Éxodo 19:8 - Bible in Tzotzil de Chamula

⁸ Va'i un, ti israeletique co'ol sc'op scotolic ti xi laj staq'uique: —Ta jpascutic scotol jech c'u cha'al laj yal ti Diose. Jech ti Moisese laj yich' batel yo' ta xet'es ta stojol Dios ti c'u s'elan tac'bat yu'un ti israeletique.

Bible in Tzotzil de Chenalhó with Deuterocanon

⁸ C'alal laj ya'yic li israeletique jech laj yal scotolic: —Scotol li c'usi laj yal Muc'ul Diose ta jpascutic —xiic. Jech li Moisese bat yalbe Muc'ul Dios c'u x'elan itac'ov li israeletique.

Éxodo 19:8 Iomraidhean Croise

Nehemías 10:29

lic svol sbaic xchi'uc ti yuts' yalalique. Ti banquilaletic yu'unique lic yac' yeic ti ta stamic batel ta xch'unel ti oy c'usi jbel tsots albil yu'un ti Dios ti laj yac'be comel ti Moisese, ti ta sjunul yo'ntonic ta xc'ot ta pasel yu'unic scotol ti smantaltaque, ti c'usitic nopbil yu'une, xchi'uc ti oy c'usi jbel tsots albil yu'un ti Dios cu'uncutique.

Éxodo 20:19

Ja' yu'un un, xi laj yalbeic ti Moisese: —Vo'ot c'oponuncutic. Ta jch'uncutic ti ac'ope, naca mi chamcuncutic ti mi ja' ta xisc'oponuncutic ti Diose.

Éxodo 24:3

Jech ti Moisese loc' batel, bat yalbe ya'i ti israeletic scotol ti c'u s'elan pasatic ta mantal yu'un ti Diose. Scotolic, jun sc'opic xi laj yalique: —Ta jpascutic scotol ti c'u s'elan laj yal mantal ti Diose.

Éxodo 24:7

Ts'acal to un, laj stsac svunal ti tratee. Tey laj yavtabe ya'i ti israeletique. Ti stuquique xi laj yalique: —Ta jts'etan lec jchiquincutic ta ya'yiel ta spasel ti c'u s'elan ta xal mantal ti Diose.

Éxodo 4:31

Jech ti jteclume c'ot ta yo'ntonic, yu'un laj ya'iic ti mu'yuc tenbilic yu'un ti Diose, ti ilbilic mu x'ech' ti svocolique. Jech o xal un, ta sjunul yo'ntonic laj snijan sbaic ta yich'el ta muc'.

Josué 24:21

Xi tac'bat yu'un ti jteclume: —Mi ja'uc jech ta xc'ot ta pasel taj une, yu'un ta j'ech'el ta xcac' jbacutic ta tunel yu'un ti Diose.

Josué 24:24

Xi tac'bat yu'un ti jteclume: —Ta jbel sc'oplal ta xcac' jbacutic ta tunel yu'un ti Ajvalil Dios cu'untique. Ta jch'uncutic ta spasel scotol ti c'usi ta xiyalbuncutique.