Éxodo 2:5 - Bible in Tzotzil de Chamula

⁵ Lec xa ox jmuc' ta jal un, ja' o bat atinuc ta uc'um yantsil nich'on ti faraone. C'alal ta xanavic ta sti'il uc'um ti sme' mosovtaque, c'ot ta satic jun moch tiq'uil ta yut pujtique. Ja' yu'un un, laj yalbe mantal jun sme' mosov ti ac'o sloq'ues talele.

Bible in Tzotzil de Chenalhó with Deuterocanon

⁵ Ts'acal te ibat ta atimol stseb li faraone. C'alal ja'o te chanovic ta ti'ti' uc'um li squiarataque, laj yil li unin moch te oy ta yut ajtique. Ja' yu'un li stseb faraone la stac batel jun squiara yu'un ac'o bat yich' tal.

Éxodo 2:5 Iomraidhean Croise

1 Reyes 17:6

Ta sob ic'luman, ta mal c'ac'al, ta x'ich'bat batel pan xchi'uc beq'uet yu'un ti jojetique. Ja' ta spul yuch' ti vo' ta ch'in uc'ume.

Salmos 12:5

Xi s'elan laj yal ma' ti Dios une: “Ti me'un mu'natetique, xchi'uc ti buch'utic mu'yuc xa yipique, ilbajinbilic, ac'bil svocolic. Jech o xal avi tana li' une, ta xlic jva'an jba ta scoltaelic ti juteb ta yo'ntonic c'otuc ta pasel une.”

Salmos 46:1

Jnac'obbailtic, yip co'ntontic ma' ti Diose; jcoltavanej cu'untic c'alal yorail ti ilbajinele.

Salmos 76:10

Ti scapemal sjol ti jnaclejetique, ta xjoybij ta alequil c'optael; ta sventa juteb ti sc'ac'al yo'ntone, jun to sronail ajol ta xc'ot yu'unic.

Salmos 9:9

Ti Diose ta stic' sba ta spojel ti buch'u mu x'ech' svocolic ta ilbajinele; ta sva'an sba ta pojvanej c'alal yorail ti svocolique.

Éxodo 2:6

C'alal laj sjamic ti moch yo' ta sq'uelic ti c'usi tiq'uil ta yute, ja' to laj yilic ti ja' jun olol ta x'oc' ti tiq'uil ta yute. C'uxubaj yo'nton yantsil nich'on ti faraone. Va'i un, xi laj yale: —Le'e, ja' jun hebreo olol.

Éxodo 7:15

Sob xbat aq'uel oc'om ti c'alal ta xbat ta uc'ume. Malao ta ti' uc'um. Ja' jech xtoc, ich'o batel ti vaxton ti joybij ta chone.

Éxodo 8:20

Ti Diose xi laj yalbe ya'i ti Moisese: —Ti faraone sob ta xbat oc'om ta uc'um. Ja' yu'un un, sob xalic. Batan, ba q'uelo ti xi xavalbe ya'ie: “Xi ta xal ti Diose: ‘Ac'o ave ati' ti xu' ta xloq'uic batel ti calab jnich'nabe yo' jech ta xbat yich'icun ta muc'.

Proverbios 21:1

Mi oy ta yoc sc'ob Dios snopbenal yu'un ti ajvalile, co'ol s'elan yoc uc'um x'uc'ubinaj no'ox stamoj batel c'usi ta sc'an ti Diose.

Jonás 1:17

Ac'o mi jech ti va'i s'elan taj une, jech ti Diose chapal xa yu'un jcot muc' ta choy yo' jech ta xbiq'ue ochel ti Jonase. Jech ti Jonase, oxib c'ac'al, oxib ac'ubal, oy ta yut xch'ut ti choye.

Jonás 2:10

Jech ti Diose laj yalbe mantal ti choye ti ac'o xeta loq'uel ta sti'il nab ti Jonase.

Hechos 7:21

C'alal bat sjipique, yantsil nich'on ti ajvalile laj stam. Laj sts'ites. Laj sbis jech c'u cha'al junuc yol.