Éxodo 2:4 - Bible in Tzotzil de Chamula

⁴ Ma'uc no'ox taje, oy jun xvix ti quereme albat yu'un ti sme'e, ac'o sq'uel ta nom ti c'usi ta xc'ot ta stojol ti nene'e.

Bible in Tzotzil de Chenalhó with Deuterocanon

⁴ Li xvix olole te icom sq'uel ta nom c'usi chc'ot ta pasel.

Éxodo 2:4 Iomraidhean Croise

Éxodo 15:20

Ti me' j'alc'op María ti ja' xchi'il ta voq'uel ti Aarone, tey lic ta xchijolanel chij-chij taq'uin. Va'i un, lic xchanic scotol ti antsetique, jmoj x'ac'otajic xa liquel ti c'alal xchijchun no'ox yu'unic ti chij-chij taq'uine,

Miqueas 6:4

Laj jloq'uesot talel ta jteclum Egipto; laj jpojot ti jech ochemot ta mosovile. Laj jtac talel ta atojolal ti Moisese, ti Aarone, ti Mariae yo' jech ta xastojobtasoxuc batel.

Números 20:1

Ti sliquebal u yu'un ti jabile, ti israeletique c'otic ta sbajtical banomil yu'un Zin, comic c'uc sjaliluc ta Cades. Ti bu taje, cham ti Mariae. Laj yich' muquel ti bu taje.

Números 26:59

Ti Amrame laj yic'be yantsil nich'on ti Levi ti Jocabed sbie, ti ja' o voc' c'alal oyic to ox ta Egipto ti Levie. Ti Aarone, ti Moisese, xchi'uc ti Mariae, ja' stot sme'ic ti Amrame, ti Jocabede.