Éxodo 2:3 - Bible in Tzotzil de Chamula

³ Ja' no'ox un, sta yorail ti mu xa stac' naq'uele. Jech o xal un, laj sa' jun moch meltsanbil ta jchop o ta puj. Laj spac' ta chab ta xuch' ti scayalultac ti moche yo' jech mu x'och ti vo'e. Ts'acal to un, laj stic' ochel ta yut moch ti nene' quereme. Bat yac' ta yut pujtic ta sti'il ti uc'um Niloe.

Bible in Tzotzil de Chenalhó with Deuterocanon

³ Pero c'alal mu xa xu' yu'un jal snaq'uele, te lic spas jun biq'uit moch. La spac' lec ta chapopote xchi'uc ta xuch' ti bu bevajtique yu'un jech mu x'och vo' ta yut. Te la stic' ochel li yole; bat yac' ta yut ajtic ta ti' uc'um Nilo.

Éxodo 2:3 Iomraidhean Croise

Génesis 11:3

Oy jun c'ac'al, xi lic yalanbe sbaique: “La' jmeltsantic latriyo, la' jchic'tic xtoc.” Ja' yu'un naca latriyo laj stunesic ti bu oy sc'oplal ta xtun ti tone. Naca asfalto laj stunesic ti laj smeltanic o ti muyele.

Génesis 14:10

Ti ta scotol ti stenlejal Sidime, oy ep sjoc'al bats'i asfalto. Jech o xal un, c'alal ta ox xjatavic batel ti ajvaliletic yu'un jteclum Sodoma xchi'uc ti Gomorrae, oy jlom laj bajicuc yalel ta joq'uetic c'alal xyaquet ti letoe. Ti jlom ajvaliletique jatavic batel ta vitstic.

Génesis 6:14

Jech o xal, meltsano jun barco ta te' ti lec tsoj xchi'uc ti xuch'ale. Meltsano jayc'oluc yut. Ta xapac' ta chab ta yut ta spat ti bu cayajtique yo' jech mu sol jelavel ti vo'e.

Éxodo 1:22

Yan ti faraone xi laj yalbe ya'i mantal ti steclumale: “Jipic batel ta uc'um ti jvoq'uel hebreo queremetique. Yan ti mi ja' tsebetique, ch'an utic.”

Isaías 18:2

ti ta staquic talel ti j'al-mantal j'ich'-c'opetic yu'unic ta x'ech'ic talel ta uc'um Niloe, ti xcajetic no'ox talel ta barco ti meltsanbil jchop o ta puje. Nuletanic batel ta anil un cha'e, j'alc'op j'ich'-mantaletic, ta jun lum ti bu nacalic ti natiquil viniquetique, ti xlebebet no'ox ta ch'uletel ti sbec'talique, ti ja' jun lum ti buyuc no'ox xi'bilique, jun lum ti tsots xu' yu'une, ti cajal xa'i sbae, ti nacalic ta jun banomil ti buyuc no'ox oy ti uc'ume.

Isaías 19:6

Ta xtuib ta j'ech'el ti be vo' pasbile. Ti xpumet no'ox yoc ti uc'um ta Egiptoe, yu'un ta c'un c'un ta xbic'taj ech'el, ja' to ti c'uxi xtaquij ta j'ech'ele. Ti pujetique xchi'uc ti jchop o ta puje, ta xlic nucultajuc.

Isaías 35:7

Ta xc'ot ta jun muc' ta nab liquel ti sbajtical banomil to oxe. Buyuc no'ox ta xtuc liquel sat vo' ta taquin banomile. Ta xlic ch'iuc ajetic xchi'uc jchop o ta pujetic ti bu c'otem ta snail ti oq'uiletique.

San Mateo 2:13

C'alal batic xa ti bijil viniquetique, tal yaj'ánjel ti Diose, ti xi laj yalbe ta svaich ti Josee: —Lican, batan, ic'o batel ti olol xchi'uc ti sme'e. Jatavanic batel ta yosilal Egipto. Comanic ti bu taje ja' to mi laj calbot ava'ie, yu'un ti Herodese ta sa' ti olole, yu'un ta smil ya'i.

San Mateo 2:16

C'alal laj yil ti Herodes ti laj ta lo'lael yu'un ti bijil viniquetique, icap sjol, laj yal mantal ti yich'uc milel scotol ti uni queremetic ti mu to ta sta chib jabile xchi'uc ti yich'ojic xa chib jabil ti oyic ta jteclum Belene xchi'uc ti c'u yepal joyol ta spat xocone. Ja' ba sco'oltas talel ti ajvalil Herodese ti c'usi ora laj yalic ti bijil viniquetique.

Hechos 7:19

Ti ajvalil taje laj sna' c'usi laj yut ta slo'lael ti jmolmuc'totic ta vo'ne ti laj yilbajine. Laj yalbe mantal ti sjipicuc stenicuc ti sq'uelojicuc chamuc ti ach' voq'uel ololetique.