Éxodo 20:16 - Bible in Tzotzil de Chamula

¹⁶ “Mu xajut c'op ta soquesel achi'il.

Bible in Tzotzil de Chenalhó with Deuterocanon

¹⁶ “Mu me xanopbe smul achi'ilic.

Éxodo 20:16 Iomraidhean Croise

Salmos 15:3

ti buch'u mu junuc ta sbisan ta cotol chavale, ti buch'u mu'yuc c'usi chopol ta spasbe ti buch'u lec xil sba xchi'uque, ti buch'u mu'yuc ta soquesbe sjol ti slac'nae,

Éxodo 23:1

“Mu me ja'uc ti teq'uel ta xc'ot ta avo'nton ti jeche' c'op no'oxe. Mi ja'uc ti lec xa xava'i xapay ac'op xchi'uc ti buch'u toj chopole, ti utsuc xa xava'an aba ta jeche' rexticoal yu'une.

Proverbios 10:18

Pac'taejbail xal ti buch'u mu xac' ta ilel ti oy sc'ac'al yo'ntone; ti buch'u xpuquet no'ox yu'un ti lo'il maxile, ta scoj mu xa'i sba.

Proverbios 11:13

Ti jlo'iltavaneje, xpuquet no'ox ta alel yu'un scotol, ja'uc ti buch'u sna' stuc'ulan sbae, yo'nton no'ox sna'.

Proverbios 19:5

Mu q'uelbiluc no'ox ta xcom ma' ti jut c'op rexticoe; mu ono'ox xcol ec un ma' ti jut c'ope.

Proverbios 25:18

Ti buch'u naca jeche' no'ox oy c'usi ta xalbe ti lec xil sbaic xchi'uque, co'ol s'elan majob te', mi espada, mi ni' yolob ta xac'be.

Levítico 19:11

“Mu xa'elc'ajic. Mu xajutic c'op. Mi ja'uc xalo'laan abaic.

Levítico 19:16

“Mu xapas ti xava'vunet ta spuquel slo'iltael ti achi'iltaque. “Mu xatic' aba ta smilel ti achi'ile. Yu'un vu'un ti Ajvalilune.

Levítico 19:18

“Mu me ja'uc xapas ti ta xa xapac ava'i sutele. Mi ja'uc ti xti'et xa xcapet xa ajol ta stojol ti avinquilele. C'uxubino ti avinquilel jech c'u cha'al ta xac'uxubin abae. Yu'un vu'un ti Ajvalilune.

San Mateo 19:18

—¿C'usi jtosucal taje? —xi laj sjac' ti querem vinique. Ti Jesuse xi laj yale: —Mu xamilvan, mu xasa' avants, mu xa'elc'aj, mu xajutbe smul achi'iltac ta jech yepal.

San Lucas 3:14

Xi jac'bat yu'un jun chib soldado ti Juane: —Ti vu'uncutique, ¿c'usi sc'an ta jpascutic? Xi tac'batic yu'un ti Juane: —Mu xasibtasvanic, mu xajutbeic smul ti buch'u mu'yuc c'usi spasoje. Mu xapojbeic ti c'usi oy yu'unique. Paso ta jun avo'ntonic ti c'u yepal ta xavich'ic atojolique.

Hechos 6:13

Ma'uc no'ox taje, laj sva'anic jutc'op rexticoetic ti xi laj yalique: —Ti vinic li'e mu xicta sba ta xchopol-c'optael ti ch'ulnae xchi'uc ti oy c'usi tsots albil sc'oplale.

Efesios 4:31

Lajuc sc'oplal ta atojolic ti soquet ta xava'iique, ti sbic'tal avo'ntonique, ti xajajetic no'ox ta ile, ti xti'et no'ox ajolique, xchi'uc scotol ti c'usi chopole.

Deuteronomio 5:20

‘Mu xajut c'op ta soquesel achi'il.

1 Timoteo 1:10

ti buch'utic ta xmulivajique, ti buch'u ta xchi'in sbaic ti co'ol viniquetique, ti jmucul jchonvanejetique, ti jutc'opetique, ti buch'u sva'anic ta rextico Dios ta sjutel ti c'ope, ti xcaltique, ja' sc'oplalic ti buch'utic ta syanijesbeic smelol ti lequil chanubtasele.

2 Timoteo 3:3

Mu'yuc slequilal yutsilal yo'ntonic. Mu'yuc syail xc'uxul yo'ntonic. Naca jlo'iltavanejetic ta j'ech'el. Mu cha'bel x'och ta be yu'unic ti c'usi ta sc'an ti yo'ntonique. Mu'yuc xch'ulel xa'i sbaic ta j'ech'el. Contra xil scotol ti c'usi leque.

Santiago 4:11

Ti vo'oxuque mu xasa'be aba amulic ta jujun tal. Ti buch'u chopol ta xc'opoj ta stojol ti yane, mi ta stic' sba ta xchapanele, co'ol s'elan mu lecuc ta xc'opoj ta stojol ti ch'ul mantal ti oy c'usi tsots sc'oplal albile, ta xac'ot ta juez ta stojol ti mantale, c'alal ja' yabtel ta xch'unele.