Éxodo 20:12 - Bible in Tzotzil de Chamula

¹² “Ich'o ta muc' ti atote xchi'uc ti ame'e yo' jech ta xnatij acuxlejal ta banomil ti ta xac'bot ti Ajvalil Dios avu'unique.

Bible in Tzotzil de Chenalhó with Deuterocanon

¹² “Ich'o ta muc' atot ame', yu'un jech jal chacuxi te ta banamil ti bu chacac'boxuc vu'un li Muc'ul Diosun avu'unique.

Éxodo 20:12 Iomraidhean Croise

Génesis 48:12

Ti Josee laj snit loq'uel ti ololetic quicajtic ta sjol yoc ti stote. Snupilan xa banomil laj snijan sba ta stojol.

Génesis 50:12

Xnich'nabtac ti Jacobe jech laj spasic scotol jech c'u cha'al albatic yu'un ti stote.

1 Reyes 2:19

Ja' yu'un un cha'e, ti Betsabee bat sc'opon ti ajvalil Salomón ta sventa ti Adoniase. Ti ajvalile va'i batel, bat snup ta be ti sme'e, ti snupilan xa banomil laj snijan sba ta stojole. Bat chotluc ta xchotleb ta ts'acal to un, ti laj yal mantal ti ac'o yich'ic talel junuc xila ta sventa ti sme'e, ti lic chotiuc ta xocon sbats'i c'ob ti ajvalile.

2 Reyes 2:12

C'alal jech laj yil ti Eliseoe, xi avane: “¡Tot un cha'e, tot un cha'e, ti c'otemot ta banquilal jtsalvanej soldado yu'un ti Israele!” Ts'acal to un, ch'ay batel ta sat ti Eliase. Ti Eliseoe lic xch'i' ta jatel ti sc'u'e.

Éxodo 21:15

“Ti buch'u ta syayijes ti stote, ti sme'e, chapal sc'oplal ta xich' milel.

Éxodo 21:17

“Buch'uuc no'ox ti ta sbis ta cotol chaval ti stote, mi ja' ti sme'e, chapal sc'oplal ti ta xich' milele.

Proverbios 15:5

Ti buch'u pimuneb xa'i sbae ta sbaj ta sjip ti tojobtasel yu'un ti stote; ti buch'u ta xac' ta ventae, ta xvinaj ta stojol ti oy sbijile.

Proverbios 17:6

Mu xa buch'u xtaun o ta xa'iic ti muc'tot yayaile, ja' ta sventa ti smamobtaque; mu xa buch'u xtaun o ta xa'iic ti alab nich'nabe, ja' ta sventa ti stot sme'ique.

Proverbios 20:20

Ti buch'u ta sbis ta cotol chaval ti stot sme'e, ic'uneb ma' ti osil banomil ta j'ech'el xc'ot ta tsutsel ti xcuxleje.

Proverbios 28:24

Ti buch'u ta xal mu muliluc ti oy c'usi xu' ta xelc'anbe ti stot sme'e, cuxul j'ac'-ti'ol ma' le' une.

Proverbios 3:16

Ta xnatij ti cuxlejal yu'une, ta xac' c'ulejal xchi'uc ich'el ta muc'.

Proverbios 30:11

Oy buch'utic ta sbis ta cotol chaval ti stote, mi ja'uc ta slequil-c'optaic ti sme'e.

Proverbios 30:17

Ti buch'u sc'a'epal sat ta xil ti stote, ti ta sbis ta jeche' mu yayil ti sme'e, xtun o ma' taj une ti ts'uts'batuc ya'i sbec' sat yu'un ti ic'al mute, lilineuc ta ti'el ya'i yu'un ti tararane.

Jeremías 35:18

Ti Jeremiase xi laj yalbe xtoc ti recabitaetique: “Ti Ajvalil Dios yu'un Israel ti scotol xu' yu'une, xi ta xale: ‘Ti vo'oxuque ach'unojbeic smantal ti Jonadab ti ja' atot ame'ic ta vo'nee. Laj atuc'ulanic lec ti bijubtasel yu'une. Scotol c'otem ta pasel avu'unic ti c'u s'elan laj yal comele.

Jeremías 35:7

Ma'uc no'ox taje, laj yal ta jamal ti mu stac' ta jmeltsan ti jnacutique, mi ja'uc ti c'usi xu' ta jts'uncutic ta osile. Mi ja'uc xu' ta jsa'becutic yosilal ti uva yo' ta jts'uncutique. Yu'un laj yalbuncutic mantal ti c'ajomal no'ox ac'o naquicuncutic ta uni axibalnaetic yo' jech jal ta xinaquicutic li' ta banomil ti bu co'ol s'elan jyanlum ta xi'ech'cutique.

Ezequiel 22:7

Mu xaq'uic ta venta stot sme'ic ti jnaclejetic avu'une, naca xilbeic no'ox svocol ti jyanlumetique, ta yilbajinel ti buch'u mu'yuc buch'u x'ayan yu'une, xchi'uc ti me'unal antsetique.

Levítico 19:3

“Ti jujunoxuque, bic'tajeso abaic ta snijanel xchimanel abaic ta yich'el ta muc' ti atotique xchi'uc ti ame'ique. “Ich'ic ta muc' xtoc ti sc'ac'alil cuxob o'ntonale. Yu'un vu'un ti Ajvalil Diosun avu'unique.

Levítico 19:32

“Bic'tajeso aba ta stojol ti buch'u vulem xa xch'ulelique. Va'ano aba, c'opojan. Ac'o ta ilel ti abic'tajesoj aba ta stojol ti Dios avu'une. Yu'un vu'un ti Ajvalilune.

Malaquías 1:6

Ti paleetique, xi ta xvulatic yu'un ti Dios ti scotol xu' yu'une: “Ti alab nich'nabiletique sna' snijan xchiman sbaic ta yich'el ta muc' ti stot sme'ique. Ti mosoviletique sna' snijan xchiman sbaic ta yich'el ta muc' ti yajvalique. Jech ti vu'un ec une, atoticun, ¿c'u cha'al un ti mu xanijan abaic ta yich'elun ta muq'ue? Avajvalicun xtoc, ¿c'u cha'al un ti mu xa xavaq'uicun ta ventae? Yu'un mi ja'uc jutebuc oyun ta avo'ntonic. Ma'uc no'ox taje, yu'un xachi ta xaval xtoque: ‘¿Mi yu'un la oy bu ti mu xacac'otcutic ta ventae?’

San Mateo 19:19

Ich'o ta muc' atot ame'. C'uxubino achi'iltac jech c'u cha'al ta xac'uxubin abae.

Marcos 10:19

Xana' ti xi s'elan ti mantaletique: ‘Mu xamilvan, mu xasa' avants, mu xa'elc'aj, mu xajut c'op. mu xalo'lavan, ich'o ta muc' atot ame'.’

Marcos 7:10

Ti Moisese xi laj yale: ‘Ich'o ta muc' atot ame'. Ti buch'u ta sbis ta cotol chaval ti stot sme'e, oy sc'oplal xcham xlaj.’

San Lucas 18:20

Xana' ti xi ta xal ti mantaletique: ‘Mu xasa' avants, mu xamilvan, mu xa'elc'aj, mu xajutbe c'op ta soquesel ti yane, ich'o ta muc' atot ame'.’

Efesios 5:21

Ich'o abaic ta muc' ta jujun tal ta sventa ti xana' xaxi'taic ti Diose.

Deuteronomio 11:8

“Scotol smantaltac Dios ti laj calboxuc ava'iic li'e, c'otuc ta pasel avu'unic. Jech oy lec avipic ta yu'ninel ti lum ti ta xbat apojique.

Deuteronomio 11:9

Jal jabil ta xach'i xac'opojic ta banomil ti yaloj ono'ox ti Dios ta xac'be ti amolmuc'totic ti laj ech'icuc ta vo'nee, xchi'uc ti snitilultaque, ja' ti banomil ti bu co'ol s'elan vo' ta xbein ti chu' vacaxe, xchi'uc ti ajapome.

Deuteronomio 21:18

“Mi oy buch'u spajeb xa no'ox toyobba ti xnich'one, ti mu xch'un ti c'usi ta x'albat yu'un ti stot sme'e, ti mu xch'un ta j'ech'ele, manchuc mi ta xich' tsitsele,

Deuteronomio 25:15

Ja'uc le'e, ts'acaluc tijiluc lec ti sbisol avu'une yo' jech jal jabil ta xach'i xac'opoj ta lum ti bu ta xac'bot ti Ajvalil Dios avu'une.

Deuteronomio 27:16

‘Bac svocol chamuc ta banomil ti buch'u mu lecuc xil ti stote, mi ja' ti sme'e.’ Xi ta stac' scotol ti lume: ‘Jechuc.’

Deuteronomio 32:47

Yu'un ti jbel c'usi tsots albile, mu ta jeche'uc no'ox ti oy sc'oplale. Yu'un ja' ta xac' cuxlejal, ja' ta sventa jal ta xanaquiic ta banomil ti oy ta jot uc'um Jordane, ti oy sc'oplal ta xbat avu'ninique.”

Deuteronomio 4:26

Yu'un ta jva'an ta rextico ti vinajele, ti banomil avi tana li' une, ti ta jech no'ox yepal ta xch'ay ac'oplalic ta lum ti bu ta xavu'ninic ta jot uc'um Jordane. Yu'un mu xjalij ti ach'iel ac'opojel ta banomil taje. Yu'un c'ajomal no'ox ta xac'otic ta tsutsel ta j'ech'el.

Deuteronomio 4:40

Ch'unbeic ti jbel ti c'usi tsots albil sc'oplale, xchi'uc ti smantaltac ti ta xcac' ana'ic ti c'ac'al avi tana li'e. Jech lec ta xc'ot ta atojolic xchi'uc ti anitilulique, ti ta xnatij ach'iel ac'opojelic ta lum ti bu ta xayac'boxuc ta j'ech'el ti Ajvalil Dios avu'unique.”

Deuteronomio 5:16

‘Bic'tajeso aba ta yich'el ta muc' ti atote, ti ame'e jech c'u cha'al laj yalbot mantal ti Ajvalil Dios avu'une yo' jech ta xnatij ach'iel ac'opojel, yo' jech lec ta xbat ac'oplal ta banomil ti bu ta x'ac'bat yu'un ti Ajvalil Dios avu'une.

Deuteronomio 5:33

Ja' tamic ech'el sbelel ti c'u s'elan laj xchanubtasoxuc ti Ajvalil Dios avu'unique yo' jech lec ac'oplalic, ti jal jabil ta xach'i xac'opojic ta banomil ti bu ta xayac'boxuc ti arextoique.

Deuteronomio 6:2

Ti jech taj une, ta xavaq'uic ta toyol cajal sc'oplal ta yich'el ta muc' ti Ajvalil Dios avu'unic ti c'u sjalil ti achi'el ac'opojelic ti li' ta banomile, ti c'otuc ta pasel avu'unic ti mantale, ti c'usitic oy jbel tsots albile, ti laj calboxuc ava'iic xchi'uc ti avalab anich'nabique, ti amomique. Yu'un ti jech taj une ep jabil ta xach'i xac'opojic.

Colosenses 3:20

Alab nich'nabiletic, ch'unbeic scotol smantal ti atot ame'ique, yu'un mi jech ta xapasique, lec ta xayil ti Cajvaltique.

Rut 3:6

Ti Rute bat ti bu ta xich' majel ti trigoe, ti jech lic spas scotol jech c'u cha'al albat yu'un ti sme'alibe.

1 Samuel 22:3

Ti bu taje, ti Davide laj stam batel sbe ta Mizpa ti oy ta Moabe, ti xi laj yalbe ya'i ti ajvalil yu'un ti Moabe: —Avocoluc, ta jcomtsan li' ta atojolic ti jtot jme'e ja' to ti mi laj jna' c'usi ta spas ti Dios ta jtojole.