetique ta snijan sbaic ta stojol un.

Éxodo 20:23

Mu xaloc'taic ta smeltsanel avajdiosic ta c'anal taq'uin, ta saquil taq'uin, ti ta xanijan abaic ta stojol jech c'u cha'al ta xanijan abaic ta jtojole.

Éxodo 32:1

C'alal laj yilic ti israeletic ti jalij tey ta vitse, ti mu xyal talel ti Moisese, laj stsob sbaic ta stojol ti Aarone, ti xi laj yalbeique: —Mu teyuc no'ox xach'ayet, meltsanbun diosetic cu'uncutic yo' jech ta xistojobtasuncutic batel. Yu'un mu jna'cutic c'usi laj spas ti Moisés ti ja' laj sloq'uesuncutic talel ta Egiptoe.

Éxodo 32:23

Yu'un ti stuquique xi laj yalbeicune: “Meltsanbun junuc dioscutic yo' jech ta xistojobtasuncutic batel. Yu'un mu jna'tic c'usi laj spas ti Moisés taje, ti c'alal ja' laj sloq'uesuncutic talel ta Egiptoe.”

Éxodo 32:4

Va'i un, och ta yoc ta sc'ob, jech tey laj yac' ta ulesel ti oroe. Lic abtejuc ta yanel ta jun yanobil ja' to ti c'uxi joybij lec yu'un ta sloc'obbail jcot ch'in tot vacaxe. Jech o xal un, scotolic xi lic yalique: —Israel, ti li'e, ja' ti dios ti laj sloq'uesot talel ta Egiptoe.

Éxodo 32:8

Ta ora no'ox laj xch'ac sbaic ta be ti bu laj calbeic ti ta stamic batele. Laj xa smeltsanic ta ulesbil oro jcot sloc'obbail ch'in tot vacax. Avi tana une, yacalic xa ta xich'ic ta muc', ta xac'beic matanaletic xtoc ti xi ta xalique: ‘Israel, ti li'e, ja' dios ti laj sloq'uesot talel ta Egiptoe.’

Éxodo 34:17

“J'ech'eluc mi ja'uc xameltsanic ti adiosic ti unijesbil ta taq'uine.

Isaías 42:17

Ti buch'utic spatoj yo'ntonic ta stojol ti loc'obbaile, mi ja' ti xi ta xlic yalbeic ti yan loc'obbailetique: ‘Ti vo'ote, cajdiosotcutic’, q'uexlal xa ta stam sbaic loq'uel.

Isaías 42:8

Vu'un Diosun, jech ti jtalele. Mu xcac' que jti' ti ta xjel yajval ti buch'u ta xcac'be ti cutsilal jlequilale. Mu smeloluc ti nijil chimil yich'el ta muc' ti loc'obbailetic ti c'alal jtuc no'ox oy sc'oplal quich'el ta muq'ue.

Isaías 45:16

Scotolic ti buch'utic ta smeltsanic ti loc'obbailetique, ta xac' sbaic ta q'uexlal ti nijil chimilic ta xac' sbaic ta lo'il maxile.

Ezequiel 20:7

Ti vu'un Ajvalil Diosun yu'unique, scotolic laj calbeic ya'iic ti xch'acuc sbaic ta stojol ti loc'obbail diosetic yu'un ti Egiptoe, ti mu soques sbaic xchi'uc ta yich'el ta muq'ue.

Ezequiel 8:10

Li'och batel. Ti c'u snatil pujul x'och batel ti yut moc xtoque, tey laj quil ti scotol xa no'ox bonbil ta loc'tael sloc'obbail ti quiletel chonetique, xchi'uc sloc'obbail ti yan chon bolometic ti mu'yuc yutsil ta q'uelele, xchi'uc tey bonbil ta loc'tael loc'obbail diosetic yu'un ti jteclum Israele.

Ezequiel 8:3

Jech ti buch'u co'ol s'elan vinic yilele, laj xach' talel ti sc'obe. Stsac xiyutbun ti stsotsil jole. Va'i un, ti smuc'ul stsatsal ti Diose, xi chechech to batel yu'un. Ti c'usitic laj quil ti c'alal jam ti jba jsate, ja' liquem ta stojol Dios scotol. C'alal to Jerusalén yic'ojun batel yilel, ti c'ot sva'anun ta ochebal ti'na ti oy ta yutil ti jteclum ti xi sq'ueloj batel ta stuq'uil yolon ti yolon xocon sloq'ueb c'ac'ale, ti bu va'al ti loc'obbail ti ilinem ti Dios yu'une.

Levítico 19:4

“Mu xanijan xachiman abaic ta sts'ac-patiel ti c'usi meltsanbil ta c'abale. Mi ja'uc xameltsan ta xrioxinel ti ulesbil ta taq'uine. Yu'un vu'un ti Ajvalil Diosun avu'unique.

Levítico 26:1

“Mu'yuc c'usi xameltsanic avajdiosic. Mi ja'uc xaloc'taic loc'obbailetic. Mi ja'uc xava'anic ta alumalic ti ta xabis ta ch'ul tonetique, xchi'uc mi oy c'usi ta xaloc'taic ta tonetique. Mu stac' xaquejan abaic ta yich'el ta muc'. Yu'un vu'un ti Ajvalil Diosun avu'unique.

Números 12:8

Yu'un ti stuque, quilojbe jba jsatcutic ti c'alal ta jc'opone. Jamal que jti'cutic. Ta xil ti jba jsate, ¿c'u cha'al ya'yel un cha'e ti chopol ta xac'opojic ta stojole?”

Hechos 17:29

Yu'un ti jech yalab xnich'nabotic ti Diose, ma'uc xtal ta joltic ta snopel ja' Dios ti c'usitic loc'tabil ta oroe, ta platae, ta tone, ti xvul no'ox ta sjolic c'u s'elan pasbil yu'un ti jnaclejetique.

Romanos 1:23

Laj sc'atbunic slequilal yutsilal ti Dios ti mu jutebuc oy sc'oplal ta xchame, yu'un laj sbisic ta Dios sloc'obbail ti viniquetic ti sna' xchame, xchi'uc sloc'obbail ti mutetique, xchi'uc sloc'obbail ti chonetique, xchi'uc sloc'obbail chonetic ti yich'oj chanib yacane.

Deuteronomio 16:22

Mi ja'uc xava'anic loc'obbailetic ti meltsanbil ta ton ti ta xanijan xachiman abaic ta yich'el ta muq'ue. Yu'un ti va'i s'elan taje, toj chopol ta j'ech'el ta xil ti Ajvalil Dios avu'unique.

Deuteronomio 27:15

‘Bac svocol chamuc ta banomil ti buch'u ta smeltsan ti sdiostaque, mi oy c'usi unijesbil ta taq'uin ta sloc'tae, mi ta xac' ta meltsanel ti oy bu c'otem ta pasel ti snac'oj xa leque. Ti jech taje, toj chopol ta xil ti Diose.’ Xi ta stac' scotol ti lume: ‘Jechuc.’

Deuteronomio 5:8

‘Mi ja'uc xaloc'ta junuc loc'obbail dios, mi ja'uc sloc'obbailtac ti c'usitic oy ta vinajele, ti c'usitic oy ta banomile, ti c'usitic oy ta nabe, ti c'usitic oy ta yolon banomile.

Apocalipsis 16:2

Loc' batel ti ba'yel anjele, laj scocan yalel ti sbel sbis ta banomile. Scotol ti buch'utic yich'oj smarcail ti xi'bal sba jti'oval chone, ti snijanoj xchimanoj sba ta yich'el ta muc' ti sloc'obbaile, lic ch'iuc chin ta sbec'tal stacopalic ti jun xc'uxul ta j'ech'ele.

Apocalipsis 9:20

Ja'uc le'e, ti c'u yepal com ti jnaclejetic ti buch'utic mu'yuc xchamic yu'un ti oxtos cuxul j'ilbajinvanej vocole, mu'yuc xicta sbaic ta spasel ti c'usi chopole, mi ja'uc laj yicta sbaic ta yich'el ta muc' ti pucuje, xchi'uc ti c'usitic meltsanbil ta c'abale, ti meltsanbil ta oroe, ta platae, ta tsatsal c'anal taq'uine, ta tone, ta te'e, ti c'alal mu x'ilvane, mu xa'i c'oponel, ti mu stac' xanave.

Jueces 17:3

Ta melel le'e, cac'oj xa ta ventainel ta stojol ti Dios ta sventa ti colote, yo' ta xich' loc'tael loc'obbail dios ti bonbil lec ta plata taq'uine. Avi tana une, ta jsutesbot ec un.