Éxodo 20:25 - Bible in Tzotzil de Chamula

²⁵ Mi ta xameltsanbeicun jun altar ta tone, mu me anbiluc. Yan ti mi anbil ta yanobil ti tone, ta xasoquesbeic sc'oplal ti altare.

Bible in Tzotzil de Chenalhó with Deuterocanon

²⁵ Me chapasbicun scajleb jmoton ta tone, mu me xavajanic li tone. Yu'un me chavajan ta avabtejebic li tone, chabolibtasic li scajleb jmotone.

Éxodo 20:25 Iomraidhean Croise

1 Reyes 6:7

Ti stonaltac ti ch'ulna laj yich'e, lec anbil ta j'ech'el. C'alal laj yich' va'anel ti ch'ulna une, mu'yuc xa xvinaj xc'ojc'un ti martilloe. Mi ja'uc xvinaj xc'ojc'un ti yan abtejebaletic ti meltsanbil ta taq'uine.

Éxodo 20:24

Ja' yu'un un, meltsanbeicun junuc altar ti meltsanbil no'ox ta latsbil lume. Cajanic tey ti chon bolometic ti oy ta acorralique, ti avacaxique, ti ta xich' svocol ta chiq'uel ta sventa ti lajesobil o'ntonale. Ta xtal jts'uiltas ta jujun ti bu ta jc'an ta xich' na'el ti jbie.

Éxodo 24:4

Va'i un, ti Moisese laj sts'iba scotol ti c'u s'elan albat yu'un ti Diose. Sob xa lic ta yoc'omal. Laj smeltsan jun altar ta yoc ti vitse, ti laj slats lajcha'bej (12) t'ujbil tone, ti jujubej yu'unic ti jujuvoc' snitilultac ti Israele.

Ezequiel 40:42

Ti chancot (4) mexa ti bu ta xich' chiq'uel ti chon bolometique, naca anbil ton. Yich'oj oxch'ix xchi'uc jquejlej (75 cm.) ti snatile. Yich'oj oxch'ix xchi'uc jq'uejlej (75 cm.) ti sjamleje. Yich'oj cha'ch'ix xchi'uc vo'bej c'ob (50 cm.) ti stayleje. Ti bu taje, ta scajanic ti beq'uet ta sventa ti matanaletique.

Josué 8:31

Jech laj spas jech c'u cha'al albilic no'ox ti israeletic yu'un ti Moisese, ti ja' yajtunel ti Diose, ti co'ol sc'oplal jech c'u cha'al ts'ibabil ta svunal ta jbel c'usi albil sc'oplal yu'un ti Moisese: “Jun altar ti latsbil no'ox ta ton ti mu'yuc anbile.” Va'i un, ti israeletique laj yaq'uic chic'bil matanal ta sba ti altare, xchi'uc laj yaq'uic milbil matanal sventa ti lajesobil o'ntonale.